Isaya 21:8 - Bible en Guidar

⁸ Aŋgəslək vaŋvəl va ɓoolu na: Daya nawa, pay pak in tat ɗewwe əga a maddamba, dəfəɗ pak in tat əga.

Isaya 21:8 ပူးပေါင်းရင်းမြစ်များ

2Alabaraɗe Də Mabərkiziti 20:24

Səza ɗiy na Yuda agapaŋ a təki gala nawla kapta-muyã, dəzinən heret dəka dula gədak nak na, yeŋ məbeyit afuŋ kpor, tay dəndəwəɗ səret taka dayday ɓa.

Gəlyaɗe 127:1

Gəlya nawpəŋ ədda əkkam a Yerusalem. Səza Salomoŋ. An Yawe dərka gəla ɓa na, məzərkanən zit adawyanən ɗarə. An Yawe dəga walaŋgəla-metiŋ ɓa na, məzugan ɗar adawgani.

Gəlyaɗe 63:6

Magenegenew wabə va də səlhã gəm də afunufunu. Metteɓ maw wanneki, maw wayə gəlya də wəlvoko.

Isaya 5:29

Ɗəf əprəmən na va əhəm na ɓoolu, tay əhay va əhəm net kirtin ɓoolu mugolun aka zəga nazəm neti tay əkanəni, məza ɗəf ətafən ɓa.

Isaya 56:10

Məgaɗe net daŋgerɗeŋ pakə, baymet pak zəga tay asənaŋ ɓa, kirɗe mə ɓatɓatəŋgə, aɓapaŋ na əhar ɓa. Tahəŋ ɓəlohɓəloh əssineŋgi, aŋglaŋgək əleŋge.

Isaya 62:6

Aka zlava nok na Yerusalem nəziwgit məgaɗe; dəfəɗ də kapay pakə, adassoŋ simbimme ɓa. Mənokum məzəfɗahan sənən wən nan sən Daya, kəffeteŋ ɓa.

Yeremiya 25:38

Appetik ɗiy nan va wət ɓoolu dəgil sə gəlani. Vi dələv net akkpaŋgək məraygən aba vakvak na məzimgit sahã, gəm aba vakvak na ədagədəv nani.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 49:19

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa ɓa di? Məlĩ mawani as van nawziw abaw di?

Yeremiya 50:44

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa di? Məlĩ mawani as van nawziw abaw di?

1Piyer 5:8

Məzi zukum, məga, vi məzuzel nokum Satan, tay va ɓoolu adawhay dawkay zəga nawzəm nani.