Isaya 25:2 - Bible en Guidar

² Vi kəkkpaŋganək walaŋgəla-metiŋ ka girmeŋge kpewi, walaŋgəla gbogboŋ ka kiməskiya. Kəzetik gəleɗe gbogboŋɗe net molhõyẽɗ assoŋ na va walaŋgəla-metiŋ ɓa. Kamsaki ərkan ɓa hã faɗə.

Isaya 25:2 ပူးပေါင်းရင်းမြစ်များ

Ɗerewel na Yob 12:14

An aɓəzl na, asna ɗəf arkan ɓa, ɗəf an amsan mani, kawkolni ɓa.

Isaya 13:20

Ka faɗi ɗəf asan na adak də gəla ɓa, səza sayit ɗiy hã aza sayit en mbərti wasan məza ɗəf addəvən ɓa. Arabɗe ampanən na gizlirke net adak ɓa, məzuteɗeŋɗe adikeŋ na adak ɓa.

Isaya 13:21

Movoɗe nawra wafnaŋ adaka, gəlaɗe net waknahaŋ dit harawa haraweɗi. Wasan kpiftil hosgolok hosgoloku, herkeseŋɗe wassoŋ adaka, tuyeŋge wapepɗekeŋ adaka.

Isaya 13:22

Derzliŋgeɗ wahəmaŋ addivit gəleɗe nani gəm wawayɗe addivit gəleɗe mogget na məlyã. Pay nazza nan gu'o yi, əvoŋ nan azzek na ɓa.

Isaya 14:23

Wanəkkpaŋgan bobok ka təki nassa net tovvoɗe. Wanəfaɗ də sulhõ nawzet ɗiyi, Daya Məzuɓappak aɗiymani.»

Isaya 17:1

Wən mətawən aka Damas. Awle Damas aŋgəɗ na aweleŋgit walaŋgəleɗe gugriɗe əmpa ɓa wasan dagərgiya net gəleɗe miɓzliwti.

Isaya 17:3

Korgu na Efrayim asan na ɓa, məlĩ na Damas asan ɓa Aram asan na əmpa ɓa, gagdak net wazə va an net mə Israyelɗe. Daya Məzuɓappak aɗiymani.

Isaya 21:9

Ɗəf yandak əzzan aka mawta nawgay mətokun ammbet pelseŋge sula. Tay ətəlma, tay ənah na: askotko, Babilon askotko! Zəgeɗkamaŋgəlva net aŋgrofoŋguk afuŋgu!

Isaya 23:11

Va Daya tay təlla aka pehe, ageslnegitik milyeŋge, aɗiyək wən nan sən Kana'an dəzergitgin korguɗe nani.

Isaya 23:13

Awla dələv net ɗiy na Kaldiya: ɗiy net tahəŋ ɓa. Asiri appanək dələv van sit zəgeɗ nawra, neti arketinik gəleɗe məɓeyit nawga, məŋgrofti gəleɗe na məlyã, akkpaŋgetik va kiməskiya.

Isaya 24:10

Walaŋgəla-metiŋ seŋseŋ aɓəzlka, məmsani met gəleɗe ətoŋ tay adak ɓa.

Isaya 25:12

Aɓzluwik zlavaɗe nok na korgu məɓeytiŋki, asleŋgetike, azgetik hã afuŋ.

Isaya 26:5

Vi azgetik ɗiy en dəssoŋ aket mossorgoɗe; aslaŋgənək walaŋgəla-metiŋ məɓayən afuŋgu, aslaŋganək hã gap aka dəlvafuŋgu. Avərək hã aka burɗuku.

Isaya 27:10

Vi walaŋgəla-metiŋ gbogboŋ wasan də mani, va təki nawtaɗ məppan firik va Kapta-muyã. Kirtit wasliɗe wataɗaŋ adaka, wadikeŋ adaka wazəmən vet geslemɓeɗi.

Isaya 32:14

Ɗiy wappanən kigəla na məlyã, walaŋgəla məs vanday addəvən wasan sləɓəkə, kigəla Ofel gəm gəla nawga assoŋguk ka təki ɗar faɗə, a təki korɗe nawra adawrahən ziti gəm təki nawtaɗ net wasliɗe.

Isaya 32:19

Viyit ɓeɓrezle, wəleŋɗe ngərəɓ waɓzlaŋgə, walaŋgəla-metiŋgin waɓəzlə.

Isaya 34:13

Geslembeɗ məs degirge azet wagilyoŋ akki gəla na məlyã, addivit gəleɗe gboloŋgboloŋ neti, kevile gəm nzewɗe wassoŋ hizikhiziki. Təki nawɗam net wawayɗe yi, gəm təki na herkeseŋ.

Isaya 37:26

Kəprəm ɓa sa? Fari nəzaɓan as vani. Addivit əvoŋɗe dətoŋgoŋgu, kakaŋ na nəɗɗaka. Nəkika, vi kakkpeŋget walaŋgəleɗe gbogboŋɗe ka kpew net kiməskiɗe.

Yeremiya 51:26

agəmaŋ gərəm dayday sənok da kawziwgin aka ənzla na gəla ɓa, awaniɓa nawɗi gabba gəla ɓa. Mərayguk faɗ kədawsoko Yawe aɗiymani.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əmsak aka Mahenziŋ 13:16

kəbəletingin ɗiy na walaŋgəla-metiŋ vanəs dəbəl də masalam beymeti, kəzangən də zəga naddəvən pakə sap dit zəgeɗ memeyẽɗ nan də masalam.

Hənhən 18:19

Andoloŋguk hologudum aketi əŋzlaŋ vaŋvəl əhəmaŋgə gəm əska morkoyo ənahaŋ na: Əraya! Əraya! Walaŋgəla-metiŋ məs arya nan gədak dəkkpeŋget məŋkoroŋ bəlayɗe aket iŋkile pak məsaryeɗi. Ler taka kaka'ə zəgeɗ naddəvən pak azaŋka.