Isaya 16:10 - Bible en Guidar

¹⁰ Ənnek metiŋgin azək səddəv guli net wəleŋɗe nokumu; a guli net megezlembirkeɗ nokum gəlya sən ənnek tay ɓa, vaŋvəl sən ənnek tay ɓa. Məɗot mbazla tay əɗotən a təki nawɗot mbazla ɓa, gəlya nawhor megezlembirke aɓətka.

Isaya 16:10 ပူးပေါင်းရင်းမြစ်များ

Ɗerewel na Yob 24:11

Ndəɗaŋ əɗot mẽl a guli net wəleŋɗe neti, mbazla adawɗotoŋgu, meme tay ədeti.

Isaya 24:11

Aket tiveɗi, ɗiy tahəŋ əɓuh met ammba mbazla tay ɓa. Ənnek pak tay ɓa, ənnek alək səka dəlva.

Isaya 32:10

Addəv wəzva də siɗikke abeŋ na, wakəkkereŋgi mənokum məzulanən zukum, wakəɗɗumoŋgu, vi əhor megezlembirke agrakka, zəga tay nakkal əmpa ɓa.

Yeremiya 48:33

Ənnek gəm əbabyak azaŋgək sə guli net wəleŋɗe gəm səka dələv na Mo'ab. Nəkkpa'ək mbazla sə mosgoyo, tay əɗɗaŋ hoyohoyo a təki nawɗot uwwa net wəleŋɗe ɓa; hoyohoyo tay ɓa.

Ezekiyel 7:7

Pay na əza nokum tay əzzani mənokum ɗiy naka dəlva; tay əzzani əvoŋ nan go'oy; horokum wagəɗ kululu, məza əɗɗəla aket mossorgoɗe gugriɗ ɓa.

Yo'el 1:12

Megezlembirke aklaŋka, sokoyo tay əŋkəla; tonzoku, gogozlo, goɗoŋgoy, wəleŋɗe na guli pak aklaŋka. Wənnek arslək sə weleŋgit ɗiy.

Amos 5:11

«Vini kan Yawe anahə: mənokum tat əppət məzuraya, gəm əfaɗgən nzalaka na zəga na mabardaw. Kərkaŋgək gəleɗe dit gərmeŋge məslmeti kəssoŋ na addivit ɓa, kəmpaŋgək megezlembirkeɗ na sləma kəsaŋ na mbazla net ɓa.

Amos 5:17

Addivit megezlembirkeɗ pak kawɓuhi ma adaka paysən nədawtoŋ duwalaŋkum», Yawe anahə.

Amos 9:13

«Yawe aɗiyman na: Awle, pay tay əzzani məzənse wazban məzəbəla məzəzlga tam məɗot mokkoy na uwa net megezlembirke: Askan na, mbazla meleketen wayəm səket mossorgoɗe gugriɗe gəm səket mossorgoɗe pakə.

Sefanya 1:13

Ya kawmohõni arya neti, kawreygiti gəleɗe neti. Warkaŋ gəleɗe, assoŋ na addəvit ɓa; wampaŋ megezlembirkeɗi, asaŋ na mbazla net ɓa.

Mətawaŋwəna 9:27

Ndəɗaŋ mbataŋ awra əɓuh uwa net megezlembirkeɗ neti; yaŋ aɗotini aɗɗaŋ wəzləra. Atoŋgoŋ addəv gəla na maŋgəlva neti, azəmaŋgə, asaŋgə, yaŋ aɓuhnən met nawraygən Abimelek.