Isaya 20:4 - Bible en Guidar

⁴ Vaski məlĩ na Asiri adawke məfərsəneɗ sə Eziptə, gəm ɗiy en adawsimgit sə Etiyopi, gewleɗ dit mezzeɗ zit mekeleŋ, tilit mekeleŋ. Gebbet mekeleŋ, ərba wili vi Eziptə!

Isaya 20:4 ပူးပေါင်းရင်းမြစ်များ

2Samiyel 10:4

Hanun armek ɗiy gugriɗ na wəza na Davit neki, afeɗ eŋgemet hõlyõkko hõlyõkko, ataw lukutɗe net gappa gappa aza way gebbeti, ndən mbəgit addoŋgu.

1Alabaraɗe Də Mabərkiziti 19:4

Yaŋ Hanun arme gewleɗ na Davit nek afaɗ eŋgemeti, ataw lukutɗe net səza way gebbeti, appet addoŋgu.

Isaya 19:4

Wanəppan Eziptə ammba va daya an məsdaraw; məlĩ tatrah nawsan akani. Daya Yawe Məzuɓappak aɗiymani.

Isaya 3:17

Yawe waɓoɓrot muhur kiyit səket kirin muguluŋgit na Siyon pakə wappət muhur sə mirbizti.

Isaya 31:2

Ndən pak məs maɗɗulay: yas aki tatwãha, dəppan gagay nan ɓa. Asilik aket ɗiy məɗɗaŋ mambraya, gəm aket ɗiy en məzəɗɗaŋ an dəslə ɓa.

Isaya 31:3

Mə Eziptiɗ na ɗiyəŋgə, meŋgilveɗiŋgə ɓa; pilseŋge net pilseŋgeŋgə, tahəŋ də əpsa day ki an məsərək ɓa. Daya əppar van kaka na: məzutər waskotu, ɗəf məs adawtər tamə, wazbərə, sulegit pak wagrakaŋgə.

Isaya 47:2

Egim kirtit buwən sula asər haya. Ator zəga səkoko, akros gabba lukut nok kəppangən mettilok appaka kəkkaɗgən kiyit məlpeŋge.

Isaya 47:3

Gobbok dəwəl appaka ərba wil nok dəwəlgəni. Wanəmpəlkiya ɗəf tay nawtaku ɓa.

Yeremiya 13:22

Ya an kənahək a mokrok vimi zəgeɗ vas adawrəwən di na? Vi memetiŋ na heslepe noki məkros gabba lukut nokum məsilipi, gəm mərma motokpotokpo təlko.

Yeremiya 13:26

In sən kiyu wanəslan gabba lukut məsilip nok hã aka horok, kawlani zəga nawki wil aroko.

Yeremiya 46:19

Atər zəga nok nadda aka balam waŋ na Eziptə. Vi walaŋgəla na Memfis wakkpaŋ kapta-muyã kawzlani, ɗəf asan na addəvən ɓa.

Yeremiya 46:26

Wanəppet avet ɗiy məzukayanən zeŋgileti: Ava Nabukodonozor məlĩ na Babilon gəm avet məɗɗaŋ wəza nani. Sədərɓaga aska, wasan a gəlan va lahəŋka. Yawe aɗiymani.

Ezekiyel 30:18

Təki wasan tiŋgbizlim də kapay a Dafne, pay nədaŋzlu zukɗe na məlĩ na Eziptə. Əkaɓ na gbogboŋ nan waggrakə; slaybuwən wasərəta, kirtin muguluŋgit waddoŋ aka balam.

Amos 9:7

Yawe aɗiyman na: «Mənokum mə Israyelɗe, məstaka dit ɗiy na Kus kənanaŋ azaw ɓa sa? Intə nəgilgin Israyel sə Eziptə ɓa sa? Nəgilgit mə Filistiɗe sə Kaftor'e gəm mə Siriɗe sə Kir ɓa sa?»

Mika 1:11

Ɗiy na Safir, məddoŋgu, zukum mekeleŋ gəm net wili. Ɗiy na Sa'anan agilyoŋ na ɓa. Tay əɓuhnən met a walaŋgəla na Bet-Essel, əbbah nan pak wagəm səzokum.

Nahum 3:10

Nan pak məsimgini na gəgayə, ambatək ka məfərsəna, mətekeɗti kirtin na gəba aket zlazlaŋgbray tiveɗ pakə, muwɗeketi ɗiy tektek nan də əɗɗa sletmayku aketi, gəm miyneti ɗiy gugriɗ nan dit ngiyamɗe.

Sefanya 2:12

Nokum pakə, mə Etiyopiɗe! Masalam naw wambokkum.

Hənhən 3:18

Naw wanəppeteko, albah təbəz na meleŋge mədan də offo sə vawa, kəsokgən məsarya, gəm lukutɗe babarɗe nawgul azoko, vi wil nasso gobbok mekeleŋ adarbaŋ ɓa, gəm miya na hara ɗəfa kəɗɗagən aroko kuwəlgəni.