Isaya 2:8 - Bible en Guidar

⁸ Dələv net aknahək dit meŋgilveɗ en ɗarə, tahəŋ əppu'oŋ aba wəza na veti, aba zəga an va ɗəf agəɗə.

Isaya 2:8 ပူးပေါင်းရင်းမြစ်များ

1Milyeŋge 16:7

Də ma məskəleŋ Yehu wətən Hanani yi, Yawe, apel sən Ba'esa də gəla nan pak aka wən sula: Taka, sən mambray agəɗ sən kiyən ama hara Yawe, adan sən gədəvən də zəga naɗɗa nan səɗek va Yerobo'am agəɗə, masulani, vi aŋgroɓ zev Yerobo'am vanəŋka.

2Milyeŋge 17:10

ampaŋgək serek gəm Astereɗi aket mossorgoɗe məɓeyit pakə, gəm ammba wəlaŋga hirik hirik pakə;

2Milyeŋge 17:16

Appetinik wəsəɓɗe na Yawe Maŋgəlva neti, avotoŋguk kirit wasliɗe sula; ampaŋgək Astera, appu'oŋguk abet məzəlpaŋ na disiŋ gəm aɗɗaŋ wəza sən Ba'al.

2Alabaraɗe Də Mabərkiziti 27:2

Agəɗək zəga də tiven ama hara Yawe va na Oziyas afən agəɗə, dətoŋ addəv gəla na Yawe ɓa hara; ya ɗiy tahəŋ ərayaŋ abe-abe.

Isaya 17:8

Awəl na dəket matuyaɗe məs arkə ɓa, gəm awəl na aza an agəɗ də van ɓa, anet tuyeŋge Astereɗi gəm təki nawzla tursan.

Isaya 26:13

Yawe, Maŋgəlva namə, deyeɗe mbirit azəmaŋgək məlĩ akamə. Istə kaka' mədawgagdakan iya noko.

Isaya 37:19

Azgetik meŋgilveɗ net akoffo, vi meŋgilveɗ net Maŋgəlvaŋ ɓa, wəza na ɗəfəŋ kaka'ə, məzeɓit dit wəleŋɗe gəm girmeŋgeŋ. Azetinke.

Isaya 40:19

Zəgamaŋgəlva sa? Məzaɓ-zəga dəhə̃sa, yaŋ məhə̃s təbəz akkəɗ sən meleŋge, abaysən gawla dit everzleɗ na təbəz babar məhə̃sən.

Isaya 41:29

Beymeti, məɗɗaŋ mbəraynəŋ, wəza neti, zəga ɗari yi. Zəgakamaŋgəlva neti, səmyã mekeleŋgi yi!

Isaya 57:5

Mənokum tat əvoŋ ammbet wəleŋɗe na matuya ammbet wəleŋɗe məs də vet pakə. Mənokum tat ətaw wəlet kirtukum a lolohẽɗi, a poporit gərmeŋge.

Yeremiya 1:16

Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 11:13

Yuda əŋɗa net walaŋgəleɗe gugriɗ nok tay gba net meŋgilveɗ noko gəm gəleɗe net matuyaɗe məs kərkaŋ sən ərba wili, Yerusalem, əŋɗa net gəleɗe net matuyaɗe nok nawzla tursan sən Ba'al tahəŋ gba tiveɗ noko.

Yeremiya 2:28

Ŋgahəŋ meŋgilveɗ nok məs kəzaɓ sən kiyuk nek di? Dəsilyoŋgu an wakõhgukun pay na tatwãh noko? Yuda vi əŋɗa net walaŋgəleɗe gugriɗ nok gba net meŋgilveɗ noki.

Hose'a 12:11

Wanəpel sit məskəleŋɗe, wanuwan ula, gəm də met məskəleŋɗe nədawsla kiyva wəna.

Hose'a 13:2

Yaŋ kakaŋ azbanənək əɗɗa mambray: aɗɗaŋgək zeŋgile zəga məhəsən na təbəz babar net də wəsən net nawzaɓ-Maŋgəlva! As pak wəza na məzaɓ-zəga yi. Aka wən net adawnahaŋ na: «Mətawaŋ wəla ɗəfa, məllamaŋ kirit wasliɗe kafyoketi.»

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 8:6

Sə Israyel məkini, ɗəfi dəzaɓa, Maŋgəlva yi ɓa; ha'aw wət wasliy na Samari petepete adakrapa.

Mika 5:12

Waniɓzliw zəgeɗkameŋgilveɗ noko gəm serekɗe noko, kuppu' na abet zəgeɗ məs kəzaɓ də vokuŋ əmpa ɓa.

Wəza net Masləŋɗe 17:16

Aka Pol adawget a Aten, gədəvən adək dawla walaŋgəla-metiŋ van məknəhən dit zəgeɗkamaŋgəlveɗi.

Əmsak aka Mahenziŋ 4:28

Wakugdukoŋ sitin meŋgilveɗ məzeɓit də va ɗəf adaka: wəlaŋga may gərma, aɓapaŋ na ula ɓa, əprəm ɓa, wəzəm ɓa may wəffok ɓa.

Hənhən 9:20

Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.