Isaya 26:4 - Bible en Guidar

⁴ Məppan ki zukum pay pak sən Yawe, ha'aw sən Yawe, Yawe milɓe an faɗi yi.

Isaya 26:4 ပူးပေါင်းရင်းမြစ်များ

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

2Alabaraɗe Də Mabərkiziti 32:8

An dəsan dəndən na gbogboŋ na ɗəf titiri yi, ya dəndəm na, Yawe Maŋgəlva nam narma vamə gəm nawgay addəv wəlpa nam temtemi.» Əpel Hizkiya məlĩ na Yuda apel temteməs asɓetik ɗiyi.

Ɗerewel na Yob 9:19

An vi gbogboŋgi, awle ndəni gbogboŋ van kpakə. An ətawwəni yi, naway nawku aba ətawwən di?

Gəlyaɗe 125:1

Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

Gəlyaɗe 18:2

Yaŋ amna: Nəŋglukuko Yawe, gbogboŋ naw kənani.

Gəlyaɗe 46:1

Seza daya net məyaŋgəlya; gəlya net kirtin Kore akat waŋ nadda ammba zile.

Gəlyaɗe 55:22

Man ligisligis də mẽlẽ, ya makran tay əgaya. Əpel nan nek day ki mẽlẽ, ya va slõhõŋɗe miptiwtiŋgə.

Gəlyaɗe 62:11

Kədawɗiynən əɗɗum nokum aka ərəh də vurum ɓa, may ərəh nawmõh dəmõh ɓa. An arya nokum tay uwan zəni, kədawɗiynən mokrokum akan ɓa.

Gəlyaɗe 62:8

Aza Maŋgəlva yi əkõh də gagdak nawa. Milɓe naw an gboŋgboŋgu, təki nawɗam naw aza Maŋgəlva yi.

Gəlyaɗe 62:9

Məɗi əɗɗum nokum akan pay pakə, munokum ɗiyi; məkol mokrokum abani; Maŋgəlva təki nawɗam nami yi. Əziwe

Gəlyaɗe 66:7

Də gurom nani yi, azəm məlĩ hã faɗə, haran tay əteɗ ɗiy-ɗar pakə; məɓoŋgit adawsilyoŋ akan ɓa! Əziwe

Gəlyaɗe 93:1

Yawe tay əzəm məlyã. Aguluk gagdak ka lukutu, Yawe aynanək gbogboŋ ka maslapa nagzeni. Ha'aw, dələv aziwke, aɓla ɓa.

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 17:10

Vi kəzgətək ki Maŋgəlva məs dəkõhguko, kəɗɗum aka milɓe nawɗam nok ɓa. Vini is tat əmpa guli net wəleŋɗe moggeti kəzləgək uwa na wəlaŋga na guwa.

Isaya 30:29

Wakəyaŋ gəlya, va dəfəɗ naddaŋ na wəzləra. Wakənnekeŋgi va ɗəf adadaw əsla tələn də pozloro, vi kawmbat aka mossorgo metiŋ na Yawe, milɓe na Israyel.

Isaya 32:2

Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Isaya 44:8

Kədakkerəŋ ɓa, kəgeslne'eŋ ɓa, nəprəman sukum far, gəm nəboton sukum mənokum miziweɗe naw ɓa sa? Dabərkiyu na, Maŋgəlva tay sa? Milɓe tay məza nəsən ɓa ɓa.

Isaya 45:17

Yawe wakõhgit ɗiy na Israyel əkõh an faɗə. Wil adenin na ɓa, warbaŋ wil ɓa faɗ hã ndolu.

Isaya 45:24

Kawnəhi akaw na: Aza Yawe kaka' gbogboŋ də ədaw təstəs asani. Məzuzelɗe nan pak wamilyoŋ abani, wil wadenni.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 51:5

Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 63:1

Naway dədazzan hã sə Edom ndak di? Naway dədazzan sə Bosra dit lukutɗe pepreŋɗe ndak di? Ofkok-ofkok addəv lukut nan də gbogboŋ diyɗa. Intə nədawpel də təstəs də gagdak nawkõho.

Daniyel 3:17

An Maŋgəlva nam mədawgagdakanəŋ tay na, waɓap wəkõhgəm səddəv movoro offo gəm səmmba voko, məlyã!

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Matiye 6:13

Akõhgəm səddəv əraka. Ya agilgəm səddəv mbərayən. Vi məlĩ noki də gbogboŋgo də gagdaka, hã faɗə. Amen.

Əmsak aka Mahenziŋ 32:15

Yakob abəka, azəmka; Yesurun asilik ɗoɗloy; akərka, aɗiyək səlhã, ɗiklik ɗikliki azganək Maŋgəlva məs dəzəməɗa, arbə sənək wil sən Milɓe, wəkõh nani.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

Əmsak aka Mahenziŋ 33:27

Far na, Maŋgəlva yi təki nawɗam noko; van tay əkasluk pay pakə; arɓehetik məzuzelɗe nok səboko, anah suk na: azeti!

Filipi 4:13

Də gbogboŋ nan addəv zəga pak vi Kristu tay əvay əɓapa.

1Samiyel 2:2

Ɗəf tay salala va Yawe ɓa. Vi istə Maŋgəlva, tay məbal suk ɓa. Milɓe va Maŋgəlva nam tay ɓa.