Isaya 22:5 - Bible en Guidar

⁵ Vi pay na gərəŋgi, nawzəmsãhã gəm na geslne na Daya Maŋgəlva Məzuɓappaki. Məɓzluni zlava vaŋvəl nabbah tay əŋzla aka mossorgo metiŋ, aka walaŋ na hənhən.

Isaya 22:5 ပူးပေါင်းရင်းမြစ်များ

2Milyeŋge 19:3

dənah sənəngən na: «Vaŋki Hizkiya anahə: Dəpaŋki pay na tatwãh gəm nawzəmsahã, pay net wili yi, vi muzliya go'o yi nawgilyeni, gbogboŋ nanɗəsən kawan tay ɓa!

2Milyeŋge 25:10

Məzəlpaŋ net mə Kaldiyeɗ məs dəzbanən daya net məzugaŋ məlyã, aɓzlunənək zlava dətərwəsl Yerusalem pakə.

Ester 3:15

Muɗakaŋ ɗerewelɗe agəmənək zit va məlĩ aɗi wən nani. Məŋɗani mahenziŋ van a walaŋgəla-metiŋ na Susan. Məlĩ də Haman kan kayaŋ təki gurom kawsa, mbagən walaŋgəla-metiŋ na Susan gərəŋgə.

Isaya 10:6

Wanəslən aket ɗiy mbəreyit ɗarə. Wanəɗi sən wən dəlgən aket ɗiy en məs gədəvu adawda aketi, vi dəmõhetgini dəɗɗagən popoho aketi, gəm dəndepetgin va adawndapan dələv aka tive.

Isaya 22:1

Əpel aka walaŋ na hənhən. Miy dərəhuk di? Vimi ɗiy nok beymet apeŋgeŋ aket gəlaɗe məggba'a di?

Isaya 25:10

Va Yawe tay əga mossorgo metiŋ vanəska! Ya Mo'ab wasan məndapan a gəlan agəlani, va kpew na marbaza məndapan aka dagərgiya.

Isaya 37:3

dənah sənəngən na: Vaŋki Hizkiya anahə: Dəpaŋki pay na tatwãh gəm nawzəmsahã, pay net wili yi, vi muzliya go'o yi nawgilyeni, gbogboŋ nanɗəsən kawan tay ɓa.

Isaya 5:5

Kakaŋ na, wanənah sukum an nədagəɗ sən guli net megezlembirkeɗ nawa: wanətor mambara nani, kawtaɗni yi. Kawtilikeni mambara nakani, kawndapani yi.

Isaya 63:3

Takərgu nəndepet a mosgoyo, məza ɗəf taka səweleŋgit ɗiy azaw ɓa. Nəndepetik addəv ədagədəv nawa, gəm nəmbresletike ammba təlu addəv gagay nawa. Mbel net asoyuk azet lukutɗe nawa, nərge'etik zəgeɗ nawgul naw pakə.

Isaya 63:6

Addəv ədagədəv nawa nəndepetik ɗiyi, nərbəsitik wil addəv gagay nawa, nəggbo'ik mbel net afuŋgu.

Yeremiya 30:7

Əray midi miy aŋ di? Pay metiŋgin tay va ndən ɓay; pay na əzəmsãhãy yi viyit ɗiy na Yakob! Ya wakohoŋ səddəvən hara.

Əɓuhma 1:5

Meseŋgiɗin askanən wəlani, məzuzelɗe nan tahəŋ zit neki. Vi Yawe tay əzəmgən sahã, sən kiɓəɓəl nan dayəŋka. Masan almetik kirtin mezeŋgleket aban ake aka balamə.

Əɓuhma 2:2

Bəbəh Daya abbəh təki nawtaɗ na Yakob, səɗək asɗək bayman məza ula səsãhən ɓa. Azetik walaŋgəleɗe na korgu na Yuda addəv ədagədəv nani, azlambrakanək afuŋgu. Araygənək dələv dit milyeŋge nani.

Əɓuhma 2:8

Yawe aynanək a makran nabzlu zlava səka Siyon. Apparək helege nawslani dəmndagan van dabzluwən ɓa, hã ndən gərakə. Zlava nakəleŋgil də an nappaka pak, abzlaŋgək sapə.

Ezekiyel 7:7

Pay na əza nokum tay əzzani mənokum ɗiy naka dəlva; tay əzzani əvoŋ nan go'oy; horokum wagəɗ kululu, məza əɗɗəla aket mossorgoɗe gugriɗ ɓa.

Hose'a 10:8

Kawzeti gəleɗe-nettuyeŋge na Awen, mambray na Israyel; gedirgeɗ dit dewregeɗe waslerneheŋ aket matuyeɗe neti, wanahaŋ sitin mossorgoɗe gugriɗ na: məɗupmə! May sit mossorgoɗe na: Məɓəsl akamə!

Mika 7:4

Ɗəf məs ədaw nan moggon səret tay va dewrege, ɗəf təstəs naret adayək kiy ŋgərəɓ net gedirgeɗi. Pay na tatwãh nan tay əzzani pay nan dəgapə. Kakaŋ pay nattap neti yi!

Sefanya 1:15

Pay net herɗe yi pay nani, pay nawtorkoɗ ma gəm tatwãha, pay nawraya gəm naɓzlu zəga, pay na guzliyo gəm təki tiŋgbizlimi, pay na slay maŋgləvay də slaybuna,

Matiye 24:16

Asna ɗiy en dədassoŋ a Yude dənzoŋ aket mossorgoɗe gugriɗe.

Luka 23:30

Asna wanahaŋ sitin mossorgoɗe gugriɗ na: Məɓəsl akamə! Sitin mossorgeɗe tam na: Məɗamamə!