Isaya 27:13 - Bible en Guidar

¹³ Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Isaya 27:13 ပူးပေါင်းရင်းမြစ်များ

2Milyeŋge 17:6

Aka wəzva mavaytakan na Hose'a aka məlĩ yi, məlĩ na Asiri amõh Samari, ake mə Israyelɗe a Asiri. Azi aka va na Hala, aka va na Gozan, dədaki məlpa Habor adawtoŋgo, gəm a walaŋgəleɗe gugriɗ na Mediya.

1Alabaraɗe Də Mabərkiziti 15:24

Məsdəlveŋge, Sebaniya, Yosafat, Netanel, Amasay, Zakarya, Benaya gəm Eli'ezer, net muffoŋ gozloro aba akoti na Maŋgəlva. Obed-Edom də Yehiya, net məgaŋ akoti.

Gəlyaɗe 47:5

Awelsəmək dələv nawray vamə, yaŋ na zəm nekki yi, mənam ɗiy na Yakob məs aŋgələ. Əziwe

Gəlyaɗe 81:3

Məsmayə, məbay dəgla, koku dəɗəmə, də gəzləŋtəndəŋ.

Gəlyaɗe 89:15

Təstəs də gegesiŋ suwer mazaŋga na məlĩ nokəŋgə; moggon də gesiŋ tahəŋ ədawaŋ aboko.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 11:16

Vasna tive tay abet ɗiy nan dəppaŋgə, en dəppaŋ a Asiri, va appaŋ lahəŋ a Israyel gala adawgilyoŋ səka dələv na Eziptə.

Isaya 18:3

Ɗiy nammba dələv pakə, ɗiy en dəssoŋ aka dəlva, an məmpani gabaga nawsən dələv azan aka mossorgo metiŋ, kulanəngəni an məffoni mohõ kəprəməngəni.

Isaya 19:21

Asna Daya warban zən a Eziptə, pay dəpaska mə Eziptiɗ wasənnən Daya. Waɗɗaŋ sənən wəza də wəzaɓ-Maŋgəlva gəm əvəla. Waynanən met taŋtaŋ sən Daya, wazbanəni.

Isaya 19:22

Daya warga Eziptə, wambəlgiti: Ndəɗaŋ dəveti wamilyoŋ aza Daya, wataf əhəm neti gəm wambəlgiti.

Isaya 2:11

Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 25:6

Aka mossorgo metiŋgin vanəska, Yawe Məzuɓappak wapsit waynabaya slu məs səlhã də mbazla ammbani slu nenek məs səlhã, mbazla məɗɗoto moggon fõtfõt ammbani.

Isaya 43:6

Wanənah sən tapaslay pay na disiŋ na: dəppetgin ədda, sən dohoŋ na: Kətek ɓa. Məmilgit kirtu mezeŋgleket hã sə faraɗa, kirtu muguluŋgit sə təki dələv abaymani;

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Isaya 56:8

Daya Yawe, məzəkkelet ɗiy mərɓehet na Israyel aɗiymani: nəkkeletik səkayə, wanəkkelet meɓirit əmpa.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Isaya 66:23

Vas adawsan təlaper pak gəm aza va pay naffet agəɗ pakə, ɗiy pak wappu'oŋ abawa, Yawe anahə.

Yeremiya 31:6

Vi Pay wade məs məgaɗe adanzlaŋ vaŋvəl aket mossorgo metiŋ na Efrayim: Misil məpeŋgən a Siyon aza Yawe Maŋgəlva namə.

Yeremiya 43:7

Addoŋguk aka dələv na Eziptə vi dəprəmən ma Yawe ɓa agapaŋ hã a Dafne.

Yeremiya 44:28

Ɗiy siɗikke dədawkõhoŋ səma masalam dədamndoŋ səka dələv na Eziptə aka dələv na Yuda, asna ɗiy en dəppaŋ sə Yuda məs dəɗamaŋ a Eziptə pak wasənnən na, əpel na naway dədaɗɗa di? An nawi, an neti yi.

Ezekiyel 20:34

Wanəgilgukum səret ɗiyi, wanəkkolokum səket dəlveŋge məs mətəraygukum aket də gbogboŋ na vaw təlla gəm dit herɗe nawa.

Ezekiyel 20:41

Də məŋgən tursan naffeten makrawa, wanətafkum, pay nədawgilgukum sə weleŋgit ɗiyi, wanəkkalokum səket dəlveŋge məs mətəraygukum aketi. Wanərban salala naw də mənokum ama heret ɗiy-ɗarə.

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Daniyel 11:45

Wampe gizlirkeɗe na məlĩ nan awaleŋgit peheɗ də mossorgo an salala, adaki əmta adawrəhən, wamtə məza ɗəf əbbah sən ɓa.

Hose'a 11:11

Wazzoŋ sə Eziptə də wəkker va honzurɗe gəm səka dələv na Asiri va mukuɗuŋguleɗi, Yawe aɗiyman na: wanikiy dəssoŋgən eŋgil anetda.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:3

Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Məsdəlveŋge 25:9

Təla mabuhulon də əvoŋ kəlaw na təla vani, kəffonəgən gozloro vi kaɗɗəla; pay metiŋgin navvuyon mambray na, kuffonəngən gozloro aka dələv nokum pakə;

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Zakarya 14:16

En dəppaŋ mederet səret ɗiy en dəzzoŋ əgay də Yerusalem waddoŋ əppu' va aza əzva agəɗ pak aba məlĩ Yawe Məzuɓappakə, gəm kaɗɗa wəzləra net guɗukɗe.

Zakarya 8:7

Vaŋ Yawe Məzuɓappak anahə: In yakəŋ əkõhgit ɗiy naw səka dələv nammba pay nampum gəm na moskoyo.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 24:31

Waslin maslayɗe nan də gozloro metiŋgini, wakkeletin məweleɗe nan səmmba tapaslay pay poɗo pak təŋ sə meteɓ ma dəlva hã a met təɓ man mbərən.

Luka 4:18

Əmpəs na Daya tay akawa, vi awelwək nəpelgən alabara nenek sit məssãhẽŋɗe, aslənwək kawtəl ma nappet ɗiy mərmeti, vi kawkol sit heret deŋgerɗe, vi kawkõhgit məzuzəmaŋ sahã.

Roma 10:18

Ya nənahək na: Dəprəmnən ɓayi kan sa? Vaski dərəŋ ɓa: Wəlet aprəmək aka dələv pakə, əpel net agapək hã a təki dələv abaymani.

1Tesaloniki 4:16

Vi Daya sən kiyən waprik sə disiŋ də wiya dayadaya, də wəla maslay an daya, də gozloro na Maŋgəlva, asna ɗiy en dəmtaŋ addəv Kristu wasilyoŋ tagay.

Ibriɗe 12:22

Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Hənhən 10:7

Ya pay an adaprəmnən maslay mabuhuleti, pay adawtəŋ əffon gozloro nani, asna Maŋgəlva waknahan wən məɗama nan dəpaska, va anah sit məɗɗaŋ wəza nan məskəleŋɗe.

Hənhən 8:2

Nulek maslayɗe buhul ziwziw aba Maŋgəlva, yaŋ məpsit gozloreɗ buhul.

Hənhən 8:6

Maslayɗe buhul məs də gozloreɗ buhul avet nek azaɓanənək zit naffoti.

Hənhən 9:14

Tay ənah sən maslay masləre'it məs də gozloro avan na: Appet maslayɗe poɗo məs minet dit ngiyamɗe a məlpa metiŋ na Efrat neki.