Isaya 26:15 - Bible en Guidar

¹⁵ Kənzlərgitik ɗiy namə Yawe, kənzlərgitik ɗiy namə, kərbanək gagdak noko; kəzlzletetik meŋgeɗe na dələv pakə.

Isaya 26:15 ပူးပေါင်းရင်းမြစ်များ

Va'Atəŋ 12:2

Wanəkkpaŋgok ka ɗiy diyɗa, wanəɗɗa əzaɓ akoko. Wanəkkpaŋgan iya nok metiŋgini. Akəsok ka əzaɓ net ɗiy mbirti.

Va'Atəŋ 13:16

Wanuwan suk kiyuk va burɗuk naka dəlvafuŋ, an kawɓapiy əŋɗan burɗuku asna kawɓapiy əŋɗan zeŋvuko'e.

1Milyeŋge 8:46

An aɗɗaŋgək mambray azoko, vi ɗəf tay məza aɗɗa mambray ɓa ɓa, ya an kədək gədəv aketi gap kədeppet avet məzuzelɗe neti, gəm ɗiy dəskanən wəlet aketin aka balam aka dələv net məzuzelɗe net faraɗa awaniɓa go'o pakə,

2Milyeŋge 17:23

Hã gap Yawe arɓehet səban va anah də met məɗɗaŋ wəza nan məskəleŋɗe. Məketiŋ mə Israyelɗe səka dələv net faraɗa a Asiri hã gap pay dəpaŋka.

2Milyeŋge 17:6

Aka wəzva mavaytakan na Hose'a aka məlĩ yi, məlĩ na Asiri amõh Samari, ake mə Israyelɗe a Asiri. Azi aka va na Hala, aka va na Gozan, dədaki məlpa Habor adawtoŋgo, gəm a walaŋgəleɗe gugriɗ na Mediya.

2Milyeŋge 23:27

Yawe amna: «Yuda dayday, wanərɓahan sə maharaw faraɗa, va nərɓahan Israyel, wanəzgan Yerusalem walaŋgəla-metiŋ nəweləŋka, Gəla məs nənah na: Adak iya naw adawsan əŋka.»

Nehemi 9:23

Kəwetik kirtit va ŋgərzleɗ na disiŋ. Yaŋ kəke aka dələv məs kənah sit efiŋgiɗit dəzzoŋgən ətafən ka neti naka.

Ɗerewel na Yob 12:23

Ndəni məzəɓeygit dəlveŋge gəm məzuzeti, ndəni məzənzlərgit dəlveŋge gəm məzudawgiti.

Isaya 10:22

Israyel, an ɗiy nok anzləraŋgək va hoyoŋko a məlpa zlaŋgə, en dəndəwəɗaŋ kaka dədawmilyoŋ azani. Əza tay məzaɓan gərak narban təstəsə.

Isaya 33:17

Wakulanən məlĩ addəv gagdak nani harok wawla dələv foroyforoy.

Isaya 40:5

Asna, gagdak na Yawe warbə, ɗiy pak wawlanən na, Yawe apelke.»

Isaya 44:23

Disiŋ, minneki vi Yawe aɗɗaka. Kpukpum na dəlvafuŋ, anneki. Mossorgoɗe gugriɗe, wəleŋɗe ngərəɓə, wəlaŋga awandi naddəvən pakə, məgəsl vaŋvəl sən ənneke. Vi Yawe akõhgənək Yakob, arbanək gagdak nan a Israyel.

Isaya 6:12

Daya wazargit ɗiy naka dəlva. Dələv wasan də mani.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 9:3

Vi kəŋzləwək zuk dəsan sit gədakə, zleŋge na mawəleti, gəm tandaŋ nargeti, va kəɗɗa far aka pay net Madiyanɗe.

Yeremiya 30:19

Kaprəmi wəlet əya gəlya, sən ənneke. Wanənzlirgiti, arreheŋ na ɓa. Wanəɗɗa ɗiy dəgagdaketingini, kawzeleti ɓa.

Yeremiya 32:37

In yakəŋ əkkelet səket dəlveŋge məs nətreyet adak pak də ədagədəv nawa gəm dit herɗe nawa, də makraw fuyõfuyõ. Wanəmndeget a təkiyəŋka, wanəɗɗa dəssoŋgən kiyit foŋgo.

Ezekiyel 36:24

Wanəgəmkum səret ɗiy-ɗarə, wanəkkolokum səket dəlveŋge pakə, wanəkiykum aka dələv nokumu.

Ezekiyel 5:12

Taka səddəv hoku net ɗiy noko wanəbey də gəbaymərma, kagreket də mayã, taka səddəv hoku meɓɓeti waskotoŋ ama masalam kiyuk tərwəslə; taka səddəv hoku an dəmbraŋgə, ammba səmyã nədawndolti, wanəkdah masalam ammbeti.

Əŋɗa 23:10

Naway nawɓap əŋɗan burɗuk na Yakob may kuɗiskuɗis na Israyel di? Kəta naw van nəmtə əmta net ɗiy təstəsə, kəta əgrak naw dəsan va nani!»

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Yohanna 15:8

Addəv aŋki adawgagdakanən Əbba, an mənokum tat uwa diyɗa gəm an kəkkpaŋgək gewleɗ nawa.

Yohanna 17:1

Adan Yesu apel vaska, aslan haran a disiŋ, amna: Aw Afəni, pay agapka. Agagdakan Wətuko vi Wətən dəgagdakokgəni.

Əmsak aka Mahenziŋ 10:22

Efiŋgiɗuk aprikeŋ əmbat a Eziptə na, ɗəf titir kaklaw buhuləŋ kaka'ə, ya kakaŋ Yawe Maŋgəlva nok anzlərgukuk diyɗa va ngərzleɗ a disiŋ.

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Əmsak aka Mahenziŋ 28:64

Yawe watərayguk a weleŋgit ɗiy-ɗar gboŋgu, adaka wakəgəɗ wəza sit meŋgilveɗ meɓɓeti, is dit efiŋgiɗuk kəsinin ɓa: na wəlaŋga gəm na gərma!