Isaya 26:20 - Bible en Guidar

²⁰ Ɗiy nawa, mətoŋ eŋgili, məmset maddambeɗe akokum. Məɗam vi pay siɗikke hã gap ədagədəv na Daya toŋgu.

Isaya 26:20 ပူးပေါင်းရင်းမြစ်များ

Va'Atəŋ 7:1

Yawe aɓsən Nuwe na: «Ade atoŋ də gəla nok pak addəv bəlay, vi is takərguk nəwəl təstəs səddəv sayit ɗiyəŋki.

Va'Atəŋ 7:16

Mizilin də mugolun, zəga an də slu zən pak dədawtoŋgo. Atoŋgoŋguk va Maŋgəlva aɗi sən wən nan sən Nuwe. Yaŋ Yawe ampan maddamba akani.

Ɗerewel na Yob 14:13

An kəɗamawək addəv təki net mimtiti, an kəɗamawək hã ədagədəv nok dəgrakgəni, an kəɗisuwək əŋɗava naɗɗum akawa,

Gəlyaɗe 143:9

Yawe, amohũ səvet məzuzelɗe nawa; azoki nəzaɓ təki nawɗama.

Gəlyaɗe 17:8

Agu va mawyãk horoko, aɗamaw a perslekoko,

Gəlyaɗe 27:5

Vi waɗamaw a təki nawɗam zəga nan pay nawraya; waɗamaw a təki huzluguɗɗo na gizlirke nani, waziwgu aka milɓe.

Gəlyaɗe 30:5

Məlvan Yawe də gəlya, mənokum ɗiy nani, məɗi kiyən də əɗɗumon Sazlaksazlak nani:

Gəlyaɗe 31:20

Moggon nok diyɗa yi məs kəɗi ta' ammbet məzugeslne'eŋ sukuni! Kəpsitik ɗiy dədaddoŋ əɗam azoko, abet ɗiy gboŋgu.

Gəlyaɗe 32:7

Təki nawɗam naw kənani, is tat əgu səma əzəmsahã, də salalay nawbit kətərwəslwa. Əziwe

Gəlyaɗe 57:1

Səza daya net məyaŋgəlya. Məyan də wəla məs adawyaŋ na: «Kəraygən ɓa.» Gəlyanalva səddəv gəlya na Davit. Gala adanzan səba Sawlu a bətəŋ.

Gəlyaɗe 57:2

Awla sasãhwa Maŋgəlva, awla sasãhwa, vi azok nəɗamə; ara zeŋgile perslekok nədawɗama, hã gap əray toŋgu.

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Gəlyaɗe 91:4

Də deɗeken adawzaɓ təki nawɗam noko, wakəɗam ammba perslekeni. Gegesiŋ nan baray yi gəm lukut-na-təbzi.

Gəlyaɗe 94:13

kapsən əffet addəv pay na tatwãha, hã an məso'ni vov sit məsdarawɗe.

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Wənməkkpaŋga 22:3

Ɗəf an petpet an awlak əraya, ndən əɗama; ya net mitiɓiɓɗe na, ədawaŋ dəkani, ndəɗaŋ kan əzəmsahã akani.

Isaya 10:25

Vi abe aŋ siɗikke na, gagay naw wagrakə, ədagədəv naw wakkpaŋ əzeti.

Isaya 10:5

Əray aka Asiri, tandaŋ na ədagədəv nawi, zleŋge navanəŋ na herɗe nawəŋ.

Isaya 13:5

Tay əzzoŋ səka dələv faraɗa, səkki dələv abaymani, Daya yi dit məzəlpaŋ naknahanən ədagədəv nani, vi kawzan dələv pakə.

Isaya 34:2

Vi ədagədəv na Yawe tay aket ɗiy naket dəlveŋge pakə, herɗe nan tahəŋ aket məzəlpaŋ net pakə. Aziwginik kawzeti, appetik kawtaw wəleti.

Isaya 51:16

Nəɗiyək əpel naw a moko, nəɗupuk vaw akoko, nəpakək disiŋ, nəzəməɗek dəlvafuŋgu, nənah sitik ɗiy dəssoŋ a Siyon na: Mənokumtə ɗiy nawa.

Isaya 51:4

Məprəma, mənokum Vanday nawa, məpak sləmokum ambawa, mənokum ɗiy nawa. Vi mahenziŋ wasil səzawa; ətawwən naw nədapsa wasan əkeɗeɗe net ɗiyi.

Isaya 66:14

Wakulanəni, mokrokum wanneki, slesleŋɗe nokum wassoŋ gboŋgboŋ va əndəf na kevile. Yawe warban gagdak nan sit məɗɗaŋ wəza nani, gəm ədagədəv nan sit məzuzelini.

Yeremiya 31:14

Wanəbet məsdəlveŋge də səlhã, ɗiy naw wabaŋ də zəga vawa Yawe aɗiymani.

Yeremiya 7:23

An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Ezekiyel 11:16

Vasna anah na: vaŋ Daya Yawe anahə: Də nəzergit faraɗa aret ɗiy-ɗar daydayə, də nətəreygit aket dəlveŋge temtemi, nəsaw sitik va gəla salala pay siɗikke aket dəlveŋge en addoŋ adaka.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Matiye 6:6

Ya noko, an kəŋgələk əkkama, atoŋ addəv gəla noko, ampan maddamba noko, akkaman Afuk an na təki nawlay ɓa, Afuk an məzula an məɗamma wafaɗ suko.

2Korintus 4:17

Vi əzəm nam kakaŋkəŋ kafkafi aza teɓelteɓel na gagdak an faɗ məs adawzaɓan səmə.