Isaya 18:2 - Bible en Guidar

² Is tat əslən maslənɗe dəka pehe dit bəlayɗə məzeɓit dit vəlarɗe. Məddoŋgu, maslənɗe məs kakara anet dogomɗe da məs gəba zit məzəwiɗe, ɗiy məs adawgeslne'eŋ sitin aŋga di pakə təŋ səŋka hã bal adaka məs gbogboŋɗe, məzundepetin meseŋgitti. Məddoŋ aka dələv nokum dəsan a met məlpeŋge.

Isaya 18:2 ပူးပေါင်းရင်းမြစ်များ

2Alabaraɗe Də Mabərkiziti 14:9

Asa agilik abani: assahãŋgək ama wəgay a walaŋ na Sefata, go'o də Maresa.

2Alabaraɗe Də Mabərkiziti 16:8

Mə Etiyopiɗe dit mə Libiɗe lahəŋ na, dəsapaŋ dula gədak dit mawteŋɗe nalpa, may məŋkoroŋ pilseŋge məza meŋge net ɓa ɓa sa? Adan kəbay zuk aza Yawe, apsukik ammba voko.

Ɗerewel na Yob 9:26

Atoŋguk va bəlay net vəlarɗe, va gazla adawpirken aka slu nani.

Əgilye 2:3

Adan təɓap na əɗaman əmpa ɓa na, təgəm kəggəl mərkan də sleɗu, təkkəɗ sən timbe gəm membezleŋ, təktuk wiyin nak addəvni, təl əɗiyən addəvit vəlarɗe a mabuzgum na Nil.

Isaya 18:7

Pay dəpaski dogomɗe məs gəba zit məzəwiɗ gəm ɗiy məs adawgeslne'eŋ sitin aŋga pakə, təŋ səŋka hã bal adaka, məs gbogboŋɗe məzundepetin meseŋgiɗti, məs dələv net asan a met məlpeŋge, wakiyaŋ əvəl sən Daya Məzuɓappakə, wakinən əvəl net aka mossorgo metiŋ na Siyon akki iya na Daya Məzuɓappak asani.

Yeremiya 49:14

Wən nəprəm səma Yawe na, məsləni maslən a weleŋgit ɗiyi: Məkkalə, məddoŋ akani! Məsil aza əlpa!

Ezekiyel 30:9

Pay dəpaska, metiveɗ wagilyoŋ səzaw də bəlay kadda əɓlan Etiyopi məs fendeŋge; əzəmsahãy nassan sit pay na tatwãh na Eziptə. Vi yaŋ tay əgapa.

Obadya 1:1

Ula na Obadya. An Yawe Maŋgəlva anah aka wən na Edom yaŋka: Alabara məprəm səza Yawe ade məsləni maslən a weleŋgit ɗiyi Misili! Misil səm əwaksəni.

Habakuk 1:7

Korsomoyɗeŋ nawgeslne' sitiŋ, ndəɗaŋgə dədawɗinən gagdak net də tive nan sən kiyti.

Luka 10:19

Yaŋ na, nəpsukumək gagdak nawdaw dəket dohõɗe dit hərziyeɗi, gəm aka əɓap na məzuzele pakə, sessel zəga tay nawgəɗ sukum ɓa.