Isaya 27:6 - Bible en Guidar

⁶ Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 27:6 ပူးပေါင်းရင်းမြစ်များ

Ɗerewel na Yob 37:12

Tay əsuləketi, vi dəɗɗanəngən an aɗi sit wən nan pakə, addəv ənziya egge də aka dəlvafuŋgu.

Isaya 35:1

Kapta-muyã də dələv mukuro dənnekeŋgi! Muyã dəsan babyak babyakə dəffuy va kidorgom.

Isaya 35:2

Uffuyõ adaffuyõ! Dəsan addəv ənnek kpakə, gəm addəv gəlya na ənneke! Gagdak na mossorgo na Liban wasan səni məpsəni yi lelew na mossorgo Karmel gəm na təki məpəlayya na Saron. Naway pak wawla gagdak na Yawe, memetiŋ na Maŋgəlva namə.

Isaya 37:31

En dəndəwəɗaŋ səddəv Yuda wassoŋ va suwer wəlaŋga afuŋgu, wawaŋ a disiŋ.

Isaya 4:2

Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 6:13

An taka dayday səret ɗiy kəlaw en dəssoŋ adak apəlka, wazlə aka offo. Va Korvoŋ gəm va terebentə məbilti məs gebbet dəmbərə, Gabban van hara na zeŋve salala yi.

Isaya 60:22

Daŋgla muzliya wasan ɗiy gabalə, an məddakən wakkpaŋ dələv gbogboŋgo. Aski in Yawe nədawgəm zu wəɗɗa aka pay nani.

Yeremiya 30:19

Kaprəmi wəlet əya gəlya, sən ənneke. Wanənzlirgiti, arreheŋ na ɓa. Wanəɗɗa ɗiy dəgagdaketingini, kawzeleti ɓa.

Ezekiyel 36:10

Wanənzlərgit ɗiy akokumu, gəla na Israyel dəwənnani; walaŋgəleɗe gugriɗ wassoŋ dit ɗiy addəvti, karketi kiyməskiyɗe.

Ezekiyel 36:8

Mənokum mossorgoɗe gugriɗ na Israyel, kivet wəlenɗe nakok waskə, wawaŋ sit ɗiy naw na Israyel, vi go'oŋ namndoŋgu.

Hose'a 2:23

Yawe aɗiyman na: aka pay nan na, wanəzlan sən disiŋ aka wəray nani, disiŋ wazlan sən dəlvafuŋ aka wəray nani.

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Galatiyen 3:29

Ya an na Kristu kənanaŋ, asna uwa na Abraham kənanaŋ, va aza iynama na, məzəmgəlaɗe kənanaŋgə.

Filipi 3:3

Vi mənamtə migil əskəlawra, en məzuɗinən ki Maŋgəlva də Əmpəs nani gəm dəɗinən ənnek net addəv Yesu Kristu məza aka gəɓa zə ɗəf ɓa.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.