Isaya 25:9 - Bible en Guidar

⁹ Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 25:9 ပူးပေါင်းရင်းမြစ်များ

Va'Atəŋ 49:18

Aka wəkõh noki yi, makraw asani Yawe.

Gəlyaɗe 100:1

Gəlyanalva nawfete. Ɗiy naka dələv gboŋ məɗɗəl sən Yawe;

Gəlyaɗe 20:5

Wapsuk va na mokroko, waknəh suk an kəɗɗum pakə!

Gəlyaɗe 21:1

Səza daya net məyaŋgəlya. Gəlyanalva na Davit.

Gəlyaɗe 27:14

Aga Yawe; ampa təlko, asok zuko; aga Yawe.

Gəlyaɗe 33:20

Səva Yawe mədawgani: Ndəni məzəbbah namə gəm baray namə!

Gəlyaɗe 33:21

Vi ənnek na makram səzani, aka iya nan salala yi məzi haramə.

Gəlyaɗe 40:17

Məzukoyokun pak dənnekeŋ də is babyãk babyãkə, dəŋglunən əkõh nok dənahaŋ pay pak na: «Yawe metiŋgini yi!»

Gəlyaɗe 9:14

Awlu sãhə, Yawe! Awla əzəmsahã nawa, vi məzuzelewəni, istə kədawmohũ səma əmta,

Gəlyaɗe 95:1

Məde! Məŋgəzl səm vaŋvəl nannek sən Yawe, mətibiren səm milɓe nawkõh namə;

Isaya 33:2

Yawe arban səm mbəlembəle noko, akok məɗi əɗɗum namə. Asok gbogboŋ nam də mompumo pakə, məzəkõhgəm pay na tatwãha.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 35:1

Kapta-muyã də dələv mukuro dənnekeŋgi! Muyã dəsan babyak babyakə dəffuy va kidorgom.

Isaya 35:10

Ɗiy en Yawe akõhgit wamilyoŋ adaka. Wagapaŋ a Siyon də əŋzla vaŋvəl sən ənneke. Wassoŋ pay pak addəv ənneke. Ənnek waknihe, əhəm gəm əya net waggrakə.

Isaya 35:2

Uffuyõ adaffuyõ! Dəsan addəv ənnek kpakə, gəm addəv gəlya na ənneke! Gagdak na mossorgo na Liban wasan səni məpsəni yi lelew na mossorgo Karmel gəm na təki məpəlayya na Saron. Naway pak wawla gagdak na Yawe, memetiŋ na Maŋgəlva namə.

Isaya 35:4

Mənah sit ɗiy en mekret dəɓoh na: Məsok zukum, kəgeslne'eŋ ɓa, Maŋgəlva nokum yaŋka. Əmpəlkiya wagapə Maŋgəlva wamndan harat huloŋguk sit məzuzelɗe nokum, wade wəkõhgukum.

Isaya 37:20

Ya kakaŋ na Yawe Maŋgəlva namə akõhgəm səvani, milyẽŋge naka dələv pak dəsənnengən na, istə Yawe kaka'ə.»

Isaya 40:9

Nok apeŋ aka mossorgo metiŋ məɓayən is Siyon, mərbə alabara neneke. Aslan wəlok dayadaya, is Yerusalem, mərbə alabara neneke, aslan wəloko, geslne aduk ɓa. Anah sit walaŋgəleɗe gugriɗ na Yuda na: Maŋgəlva nokum yaŋka.

Isaya 41:16

Wakəndolet a disiŋ, səmyã wake, barkataŋ wandoleti. Ya nok wakəsok addəv ənnek vi Yawe, zuk wasan babyak babyakə, vi Salala na Israyel zuk wasan neki.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 51:3

Vi Yawe waffeten makra Siyon, awələk sahã aka wəɓzla nan pakə. Wakkpaŋgan kapta-muya nan va Eden gəm muyã nan va guli net wəleŋɗe na Yawe waknah də inyã inyã gəm də wənneke əlva gəm gəlyanalva.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 60:16

Wakəɗəm moŋvo net ɗiy-ɗarə gəm wakəzəm arya net milyeŋge. Akəsən na: Intə Yawe məzukõhguko, Məzuɓappak na Yakob məzubitko.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 64:4

Kədek əbbah sən ɗəf məzənneken zən də əɗɗa təstəsə, məzəɗɗumon nawdaw aka tive noko. Kədək gədəv akamə vi məgəɗək mambraya. Aket tiveɗiŋki'e mədawrah əkõho.

Isaya 65:18

Dərəŋ na, mənneki, mərban ənnek nokum pay pakə vi wanəzəməɗ: Yerusalem mərban ənnek nani ɗiy nan wannekeŋ sawɓa.

Isaya 8:17

In tat əga Yawe məs dəkkpaŋgan haran faraɗa səka gəla na Yakob, ya akan nəɗi əɗɗum nawa.

Mika 7:7

Ya nawa, aza Yawe nədawla, səza Maŋgəlva nədawga əkõh nawa, Maŋgəlva naw waprəmwa.

Habakuk 3:18

Naw na, wanənneken zu vi Yawe, wanəɗɗəl vi Maŋgəlva məzukõhguwa.

Zakarya 10:7

Ɗiy na Efrayim wassoŋ va gambereɗi, mekret wannek va asaŋ mbazla. Kirtit wannekeŋ də uleti, makret wagəɗ haɗak vi Yawe.

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Luka 2:25

Ɗəf maɓɓan tay a Yerusalem adaka, iya nan na Simeyoŋ, ɗəf nan təstəsi, məgeslne' sən Maŋgəlva, tay əga əkõh na Israyel. Zeŋgile Salala tay akani,

Filipi 3:1

Kakaŋ na milmiŋgiɗwa, mənneken zukum addəv Daya. Nəppan na gabba əver sukum zəga məs nəver sukum səkay ɓa, wasɓokum.

Filipi 3:3

Vi mənamtə migil əskəlawra, en məzuɗinən ki Maŋgəlva də Əmpəs nani gəm dəɗinən ənnek net addəv Yesu Kristu məza aka gəɓa zə ɗəf ɓa.

Titus 2:13

də əɗɗum əga neneke gəm ərba na gagdak na Maŋgəlva metiŋ gəm na Məzukõhgəm Yesu Kristu,

1Piyer 1:6

Mənneken zukum dəndəni, də kədawɗəkaŋ kakaŋ addəv əsla temtem dayday zlaŋgə.

1Piyer 1:8

Kəŋglunənka məza kulanən ɓa, kulanən yaŋkəŋ ɓa, kətafnənka. Vini kədannekenən zukum də ənnek metiŋgin na sləma,

2Piyer 3:12

Ka pay nazza na Maŋgəlva məs kədawgaŋgən dəgapgən gu'u, pay nani disiŋ adawzla gəm adawza, ŋgirzleɗ wewwereŋ sən offo.

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.

Hənhən 22:20

Ɗəf an məs dəziw aka gesiŋ na as pak amna: Gesiŋ gu'o nan aza əzawa. Ha'aw dəgəɗ vaska! Ade Daya Yesu!