Isaya 18:3 - Bible en Guidar

³ Ɗiy nammba dələv pakə, ɗiy en dəssoŋ aka dəlva, an məmpani gabaga nawsən dələv azan aka mossorgo metiŋ, kulanəngəni an məffoni mohõ kəprəməngəni.

Isaya 18:3 ပူးပေါင်းရင်းမြစ်များ

Gəlyaɗe 50:1

Gəlyanalva na Asaf. Yawe, Maŋgəlva net meŋgilveɗ apelke, ayak dəlvafuŋ, təŋ səmmba pay nampum hã gap ammba pay na moskoyo.

Isaya 1:2

Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 13:2

Aka mossorgo metiŋ pəh-pəh, məmpa gabaga na dəlva məslan wəlokum məye, məhevet də vokum vi dəzzoŋgən amaddambet ɗiy tekteki.

Isaya 13:4

Məprəm geŋgere aket mossorgoɗe gugriɗe: va kəɓəs na wəlet ɗiy diyɗa. Məprəm wəhay na məlyã, net dilveŋge dəkkalaŋgə. Daya Məzuɓappak tay əsəŋgləket məzəlpaŋ naddoŋ ama əgaya.

Isaya 26:11

Yawe, vok tay tiliwwe aka ərga, ya awlanən ɓa. Wil wadenin dawla əŋgla nok kiyuk boŋ viyit ɗiy noko! Offo dətarne məseŋgiɗko!

Isaya 31:9

Məzəmpəsən ɓəɓəl wanzan sən gəslne, məs dəmpanən tilit wanzoŋgu, deyeɗe wakkereŋ sən gabaga narban dələv azani. Yawe aɗiymani, ndən məs offo nan mərman a Siyon, offo məzuzla a Yerusalem.

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 5:26

Aslanən gabaga nawsən dələv azan sit ɗiy-ɗar en faraɗa; yas agəɗ fofyoko siti, dəzzoŋgən hã sə təki dələv abaymani. Yeŋ əzzoŋ də kakara petpeti.

Isaya 7:18

Pay dəpaska, Yawe, waffu kawye zikɗeɗ naket məɗɗaraɗe na Eziptə gəm sən amama naka dələv na Asiri.

Yeremiya 22:29

Dəlva, dəlva, dəlva aprəm əpel na Yawe.

Yeremiya 51:27

Aziwgin zəga narban əgay aka dəlva, affon moho aweleŋgit ɗiyi; məhheɗeɗ ɗiy-ɗar dəlpaŋgən dit mə Babilonɗe, aye milyeŋge na Ararat, na Minni gəm na Askenaz akani. Aɗi deyeɗe nalpa akani, aslin pilseŋge əwak sən məssehhit ɓəsɓəs va zaray.

Mika 1:2

Mənokum ɗiy pakə, məprəma; dələv də an dəknahuk pak agəɗ maɗɗula! Yawe Maŋgəlva miziwe narban an kəɗɗaŋ hã səddəv gəla nan salala.

Mika 6:2

Mossorgoɗe gugriɗe, məprəm dolgoy na Yawe, mənokum kəssoŋ gabba dələv məs aɓla ɓa kəŋkə: Yawe tay əki dolgoy aket ɗiy nani, tay əki wən aka Israyel.

Mika 6:9

Yawe tay iya walaŋgəla-metiŋ, wakohgit məzugeslne'eŋ sənən iya nani: Məprəm əzga na ɗəf an dəpele!

Zakarya 9:14

Yawe disiŋ kiyit warban zəni, har nan wawiɗ va iwiɗ na buna. Yawe Maŋgəlva waffon gozloro, wambat addəv barkataŋ na dohoŋ.

Matiye 13:16

Ya munokum, əzaɓ aza horokum vi tay ula, gəm sləmokum vi tay əprəma.

Matiye 13:9

Məs də sləman, dəprəma.