Isaya 17:10 - Bible en Guidar

¹⁰ Vi kəzgətək ki Maŋgəlva məs dəkõhguko, kəɗɗum aka milɓe nawɗam nok ɓa. Vini is tat əmpa guli net wəleŋɗe moggeti kəzləgək uwa na wəlaŋga na guwa.

Isaya 17:10 ပူးပေါင်းရင်းမြစ်များ

1Alabaraɗe Də Mabərkiziti 16:35

Mənah na: akõhgəmə, Maŋgəlva əkõh namə, akkalamə, abitəm səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Gəlyaɗe 106:13

Azgətaŋgək kiyit wəzeɗe nan go'u, dəganən an aɗɗum naɗɗa dərɓagan ɓa.

Gəlyaɗe 106:21

Azgətaŋgək ki Maŋgəlva, məkõhgiti, məs dəgəɗ zəgeɗ gugriɗ a Eziptə,

Gəlyaɗe 18:2

Yaŋ amna: Nəŋglukuko Yawe, gbogboŋ naw kənani.

Gəlyaɗe 31:2

Yawe, azok nədawɗama, vi nədarba wil ɗah ɓa! Akõhgu addəv təstəs noko;

Gəlyaɗe 65:5

Ɗəɗah na ɗəf an kuweli, wasan adaŋgla anokda! Waməbə də zəga moggon neŋgil anokda. Zəgeɗ salala naddəv gəla noko.

Gəlyaɗe 79:9

Maŋgəlva məkõhgəmə, abbah səm ammba gagdak na iya noko. Abitmə, avvuyon səm mambray nam vi gagdak na iya noko.

Gəlyaɗe 85:4

Kəbayək met herɗe noko, kəppanək ədagədəv noko.

Gəlyaɗe 9:17

Yawe arbanək zən, atawək wəna, məsdaraw dərəmgən aka bizwil an azaɓ də vani. Əziwe

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 17:9

Pay dəpaska, kappeti walaŋgəleɗe gugriɗ net korguɗe nani, va məppet walaŋgəleɗe net mə Hivviɗe gəm net mə Amorɗe lahəŋ aka əgap net mə Israyelɗe. Tatwãh metiŋgini yi.

Isaya 18:5

Vi tak mawala dəgəɗgəni, an uffiyeɗ ayyo'oŋko, an uwa net wəleŋɗe tay əsɓaŋgə, tay əgəmən slogoy kawkel kiva wəlaŋga an tay də ətər ɓa də gaslamba nani

Isaya 25:4

Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 26:4

Məppan ki zukum pay pak sən Yawe, ha'aw sən Yawe, Yawe milɓe an faɗi yi.

Isaya 30:29

Wakəyaŋ gəlya, va dəfəɗ naddaŋ na wəzləra. Wakənnekeŋgi va ɗəf adadaw əsla tələn də pozloro, vi kawmbat aka mossorgo metiŋ na Yawe, milɓe na Israyel.

Isaya 33:2

Yawe arban səm mbəlembəle noko, akok məɗi əɗɗum namə. Asok gbogboŋ nam də mompumo pakə, məzəkõhgəm pay na tatwãha.

Isaya 44:8

Kədakkerəŋ ɓa, kəgeslne'eŋ ɓa, nəprəman sukum far, gəm nəboton sukum mənokum miziweɗe naw ɓa sa? Dabərkiyu na, Maŋgəlva tay sa? Milɓe tay məza nəsən ɓa ɓa.

Isaya 51:13

Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Yeremiya 12:13

Aslgaŋgək haykəmari, yaŋ apeteŋ tintifɗe. Ayanənək ziti ya zəga tay arahaŋ ɓa. Wil dədukum sən əpet nokum! Vi ədagədəv na Yawe vakvaki.

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 2:32

Waŋ goruk tazgət ki zəga na gawla nat sa? Guluk namba zil tazgət ki gendu nat sa? Ya ɗiy naw na maggaŋ azgətaŋ kiyu ɓa.

Yeremiya 3:21

Tay əprəmaŋ wəla ɗəf aka təki ɗagarra: Mbaraka ɗiy na Israyel, məzuhəmaŋgə gəm məzəkkamaŋgə, vi dəgəmən tive an moggon ɓa, azgətaŋgək kiwa, in Yawe, Maŋgəlva neti.

Ezekiyel 22:12

Ɗiy tay itipeŋ hara ɗəf də arya anokda vi kawbay ɗəfa, kawrəha; is tat ətaf ərəh toŋ ki va aka dəmən; is tat əppit meggeŋgiɗuk də əsərmeti; ya naw na is kiyu zəgət! Daya Yawe aɗiymani.

Ezekiyel 23:35

Vini, vaŋ Daya Yawe anahə: adan kəzgətək kiywa, kəzgawək dərɓogoko, is sən kiyuk aslet wil noko, də polkoyo noko.»

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Hose'a 8:14

Israyel azgətək ki an dəzəməɗa, arkək gəla na məlĩ sən kini. Yuda tam awetik walaŋgəleɗe net korguɗe. Ya wanəslən offo addəvit walaŋgəleɗe nani, offo wapalket gəleɗe mogget neti.

Yo'el 1:17

Zeŋveɗe aŋkəlaŋgək sə ma vovu; gəzləkɗe aɓzlaŋka, məkreptiŋ mehẽɗi, vi hay tay ɓa.

Məsdəlveŋge 26:16

asna an nədawgəɗ sukum yaŋka: Wanəgeslne' gukum də ətara gəm gamba naddakan horokum may navviren zeŋgilokum. Wakəslgannən guli nokum sam mekeleŋ məzuzelɗe nokum dədawzəmnəni.

Məsdəlveŋge 26:20

wakəyanən zukum samə, dəlvafuŋ agəɗ na zəga əmpa ɓa, wəleŋɗe naka dələv awaŋ na əmpa ɓa.

Amos 5:11

«Vini kan Yawe anahə: mənokum tat əppət məzuraya, gəm əfaɗgən nzalaka na zəga na mabardaw. Kərkaŋgək gəleɗe dit gərmeŋge məslmeti kəssoŋ na addivit ɓa, kəmpaŋgək megezlembirkeɗ na sləma kəsaŋ na mbazla net ɓa.

Habakuk 3:18

Naw na, wanənneken zu vi Yawe, wanəɗɗəl vi Maŋgəlva məzukõhguwa.

Sefanya 1:13

Ya kawmohõni arya neti, kawreygiti gəleɗe neti. Warkaŋ gəleɗe, assoŋ na addəvit ɓa; wampaŋ megezlembirkeɗi, asaŋ na mbazla net ɓa.

Əmsak aka Mahenziŋ 28:30

An kəkayək gulku, ɗəf maɓɓan dədawvoŋ dəndəta; gəlay kərkə meleketeni, kəsok na addəvən ɓa; an kəmpək megezlembirkeɗi, kərah na wəhor kirtit ɓa.

Əmsak aka Mahenziŋ 32:15

Yakob abəka, azəmka; Yesurun asilik ɗoɗloy; akərka, aɗiyək səlhã, ɗiklik ɗikliki azganək Maŋgəlva məs dəzəməɗa, arbə sənək wil sən Milɓe, wəkõh nani.

Əmsak aka Mahenziŋ 32:18

Kəzgə sləma aka Milɓe məs dəwuk ɓa. Kəzgətək ki Maŋgəlva məs dəpsuk zeŋgile!

Əmsak aka Mahenziŋ 32:31

Vi milɓe net məzuzelɗe nam, va Milɓe nam iyi ɓa, ndəɗaŋ sən kiyit watawnən wən nani.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Əmsak aka Mahenziŋ 8:11

Nok asla zuko, vi kədazgət ki Yawe Maŋgəlva nok ɓa, məza karma əpelɗe na ənziya, tiveɗnanziya dit mahenziŋɗe nan en nədawɗi suk wən net dəpaŋkəŋ ɓa.

Əmsak aka Mahenziŋ 8:14

mokrok adaɗɗuk kawɗi kiyzuk ka is kazgət ki Yawe Maŋgəlva nok ɓa. Ndəni dəgilguk sə Eziptə səka balam.

Əmsak aka Mahenziŋ 8:19

Kuzuŋ wakəzget ki Yawe Maŋgəlva noko, kazbet meŋgilveɗ meɓɓeti, kawgəɗ sit wəza may kappu' siti, in tat əssak sukum an nazzan akokum dəpaŋka, wakəzaŋ kəkkəɗə.