Isaya 22:23 - Bible en Guidar

²³ Wanəmpa va wəlaŋga məkkpa'ən a təki ɓəɓəla. Wasan mazaŋga an də gagdak na gəla na afəni.

Isaya 22:23 ပူးပေါင်းရင်းမြစ်များ

Ezra 9:8

Ya kakaŋ na, mbəlembəle na Yawe Maŋgəlva nam tay pay siɗɗike vimə, apamə madaram mənam madambərgəm məkõhəm, də wəpsəm təki siɗɗike a təki salala nani; vaski Maŋgəlva namə, akol səm haram bodoŋgu, gəm apam madaram pay siɗikke aka balam namə.

Ester 10:3

Vi mə Yuda Mardokay akkpaŋgək ɗəf məs dəzban məlĩ Ahasuwerus. Ɗəf metiŋgini azet mə Yudeɗi, tay də ki nenek diyɗa azet milmiŋgiɗni, tay əkayan moggon net ɗiy nani, tay əgay ɗiy nan dəssoŋgə zayə.

Ester 4:14

Vi an kəsokuk ɓatɓat aka pay va yaŋkəŋka, əkõh net mə Yudeɗ wade sə təki mbərən. Ya is də gəla na afuk na, wakəzaŋgə. Ya nawa dəsən di, kuzuŋ sən wən vaŋ vani kəgap ana məlĩ da.»

Ɗerewel na Yob 36:7

Akkpaŋgan haran səka ɗəf təstəs ɓa. Tay əɗi milyeŋge aka mazaŋga na məlyã. Dəssoŋgən pay pak də gagdaka.

Məsmaɗula 12:11

Əpel net məsmaɗɗulet tay va təbəz ma popyoŋ, ɗiyen dəvernin tahəŋ va təbəzɗe məkkpe'ti; as pak məzutaɗa taka dəɗɗa.

Isaya 22:24

Gagdak na gəla na afən pak vasna kirtini, mahəlfa nani, walawaŋ azan va zəgeɗ na mogulo, kasliɗe gəm hinziŋgiɗi adawɗiyin aka matəgari!

Isaya 22:25

Daya Məzuɓappak aɗiymani, pay dəpaska, wəlaŋga məmpan a təki ɓəɓəl nak waŋgəslə. Kaptuni, waɓəslə, kaŋgrofti zəgeɗ nazan lawlaw neki. Vaski Daya apelke.

Zakarya 10:4

Səzan gərəm naka ədoɗ na gəla, məpyoko nampa gizlirke, bəle nawgaya, səzani deyeɗe adawgilyoŋ aka mataka.

Hənhən 3:21

Məskəwəla na, wanəɗɗa dəsangən də in aka mazaŋga na məlĩ nawa, va naw pak nəskəwəla nəmbat əssaw də Əbba aka mazaŋga na məlĩ nani.

1Samiyel 2:8

Tay əsilgit məddekit səka burɗuku gəm məssãhã səka moŋglo ɗigiti, kawɗiyit sap dit ɗiy na məlyã, waɗi aka mazaŋga na gagdaka. Vi dədəka na dəlvafuŋ ava Yawe yi, ndən dəziwgən dələv aketi.