Isaya 19:1 - Bible en Guidar

¹ Əpel aka Eziptə. Daya yaŋka tay əzzan a Eziptə, də kakara aka slaybuwna. Meŋgilveɗ na Eziptə tahəŋ əzbəraŋ səbani. Mekret ɗiy na Eziptə aɓohko.

Isaya 19:1 ပူးပေါင်းရင်းမြစ်များ

Gəlyaɗe 104:3

Is tat əzargasl gəleɗe nok aket iŋkile na disiŋ; kəɗiyək slaybuwən ka mawta nawgay noko; aka persleke səmyã kədabbala.

Gəlyaɗe 104:34

Kəta gəlya nawɗi kiya naw dəsan sən neki! Naw wanənnek də Yawe!

Gəlyaɗe 18:9

Enene agilyoŋgək sə məŋkənni, offo məzuzla əgilyan səmani, slay offo ngiɗngiɗ əzzan səzani.

Gəlyaɗe 68:4

Ya ɗiy en təstəs wannekeŋgi, waɗiyaŋ salalay aba Maŋgəlva, zit mamyãk mamyãk də ənneke:

Əgilye 12:12

Dəfəɗ nan na wanətoŋ dəka dələv na Eziptə. Wanəbay uwa maddaabəŋ na ɗəf titir də an na zəga mamayã naka dələv na Eziptə pakə. Ya in Yawe wanətaw wən aket meŋgilveɗ na Eziptə.

Isaya 13:1

Wən məpel aka Babilon, an Isaya, wət Amos awələ:

Isaya 13:7

Vini va ɗəf pak waddakə, mekret ɗiy pak wamtə.

Isaya 19:16

Pay dəpaska, Eziptə wasan va gili; wakker kpokpo an Daya Məzuɓappak aslanək van də əɓlan akani.

Isaya 21:9

Ɗəf yandak əzzan aka mawta nawgay mətokun ammbet pelseŋge sula. Tay ətəlma, tay ənah na: askotko, Babilon askotko! Zəgeɗkamaŋgəlva net aŋgrofoŋguk afuŋgu!

Yeremiya 25:19

Sən Farawən məlĩ na Eziptə dit məɗɗaŋ wəza nani, ɗiy gugriɗ nani, ɗiy nan pakə,

Yeremiya 4:13

Awla yaŋ tay əzzan va slaybuwna. Mawteɗ na pələs nan tahəŋ va barkataŋ, pilseŋge nan tahəŋ də kakara dayki gazla. Əray akamə, mərayka.

Yeremiya 44:8

Mənokum tat ədansu gədəvu də wəza na vokum, mənokum tat əzla tursan sit meŋgilveɗ meɓɓet aka dələv na Eziptə məs kəddoŋ əssoŋ adaka, ka mənokum kawza ka kakkpaŋ zəga na mefɗeke gəm zəga na əra aweleŋgit ɗiy naka dəlva.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Yeremiya 51:44

Yawe amna: Wanəsil aka Bel, maŋgəlva na Babilon; wanəɗɗa dəptekgin zəga na barani, ɗiy azzoŋ na sipsip azan əmpa ɓa. Zlava na Babilon zlaŋ aɓəslka.

Ezekiyel 30:13

Vaŋ Daya Yawe anahə: Wanəzet tuyeŋge kuɗupu, wanəkẽh zəgeɗkamaŋgəlva dit meŋgilveɗ en ɗar sə Memfis, gəm daya naka dələv na Eziptə asan na əmpa ɓa. Wanəggbo' geslne aka dələv na Eziptə.

Nahum 1:1

Ətawwən aka Niniwe, ɗerewel nawla na Nahum mə Elkos.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Zakarya 10:11

Waggaraŋ ki pehe nawzəm sahã, Yawe warge vovolumɗe na pehe. Kpukpum na Nil pak waŋkələ. Wəkaɓ na Asiri wavoŋgu gəm zleŋge na məlĩ na Eziptə wazarə.

Zakarya 14:18

An mahəlfa na Eziptə azzan ɓa, tatwãh an Yawe adawbey dəlveŋge en məs dəmbataŋ a wəzləra net guɗukɗe ɓaŋ warəha.

Əŋɗa 33:4

aka mə Eziptiɗ vet tahəŋ ədawndikinin magaziɗe net məs Yawe abay vi kawtaw wən aket meŋgilveɗ neti.

Əmsak aka Mahenziŋ 33:26

Yesurun, ɗəf tay va Maŋgəlva nok ɓa, tay əpeŋ aka mawta na pələs a disiŋ tay ətaw slaybuwən kazza əbbah suko.

Yosuwa 2:11

Məprəmək wən vani, makram aɓohko; ɗəf təttaka tay məs makran nawsilyan abokum əmpa ɓa, vi Yawe Maŋgəlva nokum na, Maŋgəlva yi a disiŋ gəm aka dəlvafuŋ aŋka.

Yosuwa 2:24

Aɓsənən Yosuwa na: «Gesiŋ, Yawe apsəmək dələv bayman ammba vamə. Ɗiy nadak vet kpak beymet geslne armek səmə.»

Yosuwa 2:9

Təɓsit na: «Nəsənək na, Yawe apsukumək dəlvəŋka, geslne nokum arməmək sawɓa, ɗiy naka dəlvəŋ pak tahəŋ əkker abokum.

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.