Isaya 19:3 - Bible en Guidar

³ Maɗɗuleɗ mə Eziptiɗ wazlzlaɓə, wanəzan keket neti. Waskaŋ heligi gəm waddoŋ azet ɗiy məyaŋ zeŋgilet ɗiy mimtiti, awaniɓa məɗɗaŋ tetele.

Isaya 19:3 ပူးပေါင်းရင်းမြစ်များ

2Samiyel 15:31

Davit anahə, amna: «Ahitofel tay aret ɗiy en dəslerin met də Absalom.» Davit amna: «Yawe, in tat əkkamoko, adərwa'an pepet na Ahitofel!»

2Samiyel 17:14

Absalom dit mə Israyelɗe pak aɓɗaŋ na: «Pepet na Husay əŋ mə Arki moggoni day ki an na Ahitofel!» Yawe dəɗi wən nan ka pepet na Ahitofel moggonəŋ dəraygəni, vi Yawe dəkigən əray aka Absalom.

2Samiyel 17:23

Adan Ahitofel awla pepet nan an atawan mulani va wən ɓa, aynan mazaŋga na koro nani, amndan ananda, a walaŋgəla-metiŋ; yaŋ aman man sit ɗiy neŋgil ananda, ndən zən lawə, zamə. Məndəkni addəv magamas na afəni.

2Milyeŋge 1:2

Akaziya abətək səket ɓeɓeleɗ naddəv gəla nan məzarŋgasla na Samari, argək diyɗa sawɓa. Aslən maslənɗe, yaŋ aɓsit na: Məddoŋ məssõhõn su Ba'al-Zebub, maŋgəlva na Ekron, kawsənən an wanəmbəl səka gbəgba'əŋka.

1Alabaraɗe Də Mabərkiziti 10:13

Sawlu amtə na, vi dəprəm ma Yawe ɓa, aggbak ma əpel na Yawe gəm vi ammbat əkay əbbah azat məpel dit məsvefɗe,

Gəlyaɗe 107:27

Kiyit viwwe ətotrokoŋ va məs mbazla abayə maɗɗulet pak ahəhəɗəkka.

Gəlyaɗe 33:10

Yawe azanək əɗɗum net ɗiy ɗaɗarɗe, azlzlaɓanək an na mekret ɗiyi.

Gəlyaɗe 76:12

Miynan mokum aba Maŋgəlva, məknahan an kiynaŋ sən Yawe Maŋgəlva nokum vani; mənokum məs kəkaraŋ kiynəŋ pakə, məki sən əvəl sən an dədah nawgeslne' səni.

Wənməkkpaŋga 21:30

Maɗɗula tay ɓa, əwelen wən tay ɓa, may əsəɓ tay aba Yawe ɓa.

Isaya 14:27

Vi an Yawe Məzuɓappak aziwginik an naɗɗa na, naway nawtakən di? An van tay təlla na, naway dədawɓap ətak kiyən di?

Isaya 15:2

Ɗiy addoŋguk addəv gəla net meŋgilveɗi a Dibon apeŋgeŋgik addəv gəleɗe net tuyeŋge vi kawhəm adaka; Mo'ab tay əska morkoyo ammba Nebo də Madaba, kiyit məfaɗən beymet də eŋgemet pakə.

Isaya 19:1

Əpel aka Eziptə. Daya yaŋka tay əzzan a Eziptə, də kakara aka slaybuwna. Meŋgilveɗ na Eziptə tahəŋ əzbəraŋ səbani. Mekret ɗiy na Eziptə aɓohko.

Isaya 44:25

Nəraygənək ula net məskaŋ heligi, Nəkkpaŋganək əɗɗum net məskaŋ helig dərwa, Nəmndegetik məsmaɗɗulet dirɓe, nəkkpaŋganək əsən net dərwa.

Isaya 47:12

Kamə asok də miha nawdapan ɗəfa, gəm wəza na guzliguzli noko. Kəyanək zuk viyit far səka gawlok diyɗa, azok na wakəndəreh ammbeti azok na wakəgeslnegit məzuzelkuni.

Isaya 57:16

Vi nəgay na dənɗaŋ hã faɗ ɓa nədə na gədəv ka faɗ ɓa. Vi əmpəs gəm zeŋgilet ɗiy nəzəməɗ məs dəssoŋ abaw adaddak ɓa.

Isaya 8:19

An tay ənahaŋ sukumən na: Məddoŋ ule məɗɗaŋ tetele gəm məskan heligi, ndəɗaŋ məzəɗɗaŋ fofyoko gəm məzəɗɗaŋ ŋgburŋgburu. Namna ɗiy pak awlanən maŋgəlva net gəm əpel dit məzvefɗe aka wən net ɗiy mederet ɓa sa?

Yeremiya 46:15

Vimi Apis medgeɗge zəgakamaŋgəlva nok anzan di? Dəɓap əziw ɓa vi Yawe aslaŋganəka,

Ezekiyel 21:7

«Wətən ɗəfa, azi horok kəla Yerusalem ahãyẽt gəlet-matuyeɗe, agəɗ kəleŋ aka dələv na Israyel.

Ezekiyel 22:14

Mokrok tay nawziw abaw sa? Vok wasan ɓəl pay nədawsil suk sa? In Yawe nədawpele, wanəɗɗa.

Daniyel 1:20

Ya aka zəga an nakkpumon əɗɗum də an nawɗakan zəga pak na, an məlĩ attoketik na, ndən ərəhit na adayagək kiyit məsənaŋ zəga dit məɗɗaŋ sekene naka dələv nan pak gap təl kəlaw.

Daniyel 2:2

Məlĩ aɗiyək wən nan kakkelet məskaŋ heligi, məɗɗaŋ tetele, məɗɗaŋ sekene gəm məkosonən wən net ŋgərzleɗi, ka dəboton sənəngən əssine nani. Azzoŋko yas aziwəŋ aba məlyã.

Daniyel 5:7

Məlĩ aŋgəzlək vaŋvəl dayadaya vi kawye məɗɗaŋ tetele, mə Kaldiyeɗi, gəm məkosonən wən net ŋgərzleɗi. Məlĩ anah sitik məsmaɗɗulet na Babilon na: «Ɗəf an dəɓap wəŋɗan an məverniŋka, an aboton suwək gabbani, wagul lukut məhəmən pepreŋge, warah everzleɗ na meleŋge awlani, wasan mohoko'o də gagdak addəv əzəm məlyã.»

1Samiyel 25:37

Də pummo mbazla agrak səka Nabal, ɗak nan təboton sən wənəska. Dadawan ɓuh səddəvni, kpaŋ va gərma.