Isaya 26:6 - Bible en Guidar

⁶ Məzurayɗe dit ɗiy məddekit wandapanən ammba tilti.

Isaya 26:6 ပူးပေါင်းရင်းမြစ်များ

2Milyeŋge 9:33

Anah sit na: «Məzgat afuŋ!» Azgatənka. Mbel səzat Izabel, aɗɗaŋgək zẽhe aza gəla gəm aket pilseŋge; Yehu adaw dəkat də mawta nani.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 25:10

Va Yawe tay əga mossorgo metiŋ vanəska! Ya Mo'ab wasan məndapan a gəlan agəlani, va kpew na marbaza məndapan aka dagərgiya.

Isaya 28:3

Kawndapani walaŋgəla-metiŋ mətərkiya na əkaɓ net məs mbazla abayaŋ na Efrayim ammba tilit ɗiyi.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 3:14

Yawe atoŋguk ətawwən aket ɗiy misɓet net ɗiy nani gəm deyeɗe: mənokumtə kəzletin megezlembirkeɗi; gəleɗe nokum tahəŋ mbe'mbe' də zəga an kəhalaŋ səvet məssehẽŋɗe.

Isaya 3:15

Vimi kədawndepin ɗiy naw gəm kədawbayaŋ gəgay sit məssehẽŋɗe di? Daya Yawe Məzuɓappak aɗiymani.

Isaya 37:25

Nəso'ək vov net iŋkile, iŋkile na guw nəsə dawɗi təlu nədakkpe' iŋkile səket tiveɗ na Eziptə.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Yeremiya 50:45

Vi vaski məprəm an Yawe aziwgin naɗɗa aka Babilon, an aynan nawgəɗ sən dələv net mə Kaldiyeɗi: Sessel, kawketi va adawketin kirtit gilewi Sessel, waraygən gazlaŋ net sən wən neti.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Sefanya 3:11

Pay dasək na wil adukun na viyit wəzeɗe nok mbəreyit pak məs kəɓoŋ akawəŋ ɓa; vi wanəzergit məzukaɓaŋ məɗiyaŋ kiyzit səddəvko, kəzban na əɗi kiyzuk aka mossorgo metiŋ salala naw əmpa ɓa.

Luka 10:19

Yaŋ na, nəpsukumək gagdak nawdaw dəket dohõɗe dit hərziyeɗi, gəm aka əɓap na məzuzele pakə, sessel zəga tay nawgəɗ sukum ɓa.

Roma 16:20

Maŋgəlva, afən zazaya, aliy na daŋkən Satan ammba təlkum ɓa. Mbəlembəle na Daya nam Yesu dəsan akokum.

1Korintus 1:26

Mula milmiŋgiɗwa, aka kərahaŋ iya na Maŋgəlva: məsmaɗɗulet a maheret ɗiy tahəŋ diyɗa ɓa, ɗiy gagdakɗe tahəŋ diyɗa ɓa, ɗiy tektek tahəŋ diyɗa ɓa.

Yakob 2:5

Milmiŋgiɗu na makrawa, məpak sləmokum ammba wəpel nawa. Maŋgəlva awelik məssehẽŋɗe na maheret ɗiy negge dəssoŋgən məsaryeɗ də wətafa gəm nawzəmaŋ gəla na məlĩ məs aynan napsit en dəŋgluwəni.

Yosuwa 10:24

Aka adawgilgitin milyeŋge sle' vet kawkesən Yosuwa, ndən dahdah iye mə Israyelɗe beymeti. Aɓsit deyeɗe net ɗiy nawgay nan məs dədawaŋ ammban na: «Mədder aŋka, məzlak təlkum ama wəlet milyeŋgeŋki.» Ndəɗaŋ dədereŋ azani, azlakən tilik ama wəlet milyeŋge veti.

Hənhən 2:26

Məskəwəla məs dərme wəzaɗe naw hã aza əgrak nan na, wanəpsən gagdak aket ɗiy-ɗarə,

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.