Isaya 21:9 - Bible en Guidar

⁹ Ɗəf yandak əzzan aka mawta nawgay mətokun ammbet pelseŋge sula. Tay ətəlma, tay ənah na: askotko, Babilon askotko! Zəgeɗkamaŋgəlva net aŋgrofoŋguk afuŋgu!

Isaya 21:9 ပူးပေါင်းရင်းမြစ်များ

Isaya 13:19

Babilon, dələv məzaɓan moggon lalaw day məs mə kaldiyeɗ adawɓaygənən kiyzit dəndənəŋ Maŋgəlva waslaŋgan va Sodom də Gomorra.

Isaya 14:4

wakəyə gəlya nawmas aka məlĩ na Babilon wakənah na: Mbarmbari məsər ma ɗəf abayman di? Mbarmbari əɓaygən kiya nan agrak di?

Isaya 2:18

Meŋgilvet en ɗar pak wazaŋgə.

Isaya 21:7

An awələk mawta nawgay ammbet pelseŋge sula, ɗiy məpeŋgit aket korɗe, awaniɓa ɗiy məpeŋgit aket zlogomoɗi, dəslagən zəni, dəgəɗgən maɗɗula diyɗa!

Isaya 47:5

Asok ɓatɓatə, aɗam arah guzliyo, walaŋgəla-metiŋ net mə Kaldiyeɗi. Vi kazbani əyuk na daya net milyeŋge ɓa.

Isaya 47:9

Zəgeɗ sules pak na: Əssa gagəbaya gəm wəssa məza kirin ɓa, warukun pay taka aka ma taka. Wazzoŋ akok də gbogboŋgo də kəsok də miha na guzliguzli gəm nawdap ɗəf diyɗa zlaŋgə.

Isaya 48:14

Məkkal mənokum pakə, məprəma: Naway səweleŋgit meŋgilveɗ dənah zəgeɗis di? Ɗəf an Yawe aŋgəl waɗɗa əŋgla nan aka Babilon, gagdak nan warbə aket mə Kaldiyeɗi.

Yeremiya 50:29

Məkkelet məsənaŋ wən na bəle, Məslin aka Babilon. Dəmpanən dibirgidik net kiyən tərwəslə adappaŋ sənən təki nadder dirɓe ɓa! Məgəɗ sən va aza wəza nani, Məgəɗ sən va agəɗə! Vi akkesik hara Yawe ana Salala na Israyel.

Yeremiya 50:38

Koloy aka heret iŋkile nani; dəkkpa'aŋgə! Vi dələv net zəgakamaŋgəlva yi, zəgeɗ məzlzlaɓanən ki ɗəfa.

Yeremiya 50:42

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Babilon.

Yeremiya 50:9

Vi in yakəŋ əsilgin vanday net ɗiyi waniki əwak sən Babilon. Ɗiy vet wazzoŋ sə kəla disiŋ wassahaŋ akani siske na kawgulni yi. Herɗe net tahəŋ va məzəlpaŋ məs mekret dəskaŋ wəla, amndoŋ mekeleŋ ɓa.

Yeremiya 51:27

Aziwgin zəga narban əgay aka dəlva, affon moho aweleŋgit ɗiyi; məhheɗeɗ ɗiy-ɗar dəlpaŋgən dit mə Babilonɗe, aye milyeŋge na Ararat, na Minni gəm na Askenaz akani. Aɗi deyeɗe nalpa akani, aslin pilseŋge əwak sən məssehhit ɓəsɓəs va zaray.

Yeremiya 51:44

Yawe amna: Wanəsil aka Bel, maŋgəlva na Babilon; wanəɗɗa dəptekgin zəga na barani, ɗiy azzoŋ na sipsip azan əmpa ɓa. Zlava na Babilon zlaŋ aɓəslka.

Yeremiya 51:47

Vi vaski, pay yaŋ əzzani wanəsil aket zəgeɗmeŋgilveɗ na Babilon. Wil wada dələv nan pakə. Kiygəbayit ɗiy nan wassoŋ kpororo addəvən.

Yeremiya 51:52

Vini kana, pay tay əzzani Yawe aɗiymani, wanəsil aket zəgeɗkameŋgilveɗi. Aka dələv nan pak kaprəmi əɓuhma net məs vaŋvi azeti.

Yeremiya 51:64

kənahgən na: Vaski Babilon adawtəpani, agil na səddəv tatwãh məs nədawki akan ɓa. Zit adawyanəni: eskey əpel na Yeremiya abaymani.

Yeremiya 51:8

Gurzik Babilon askotu, aŋgəsl hoɓoɓu. Məɓuh mokum ammbani, məkay alapa sən əssa nani. Awsən ɓa wambəl soko.

Hənhən 14:8

Maslay maɓɓan masula'ən azbanəka yaŋ amna: Aɓəslka, aɓəslka, Babilon walaŋgəla-metiŋgini. Ndən məs dəbet ɗiy pak də əpsit mbazla net herɗe gəm na polkoyo nani.

Hənhən 18:2

Aŋgəslək vaŋvəl dayadaya na: Aɓəslka, aɓəslka, Babilon walaŋgəla-metiŋ naka. Akkpaŋgək təki nassa net tuyeŋɗe, təki nassa net əmpəsɗe mbəreyti, təki nassa net biŋgeɗ mbəreyit dit en nawmə' pakə.

Hənhən 18:21

Yaŋ maslay gagdak agəm gərəm metiŋgin va buwən nawsəra, azgan a pehe dawnəh na: Babilon walaŋgəla-metiŋgin kasgoki vaska, kawluki ɗah əmpa ɓa.