Isaya 26:13 - Bible en Guidar

¹³ Yawe, Maŋgəlva namə, deyeɗe mbirit azəmaŋgək məlĩ akamə. Istə kaka' mədawgagdakan iya noko.

Isaya 26:13 ပူးပေါင်းရင်းမြစ်များ

2Alabaraɗe Də Mabərkiziti 12:8

Ya wakkpaŋgaŋ belemɗe nani, dəsənəngən walaŋ əgəɗ su wəza na balam gəm əgəɗ sit wəza na balam sit milyeŋge net dilveŋge.»

Isaya 10:11

Va an nəgəɗ sən Samari gəm sit meŋgilveɗ nani, nəɗɗa na sən Yerusalem gəm sit meŋgilveɗ nan vas ɓa sa?

Isaya 12:4

Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 2:8

Dələv net aknahək dit meŋgilveɗ en ɗarə, tahəŋ əppu'oŋ aba wəza na veti, aba zəga an va ɗəf agəɗə.

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 51:22

Vaŋki Daya nok Yawe, Maŋgəlva nok məzutər ɗiy nan anahə: Yaŋ na nətafək tatwãh məzəɗɗa kiykum viwwe səvoko, kəmsak na əzəmsahã sən ədagədəv naw əmpa ɓa.

Isaya 63:7

Wanəɗɗumon moggon na Yawe wanəɗi ki Yawe vi an agəɗ səm pakə, agəɗək mbəlembəle diyɗa sit mə Israyelɗe, apsit addəv ulasahã nani, gəm addəv əɗɗa moggon nan diyɗa.

Isaya 64:5

Mənam pak mənam tat va mərnokmə, wəzeɗe mogget nam tahəŋ va lukutɗe mərgẽti. Mənam pak məɓətək va gaslamba. Heslepe nam wakəm va səmyã.

Amos 6:10

Asna mahəlfa na gugo net ɗiy en dəmtaŋ dədawgilgin gəbay net səŋgil kawndikit, wanah sən ɗəf məɗamən naddəv gəla na: «Ɗəf tay azok sa?» Ɗəf van wazlan sən na: «Awwo, ɗəf tay ɓa.» Wamsak ənah səni: «Amsan mok kpuɓu! Ɗəf adawya sləma Yawe ɓa.»

Mika 4:5

An ɗiy pak tay ədawaŋ naway pak aka iya na maŋgəlva nan na, nam mənam tat ədaw də iya na Yawe Maŋgəlva nam pay pak hã faɗə.

Yohanna 8:32

Wakəsənnən gegesiŋ, gegesiŋ tam wapəlkum.

Roma 6:22

Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.

1Korintus 4:7

Naway dəɗiyuk daykiyit ɗiy di? Mi avok məza dəpse məpsuk ɓa di? An dəpse məpsuk na vimi kədawkaɓ va kəɓəs na dəpse məpsuk ɓa di?

Ibriɗe 13:15

Də iya na Yesu, məpsən səm əvəl nawɗi kiya sən Maŋgəlva məza əppan gabban ɓa, va ənəh na əpel na mam məzuya iya nani.

Yosuwa 23:7

Kədawslahaŋ dit ɗiy en dəmmbraŋ awalaŋkuməŋ ɓa; kədawyanən sləmet meŋgilveɗ net ɓa, kədaswayaŋ dindit ɓa, kədaɗɗaŋ sitin wəza ɓa, kədappu'oŋ ebet ɓa.