Isaya 2:11 - Bible en Guidar

¹¹ Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 2:11 ပူးပေါင်းရင်းမြစ်များ

2Samiyel 22:28

Is kədawkõhgit məssehẽŋɗe, is tat əmbəsl horok aket məzukaɓaŋgə.

Gəlyaɗe 18:27

Də ɗəf salala, salala kənani; də ɗəf an slokorslokoru, is tat ərban na slokorro kənani.

Gəlyaɗe 18:28

Vi istə kədawkõhgit məssehẽŋɗe, wakəmndeget məzukaɓaŋ afuŋgu.

Gəlyaɗe 20:8

Meɓɓet aket mawteɗ nawgay appanən ziti, meɓɓet tamə, aket pilseŋge, ya nam na, aka iya na Yawe Maŋgəlva nami: anan mədawya.

Gəlyaɗe 46:10

Aziwginik əgay səmmba dələv gboŋgu, aŋzluwək bəle nalpa, akployə̃k tulhõ, aɗi sitik offo sit mawteɗ nawgaya.

Gəlyaɗe 46:11

«Məziwgən əgaya, məsən na, intə Maŋgəlva. Məday kiyu tay aket dəlveŋge na guw ɓa, məday kiyu tay aka dəlvafuŋ ɓa.»

Gəlyaɗe 94:2

Asili, is mətawwən naka dəlvafuŋ, afaɗ sit haran net məsfərkeɗi.

Wənməkkpaŋga 16:5

Məɗi kizən pak daryawi ara Yawe, dəɗi akan ta' na, kappani bartata ɓa.

Wənməkkpaŋga 30:13

Sayit ɗiy tay məɗinən ki zit diyɗa, ulenin ɗiy pak guffo azeti.

Isaya 10:12

An Daya agrakək wəza nan pak aka mossorgo na Siyon gəm a Yerusalem, wakkpaŋ aka məlĩ na Asiri, aka va adattəman a makran nawslan kizəni gəm aka ula neŋgres nani.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 12:4

Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 13:11

Wanəzga' sən ənziya egge aka mambray nani, aka mambray net məsdarawɗe. Wanəziwgin əɓaygən kiya net məzuzelenən ɗəfa wanəmtan ənnek net məsdarawɗe.

Isaya 14:15

Mbaraka na a təki net ɗiy mimtit hã gbu' aza gabba vov kəpirki.

Isaya 2:17

Əkaɓ na ɗəf wazə məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 23:9

Daya Məzuɓappak diynani, vi karbə sit wil sit məŋglaŋ əkaɓa, kawraygit ɗiy məs ɗiy negge adawgagdeketini.

Isaya 24:21

Pay dəpaska, Daya watawwən net məzəlpaŋ na disiŋ a disiŋ, wən net milyeŋge naka dələv aka dəlva.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 26:1

Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 28:5

Pay dəpaska, Yawe Məzuɓappak wakkpaŋ, mətərkiya na sləma gəm kulpupu na məlĩ lelew sit madambirgit ɗiy nani.

Isaya 29:18

Pay dəpaska, goryomɗe waprəmən an adaŋɗaŋ səddəv ɗerewel, deŋgerɗe wakolən haret wawlaŋ səra guzliyo gəm səra təki titire.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 30:23

Daya wapsuk buwən vi zeŋve an kəzlək afuŋgu, dəlvafuŋ wawə suk zəga nawzəm diyɗa. Pay dəpaska, zəga mamayã nok warah təki nawtaɗ fiktuwi.

Isaya 37:23

Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.

Isaya 4:1

Pay dəpaska, gil buhul warmaŋ ɗəf mizilin taka də wənah sən na: mənamtə nawkayan əzəm namə mənamtə nawkayan əgul nam. Appam dəyəmən də iya nok kaka'ə ator wil səramə.

Isaya 40:23

Tay əvviren gagdak net ɗiy gugriɗ naka dəlva. Akkpeŋgetik mətawaŋwən naka dələv va zəgeɗ ɗarə.

Isaya 52:6

Vasna ɗiy naw wasənən iya nawa. Pay nan dəpaska wasənən na intə məs dədawnəh na: «In yakəŋkə!»

Yeremiya 12:9

Ɗiy zəganawzəmgəla naw akkpaŋgaŋgək va gbuzlu məs biŋgeɗ assoŋ kiyən karkar sa? Məddoŋ məkkelet zəgeɗ nawra baymeti! Miki aka əzəma!

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Ezekiyel 38:14

Vini, agəɗ kəleŋ wətən ɗəfa; kənah səngən Gog na: An Daya Yawe anah yaŋka: Pay kədawsənən na ɗiy naw mə Israyelɗe assoŋguk fendeŋ kədoddok aket ɓa sa?

Ezekiyel 38:19

Addəv kotorok nawa, addəv offo net herɗe nawa, nənah dəpas na, sessel, dəlvafuŋ waɓəl aka dələv na Israyel.

Ezekiyel 39:11

Pay dəpas na, wanəpsən təki na magamas sən Gog a Israyel adaka, walaŋ net məzutoŋgoŋ ammba pay nampum na pehe, watek məzutoŋgoŋgu. Kawndəkni Gog adak də dula nan pakə, kawyani na, walaŋ na dula na Gog.

Ezekiyel 39:22

Vasna, təŋ səza dəpaska hã naddabe na, ɗiy na Israyel wasənnən na, intə Yawe Maŋgəlva neti.»

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Hose'a 2:16

Vini, wanəmbəɗata, wanəkdahət a kapta-muyã, wanəpel sət a makrata.

Hose'a 2:18

Yawe aɗiyman na, pay nan watəyu na «zəlwa», watəyu ɗah əmpa na Ba'al nawa ɓa.

Hose'a 2:21

Wanədahuk ka guluk naw faɗə, wanədahuk ka naw də təstəsə gəm də tiveni, də əŋgla gəm ulasahã.

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Obadya 1:8

Pay nan dəpaska Yawe aɗiyman na, wanəzet məs əsən aket na Edom, gəm əsən səka mossorgo metiŋ na Esaw.

Mika 2:3

Vini Yawe anahə: Nəzaɓanək tatwãh nawki aka mahəlfa məgəɗ vaska; kəkõhoŋ na ɓa, kədawaŋ na kiykum daŋga ɓa, vi pay an dədazzanəŋka pay na tatwãhi.

Mika 4:6

Pay nan dəpaska, Yawe aɗiyman na, wanəkkelet vədalɗe wanəmndeget ɗiy məɓɓehti, gəm ɗiy en nəzəmgit sahã.

Mika 5:10

Wanəzet walaŋgəleɗ gugriɗ naka dələv noko, wanəɓzliw korguɗe noko.

Sefanya 3:11

Pay dasək na wil adukun na viyit wəzeɗe nok mbəreyit pak məs kəɓoŋ akawəŋ ɓa; vi wanəzergit məzukaɓaŋ məɗiyaŋ kiyzit səddəvko, kəzban na əɗi kiyzuk aka mossorgo metiŋ salala naw əmpa ɓa.

Sefanya 3:16

Pay nani, kawnah səni Yerusalem na: «Kəgeslne' ɓa Siyon, vok adaɗɗa ləɓayləɓay ɓa;

Zakarya 9:16

Yawe Maŋgəlva net wakõhgit ɗiy nan dəpas va məzutaɗa dit gilew nani. Siɗek va gərmeŋge na sləma, vas adawiɗeŋ aka dələv nani.

Luka 18:14

In tat ənah sukum, ɗəf nan aslerik də Maŋgəlva aka amndan eŋgil ananda ki ɗəf an maɓɓanəŋka. Vi ɗəf an dəɓaygən kizən pak kawgəsani, ɗəf an dəgəsan kizən pak kawɓaygəni.

2Korintus 10:17

Ya, ɗəf məzukaɓa, dəɗi əkaɓ nan addəv Daya.

2Korintus 10:5

gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

2Tesaloniki 1:10

pay adazzan vi kawgagdakan a walaŋgit ɗiy nan salala pakə gəm kawɗi kiyən a walaŋgit en dətafaŋ pakə. Vi kətafənək əpel namə, aka pay mərban sukum vanəska.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.