Isaya 22:12 - Bible en Guidar

¹² Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 22:12 ပူးပေါင်းရင်းမြစ်များ

2Alabaraɗe Də Mabərkiziti 35:25

Yeremiya aɓapək gəlya na gəlabay ammba Yosiyas; məyaŋ gəlya zel dit gil pak apeleŋgək aka Yosiyas addəv gəlya na gəlabay van hã gap pay dəpaŋka; Mahenziŋgis asanək a Israyel, yaŋ məsepet gəlyeɗes aret en na gəlabaya.

Ezra 9:3

Adan nəprəm wənəska, nəŋgaranək lukut naw də an metiŋgin səzawa, in muhur kiyu patpat dit eŋgemewa, in ɗew kiyu vẽhẽ.

Nehemi 9:9

Yaŋ kula əzəmsahã net efiŋgiɗim a Eziptə; kəprəmək vaŋvəl net ama pehe net vəlarɗe.

Ɗerewel na Yob 1:20

Yob asilke. Aŋgaranək lukut metiŋgin nani, afaɗək kini. Askotuk afuŋgu, appu'ko

Məsmaɗula 3:11

Maŋgəlva tay əɗɗa zəga pak lelewe aka pay nani; aɗiyək əsən ənziya faɗ a makra ɗəfa məza ɗəf əɓap əprəm gabba an Maŋgəlva adaɗɗa təŋ səza ətəŋ nan hã gap aza əkgrak nan ɓa.

Məsmaɗula 3:4

pay nawhəma gəm pay nawmasa, pay nanɗəsa gəm pay nawpepɗeke,

Isaya 15:2

Ɗiy addoŋguk addəv gəla net meŋgilveɗi a Dibon apeŋgeŋgik addəv gəleɗe net tuyeŋge vi kawhəm adaka; Mo'ab tay əska morkoyo ammba Nebo də Madaba, kiyit məfaɗən beymet də eŋgemet pakə.

Isaya 26:10

An mulay sãhã aka məsdaraw, ayagan na əɗɗa təstəs ɓa, aka dələv an təstəs zlaŋ, agəɗ na zəga təstəs ɓa, awla na gagdak na Yawe ɓa.

Isaya 29:1

Əray aka Ariyel, Ariyel, walaŋgəla-metiŋ akki məs Davit ampa dibirgidiki! Agəɗ əzva aka əzva də əkkpaŋ net əzləreɗi.

Isaya 3:24

A gəla tursan na zəga məŋgənən, a gəla helege nagze helege ɗarə. A gəla ətroɗ kiya təstəs na, kiya məklãhəŋ; a gəla lukut silip na sləma, lukut na gəlabaya. Əzla noffo a gəla gəɓa zə ɗəf lekeɗeklekeɗəki.

Isaya 32:11

Məkker kana mənokum məzulanən zukum va zəga tay dəmbər sukum ɓa, məgeslne'i, mənokum məzulanən zukum. Məppet zəgeɗ nawgul nokumu, məgbuku, minan gabaga na gəlabay addakkum.

Isaya 37:1

Səza məlĩ Hizkiya aprəma, eŋgeretik lukutɗe nan karban na addəv tatwãhi, ndən gəm lukut na gəlabay azan kulo'u, yas ammbat addəv gəla na Yawe.

Isaya 37:2

Yaŋ aslin may Eliyakim, daya naka gəla na məlyã, Sebna məzuvere gəm ɗiy məsɓet net məsdəlveŋge aza məskəleŋ Isaya wətən Amos dit lukutɗe na gəlabay azeti,

Isaya 58:3

Aɓɗaŋ na: Vi miyi mədaɗɗa meme an kuləm na ɓa di? Əɓegən ki zəm mi adawtər, an kəzək na sləma ɓa di? Ya naw nənah sukum na, vasna pay kədaɗɗaŋ meme, mənokum tat ərəh zukum, gəm əzəmgit sahã net məɗɗaŋ wəza nokum.

Yeremiya 16:6

Ɗiy gugriɗ dit memeɗeŋɗe wamtaŋ səka dəlvəŋka kawndikti ɓa, kawhəmi ammbet ɓa, kantarani zə ɗəfa may əɗɗa ɗuŋgul ammbet ɓa.

Yeremiya 16:8

Kədawtoŋ addəv gəla nawzəm na wəzləra vi kawsok əzəma may əsa dənɗaŋ ɓa.

Yeremiya 4:8

Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Yeremiya 7:29

Afiw muhur kiyuk na iynama, azgani. Aya gəlya nawɓuh mok aka mossorgo məɓayən pəɗal pəɗalə. Vi Yawe azelik gəm azganək sayit ɗiy məs dəsilginin ədagədəv nani.

Ezekiyel 27:31

Wafaɗnən kiyit ammboko, waynaŋ gomboɗok. Wahəmaŋ ammbok də mekret əsseti, waɓuhnən met diyɗa.

Daniyel 5:1

Məlĩ Belsazar adək waynabaya, ayek məɗɗaŋ wəza nan gap gabal, yas asaŋ mbazla matakə

Hose'a 9:1

Israyel kənneken zuk sam hã kiyuk zlazlaɓ va ɗiy meɓɓet ɓa, vi kələk faraɗa səza Maŋgəlva noko kəgəɗək polkoyo, may kəŋgələk əfaɗ suk aket kelleɗe na haykəmari pakə.

Yo'el 1:13

Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Yo'el 1:8

Ahəmgən kiyuk va waŋ ŋgbuɓɓo tiynə sakazlaŋ na gəlabaya, tədawhəmgən zələt an na gore nata.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Yo'el 2:17

Məsdəlveŋge dəhəmaŋ a walaŋgəla nawtoŋ dəddəvən a daŋgla də gəlamatuya, məɗɗaŋ wəza na Yawe dənahaŋ na: «Yawe, awla sasẽhit ɗiy noko; kədappet ɗiy nok aket wil ka ɗiy-ɗar dəmasaŋgən aket ɓa! Vimi adawnahaŋ aret ɗiy na: Aŋgay Maŋgəlva net di di?»

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Yonas 3:6

Alabaras agapək asləma məlĩ na Niniwe, ndən prik səka mazaŋga na məlĩ nani, lukut na məlĩ səzan gbuku, an na taɓak kulo, ndən aka moŋglo ɗewi.

Mika 1:16

Məfiw kiykum, məfaɗ kiykum, aka betemit kirtukum məs kəŋglaŋgə, məfaɗ kiykum dəsangən vorzloho va na mogdoku, vi tay əsimgitin ɓa' səzoko.

Yakob 5:1

Məpak sləmokum ammba wəpeləŋka, munokum məsaryeɗi. Məhəmə məngəsl vaŋvəla vi wəzəmsahã məs dədazan diyɗa akokum.