Isaya 26:1 - Bible en Guidar

¹ Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 26:1 ပူးပေါင်းရင်းမြစ်များ

Ezra 3:11

«Də wəɗi ki Maŋgəlva, də wəfet aka Yawe, ndəɗaŋ əddəɗanən əpel vaŋka: Lewi, vi moggon nan tay aka Israyel faɗə. Ɗiy pak aŋzlaŋgək vaŋvəl nawɗi ki Yawe vi gabba Gəla na Yawe məɗiyəni.»

Gəlyaɗe 31:21

Is tat əɗamet a təki kədawɗaman horoko, faraɗa səza bizwil net ɗiyi. Is tat əɗamet a guɗuk faraɗa səza əpel mbərayən.

Gəlyaɗe 48:12

Mossorgo metiŋ na Siyon tay ənneken zəni, walaŋgəleɗe gugriɗ na Yuda, tahəŋ əɗɗəlaŋ vi wətawwən nok temtemi!

Gəlyaɗe 48:4

Addəvit gəleɗe na məlĩ a Siyon na, məsənni Maŋgəlva ka təki nawɗama.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 14:31

Maddamba na walaŋgəla-metiŋ, aŋgəsl vaŋvəla aɓuh moko walaŋgəla. Filisti də wən nan pakə addakka: vi enene va slaybuwən tahəŋ əzzoŋ hã sə kəla disiŋ. Ɗəf tay nawɗoh zən səddəv ədor nan ɓa.

Isaya 2:11

Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 2:20

Pay nani, ɗiy wazgetin meŋgilveɗ ɗar məs azaɓan na təbəz babara gəm na meleŋge vi kappu abet nak sit maŋɗaŋɗe gəm sit dabargeɗi.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 31:5

Va bəŋga məs dəppar perslekeni, vas Yawe Məzuɓappak adawtər Yerusalem. Watəra, wabite, wakõhgəni, wapəla.

Isaya 31:9

Məzəmpəsən ɓəɓəl wanzan sən gəslne, məs dəmpanən tilit wanzoŋgu, deyeɗe wakkereŋ sən gabaga narban dələv azani. Yawe aɗiymani, ndən məs offo nan mərman a Siyon, offo məzuzla a Yerusalem.

Isaya 33:5

Yawe metiŋgini vi a disiŋ asani aknahək Siyon də wədaw sarara gəm wəɗɗa təstəsə.

Isaya 33:6

Əɗɗa moggon wasan zəga napsuk zazay addəv pay noko. Əssa də maɗɗula gəm əsəna, ərahiy addəv wəkõhõ; ageslne sen Yawe, aski əzaɓ noko!

Isaya 4:2

Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 5:1

Wanəyə gəlya kan sən baynawa; tay əpel aka baynaw na makraw də guli net megezlembirkeɗ nani. Baynaw na makraw tay də guli net megezlembirkeɗ a tukzlum mossorgo məs ba'arə.

Isaya 56:5

asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 60:18

Kaprəmi gagay aka dələv nok əmpa ɓa, əray gəm əza aket meŋge nok ɓa. Wakəya zlava nok na, əkõho, metiveɗ nok na, əɗikiya.

Isaya 62:10

Məgili, migil də memeŋgleɗe, məntar tive sit ɗiyi. Məziyani, məziyan tive, məkkpor gərmeŋge, məmpa gabaga na məlĩ abet ɗiyi.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Ezekiyel 40:5

Zlava yaŋ tərwəsl ki Gəla na Maŋgəlva, eflere nawsla zəga tay ava ɗəf nak na metər hoku va aza əsla nani. Əsla pak tay pəɗak na metər taka gəm va ɗəf papar amani. Aslak gbigbis na gəla: metər hoku; əɓay nani: metər hoku.

Zakarya 2:5

In haraw le'gən na: Yaŋ nuwəl ɗəfa, helege nawsla zəga avan kawwa.

Zakarya 2:9

Yawe aɗiyman na: Naw wanəsaw ka zlava na offo kiyən tərwəslə, wanəkkpaŋ ka gagdak addəvni.»

Əŋɗa 21:17

Ndəni Israyel kan aɓap gabba gəlya na: «Iŋkile dəgulyoŋ zohõ səddəv vov neti, məɗɗələ!

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.