Vini Yawe anah vaŋ aka məlĩ na Asiri na: Atoŋ na addəv walaŋgəla-metiŋginin ɓa, ahon na har adak ɓa, aziw na aban də baray ɓa, akkpot na dələv aban ɓa.
An nigilik awra, ɗiy mimtit sən əgay nədawla. An nətoŋguk a walaŋgəla-metiŋgini, ɗiy məzəmtaŋ sən may nədawla. Vi məskəleŋɗe gəm məsdəlveŋge dayday abbalanənək dəlva: dərəhnən gabban ɓa.
Vaŋ Yawe anahə: Ɗəf dəpəl addəv walaŋgəla-metiŋgiŋka, wamtə ama masalam, sən mayã awaniɓa sən gəbaymərma. Ya ɗəf an dəgil dəmbat ezet mə Kaldiyeɗi, wasan madarani.
Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.
Vaski walaŋgəla-metiŋ mənneken zən dəsan də gəla fendeŋgi, an dədawnəh a makran na: «Ina, intə kaka'ə!» Mbar akkpaŋ dələv məzan əmpa, ka bətəŋ net zəgeɗ nawra di? Məzutoŋ pak wafyoku, waɗɗa van weleki.