Isaya 24:10 - Bible en Guidar

¹⁰ Walaŋgəla-metiŋ seŋseŋ aɓəzlka, məmsani met gəleɗe ətoŋ tay adak ɓa.

Isaya 24:10 ပူးပေါင်းရင်းမြစ်များ

Va'Atəŋ 11:9

Vini məlvan na, Babel, vi sədaki Yawe azlzlaɓan əpel nammba dələv pakə, gəm sədaki Yawe atəraygit ɗiy aka dələv gboŋgu.

2Milyeŋge 25:4

Mətilikni zlava na walaŋgəla-metiŋ. Adan dəfəɗ atiri, məzəlpaŋ na Yuda asmaɗaŋgək kəla memeŋgle məs haran ta' aka guli na məlyã, də mə Kaldiyeɗ asərngəslnən walaŋgəla-metiŋ pak agəmənək tive na Araba.

Isaya 23:1

Əpel aka Tir. Bəlayɗe na Tarsis, məɓuh mokum, vi zəga pak azəka, gəla tay dəpəl ɓa. Dawmilye sə Kitim wən van arbə azeti.

Isaya 24:12

An dəpəl a walaŋgəla-metiŋgin na əray yi gəm əza, metive nan məbzluwni.

Isaya 25:2

Vi kəkkpaŋganək walaŋgəla-metiŋ ka girmeŋge kpewi, walaŋgəla gbogboŋ ka kiməskiya. Kəzetik gəleɗe gbogboŋɗe net molhõyẽɗ assoŋ na va walaŋgəla-metiŋ ɓa. Kamsaki ərkan ɓa hã faɗə.

Isaya 26:5

Vi azgetik ɗiy en dəssoŋ aket mossorgoɗe; aslaŋgənək walaŋgəla-metiŋ məɓayən afuŋgu, aslaŋganək hã gap aka dəlvafuŋgu. Avərək hã aka burɗuku.

Isaya 27:10

Vi walaŋgəla-metiŋ gbogboŋ wasan də mani, va təki nawtaɗ məppan firik va Kapta-muyã. Kirtit wasliɗe wataɗaŋ adaka, wadikeŋ adaka wazəmən vet geslemɓeɗi.

Isaya 32:14

Ɗiy wappanən kigəla na məlyã, walaŋgəla məs vanday addəvən wasan sləɓəkə, kigəla Ofel gəm gəla nawga assoŋguk ka təki ɗar faɗə, a təki korɗe nawra adawrahən ziti gəm təki nawtaɗ net wasliɗe.

Isaya 32:19

Viyit ɓeɓrezle, wəleŋɗe ngərəɓ waɓzlaŋgə, walaŋgəla-metiŋgin waɓəzlə.

Isaya 34:11

Aŋkar-Guzlo gəm tovvo watakəni. Gbuzlu dit gaŋgrekeɗ wassoŋ adaka. Wapak helege nawza akani kawzaɓan kappan təki piɗil dəmani.

Yeremiya 39:4

Səza Sedekiya məlĩ na Yuda dit məzəlpaŋ nan awlenni, anzoŋko, agilyoŋ də dəfəɗ sə walaŋgəla-metiŋ dəka tive na guli net wəleŋɗe na məlyã, də mative na walaŋgit zlavaɗe sula. Agilyoŋ dəka tive na Araba.

Yeremiya 39:8

Mə Kaldiyeɗ aɗi sənənək offo sən gəla na məlyã gəm sit gəleɗe net ɗiyi; yas aɓzluwən zlava naka walaŋgəla na Yerusalem.

Yeremiya 52:7

Məɓliwni zlava na walaŋgəla-metiŋ. Məzəlpaŋ pak anzoŋko, agilyoŋ sə walaŋgəla-metiŋ də dəfɗa dəka tive na walaŋgit zlavaɗe sula məs go'o də guli net wəleŋɗe na məlyã. Də mə Kaldiyeɗ asərngəslən walaŋgəla-metiŋ na Yerusalem zlaŋ, agulyoŋguk dəka tive na Araba.

Mika 2:13

Məŋgar tive atoŋguk abeti; atilikinik təkiya atoŋgoŋguk də maddamba agilyoŋgu. Yawe məlĩ net dətoŋ abeti wadawgiti.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Luka 19:43

Vi pay wade akoko, məzuzelkun wampaŋ mambara akoko, wasərŋgəslkuni, wahãslokun də təki pakə.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Hənhən 18:2

Aŋgəslək vaŋvəl dayadaya na: Aɓəslka, aɓəslka, Babilon walaŋgəla-metiŋ naka. Akkpaŋgək təki nassa net tuyeŋɗe, təki nassa net əmpəsɗe mbəreyti, təki nassa net biŋgeɗ mbəreyit dit en nawmə' pakə.