Isaya 25:4 - Bible en Guidar

⁴ Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 25:4 ပူးပေါင်းရင်းမြစ်များ

Gəlyaɗe 107:41

Ya tay əge məzurayɗe səza əzəmsahã tay əɓaygən gəla net va gazlaŋɗe.

Gəlyaɗe 119:31

Nəsokuk zu aza an kəziwgini; Yawe, kədarbə su wil ɓa.

Gəlyaɗe 12:5

en dənahaŋ na: «Də hərzluməm mədaska wəla; metteɓ mam tay də mənamə; naway nawsan daya nam di?»

Gəlyaɗe 121:5

Yawe yi məzuga noko, Yawe yi zeŋgile noko. Tay aka va dəzəŋ noko.

Gəlyaɗe 35:10

Masleŋsleŋgu pak wanah na: «Yawe, naway va is di? Məkõhgən məssahã səva məzuzel totokkprok məday kini; məssahã də məzuraya səva məzəppətti.»

Gəlyaɗe 55:8

Kəta wanənzaw faraɗa, kaddaŋ təki a kapta-muyã”. Əziwe

Gəlyaɗe 72:13

Wawla sasãh ɗəf məddakən də məssahã; wakõhgən zeŋgilet məzurayɗe:

Gəlyaɗe 72:4

Dətaw sitgən wən də tiven sit məssehẽŋɗe nammbet ɗiyi, dəkõhgitgən məzurayɗe, dəmmusgən məsər met ɗiyi!

Gəlyaɗe 9:10

Yawe dəsan təki nawɗam na məsərmani, təki nawɗam pay nawzəm sahã!

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 14:32

Kawzlan mbar sit maslənɗe di? Vi Daya dəvani dəmpa Siyon; adaki məssehẽŋɗe net ɗiy nan adawkayaŋ təki nawɗama.

Isaya 16:3

Məzgə meŋ, məziwgin an naɗɗa. Zeŋgilok dəsan aka tataŋpay va dəfɗa, aɗemet ɗiy en dətrayaŋgə kədarban gəla ɗəf an dənzan əɗam ɓa.

Isaya 17:10

Vi kəzgətək ki Maŋgəlva məs dəkõhguko, kəɗɗum aka milɓe nawɗam nok ɓa. Vini is tat əmpa guli net wəleŋɗe moggeti kəzləgək uwa na wəlaŋga na guwa.

Isaya 27:5

An ɗəf appanək zən əɗam azawa wakay əsler də iyna, wasler də iyna!

Isaya 28:6

Wasan ka əmpəs nawtawwən təstəs sit ɗiy en dəssoŋ a təki nawtaw wəna, gəm wasan gbogboŋ sit guromɗe nalpa məzəɓɓehnin məzuzelɗe səma maddamba na walaŋgəla-metiŋgini.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 29:20

Vi məsdaraw wazə, əzelen ɗəf wabay mani, məkayaŋ əɗɗa mambray wazaŋ pakə.

Isaya 29:5

Dula net məzuzelkun wasan va rizze na hologudumu, Dula net məsdarawɗe wasan va eslesle ammba səmyã. Gurzik na,

Isaya 32:2

Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Isaya 33:16

Ɗəf nani wasan a təki məɓayən, milɓeɗəŋ nassoŋ təki nawɗam nani, way nan wasani iŋkile nan akkpapaŋ na ɓa.

Isaya 33:2

Yawe arban səm mbəlembəle noko, akok məɗi əɗɗum namə. Asok gbogboŋ nam də mompumo pakə, məzəkõhgəm pay na tatwãha.

Isaya 37:36

Maslay na Yawe argak dibirgiɗik na Asiri, abeyik ɗiy gabal səkat də kaklaw dodopoɗo kiyit sle'i. Səza addaŋgə, ɗiy asilyoŋ na, təki pak kigəbayit ɗiy mimtiti.

Isaya 49:25

Ya an Yawe anah yaŋka: Kawmõhni ɗəf məs gbogboŋ arəmə, ərah na məs gərom wakõhu wanəgay də məzugay də isi, wanəkõhgit kirtuko.

Isaya 57:13

Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Isaya 8:14

Wasan ka gəlamatuya gəm ka gərəm nawki gəbaya, ka milɓe nazlbe milyẽŋge na Israyel sulegiti, ka mazzaɗ gəm bizwil abet ɗiy na Yerusalem.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Ezekiyel 38:9

Wakəsil va barkataŋ, wakəde va slaybuwən kawsərət dəlva, is də dula nok pakə, dit ɗiy diyɗa də isi.

Sefanya 3:12

Wanəɗi ɗiy məssehẽŋɗe məddekit addəvko; wakayaŋ təki nawɗam addəv iya na Yawe.

Yakob 2:5

Milmiŋgiɗu na makrawa, məpak sləmokum ammba wəpel nawa. Maŋgəlva awelik məssehẽŋɗe na maheret ɗiy negge dəssoŋgən məsaryeɗ də wətafa gəm nawzəmaŋ gəla na məlĩ məs aynan napsit en dəŋgluwəni.