23 Wil wadanən təla, paya warbə wili. Vi Daya Məzuɓappak məlĩ yi aka mossorgo metiŋ na Siyon gəm a Yerusalem. Gagdak nan warbə a ma heret ɗiy məsɓet nani.
Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.
Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.
Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.
Ya nəwəl na: Ndargayãk tat ziwwe aka mossorgo metiŋ na Siyon dit ɗiy gabal səkat də kaklaw poɗo kiyən poɗo dəndə iya nat azeti gəm iya na Afət məverin a mirbizti.
Yaŋ nəprəm gugoyo diyɗa va ɓaɓəlma əpel net ɗiy diyɗa, va ɓaɓəlma məlpa gəm va wəhãy na buna. Tay ənahaŋ na: Məgagdakan Maŋgəlva! Vi Daya Maŋgəlva nam məlĩ an daykiyit məlyeŋge pak arbanək əzəm məlĩ nani.