Isaya 26:3 - Bible en Guidar

³ Daya də zuk soksok kədazga sləma aka zay na ɗəf məs makran barə, vi appanək kizən suko.

Isaya 26:3 ပူးပေါင်းရင်းမြစ်များ

1Alabaraɗe Də Mabərkiziti 5:20

Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

2Alabaraɗe Də Mabərkiziti 13:18

Pay dəpas na, mə Israyelɗe arbaŋgək wili, ɗiy na Yuda tam, askaŋgək wəla, vi ageseŋ aza Yawe, Maŋgəlva net efiŋgiɗti.

2Alabaraɗe Də Mabərkiziti 16:8

Mə Etiyopiɗe dit mə Libiɗe lahəŋ na, dəsapaŋ dula gədak dit mawteŋɗe nalpa, may məŋkoroŋ pilseŋge məza meŋge net ɓa ɓa sa? Adan kəbay zuk aza Yawe, apsukik ammba voko.

Gəlyaɗe 119:165

Zazay metiŋgin viyit en dəŋglunən mahenziŋ noko: net zəga tay nattepet ɓa!

Gəlyaɗe 125:1

Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

Gəlyaɗe 9:10

Yawe dəsan təki nawɗam na məsərmani, təki nawɗam pay nawzəm sahã!

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 26:12

Yawe, is tat əpsəm zazaya, vi wəza nam pakə, istə kəɗɗa vimə.

Isaya 27:5

An ɗəf appanək zən əɗam azawa wakay əsler də iyna, wasler də iyna!

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 32:17

Təstəs waki zazaya, tatwãh asan na ɓa, əɗɗum afeyet na ɗiy ɓa.

Isaya 32:18

Ɗiy naw wassoŋ a təki na zazaya, wassoŋ məza tatwãh ɓa, addəv əffet məza əɗɗum ɓa.

Isaya 42:19

Naway daŋgar an gawla nawi ɓa di? Naway goryom va maslən məs nəslən di? Naway daŋgar va ɗəf məman di? Naway daŋgar va gawla na Yawe di?

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 48:2

Mənokum tat əya kizukum də iya na walaŋgəla-metiŋ salala, mənokum məzugeseŋ aka Maŋgəlva an Israyel, məs adawyaŋ na Yawe Məzuɓappakə.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 50:1

An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Yeremiya 39:18

Vi əkõh nədawkohguko, kəmtə na ama masalam ɓa, zəga nawrəh nama əgay nok na zeŋgiloki yi, vi kəppanək zuk suwa Yawe aɗiymani.

Daniyel 3:17

An Maŋgəlva nam mədawgagdakanəŋ tay na, waɓap wəkõhgəm səddəv movoro offo gəm səmmba voko, məlyã!

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 6:23

Maŋgəlva naw aslənək maslay nani, amsanək met Ɓooliɗi, dəɗɗaŋ suwən zəga ɓa, vi naw də mazlibezlibe na maw nani, gəm abok is məlĩ dayday na, mbərayən tay nəgəɗ ɓa.»

Mika 5:5

Net wataɗən dələv na Asiri də masalam gəm dələv na Nimrod tam də slohõ. Nan wakõhgəm səva Asiri, an azzoŋguk aka dələv namə, atoŋgoŋguk kiyit meŋge.

Yohanna 14:27

In tat əppan sukum zəzaya, in tat əpsukum zazay nawa, va dələv adapsukum nədapsukum ɓa. Mokrokum adazlzlaɓ ɓa, ageslne' ɓa.

Yohanna 16:33

Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.

Roma 5:1

Adan mərah əssa təstəs də ətaf kan na, gəgaŋ na, mənam tat zay də Maŋgəlva dəza Daya nam Yesu Kristu.

Filipi 4:7

Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.