Isaya 14:32 - Bible en Guidar

³² Kawzlan mbar sit maslənɗe di? Vi Daya dəvani dəmpa Siyon; adaki məssehẽŋɗe net ɗiy nan adawkayaŋ təki nawɗama.

Isaya 14:32 ပူးပေါင်းရင်းမြစ်များ

2Samiyel 8:10

Toy aslənək Yoram wətən dit zəgeɗ na təbəz net deleɗi, zəgeɗ na meleŋge gəm na təbəz pepreŋ ammba van aza məlĩ Davit kasɗani gəm kawfet akan vi agay də Hadadezer adəmsəni, vi Hadadezer van məzuseɓ na Toy yi.

Gəlyaɗe 102:16

Ɗiy na guw wageslne'eŋ sənən iya na Yawe, gəm milyeŋge naka dəlvafuŋ pak tam sən gagdak noko,

Gəlyaɗe 102:28

Nok is tat va lahəŋka, əzva nok agrak na ɓa.

Gəlyaɗe 48:4

Addəvit gəleɗe na məlĩ a Siyon na, məsənni Maŋgəlva ka təki nawɗama.

Gəlyaɗe 87:1

Gəlyanalva səmet Kirtin Kore, gəlya. Siyon məɗi gabban aket mossorgoɗe gugriɗ salala,

Gəlyaɗe 87:5

Kawpeli aka Siyon na: «Ndəni gəla uwa net ɗiy pakə, Məsəɗəɗə zəknan dəɗiya!»

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 25:4

Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 37:32

Ɗiy dəppaŋ wagilyoŋ sə Yerusalem gəm en dəndəwəɗaŋ aka gərəm na Siyon. Aski Yawe Məzuɓappak adaɗɗa addəv əŋgla nani.

Isaya 37:9

Səza aprəm wən aka Tirhaka, məlĩ na Etiyopi na: «Agilik kawgay dənduko.» Adan aprəm alabaraska, məlĩ na Asiri slən ɗiy aza Hizkiya dawnah sit na:

Isaya 39:1

Pay dəpaska, Merodak-Baladan, wətən Baladan, məlĩ na Babilon, aslənək ɗerewelɗe gəm əvəl sən Hizkiya, vi aprəmək na azgək gbəgba'a ya ambəlka.

Isaya 4:6

Guɗuk wasan ka zeŋgile vi təki kakãh na kapaya gəm kawga buwən maŋgalaw də buna.

Isaya 44:28

Ndən dəpel aka Sirus na: Məzutaɗa naw kənani. Waɗɗa an məs nəŋgəl pakə. Ka kawnah aka Yerusalem na, karkani gəm aka gəla nakkam na, kamsaki ərkani.»

Isaya 54:11

Is Yerusalem, na sahã kənani, vẽŋvil aɓlokunko, ɗəf tay dəɓətguk ɓa! In yakəŋ a nəmsak ərkuk dit gərmeŋge məverti. Wanəɗi gobbok dit kuwneŋge Safira.

Isaya 57:13

Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Ezekiyel 48:35

Tərwəsl pakə: kilo metər vaytakə. «Təŋ səza dəpaska, iya na walaŋgəla-metiŋ van dəsangən na: Yawe tay aŋka.»

Sefanya 3:12

Wanəɗi ɗiy məssehẽŋɗe məddekit addəvko; wakayaŋ təki nawɗam addəv iya na Yawe.

Zakarya 11:11

Apələk dəpas ləŋgə, məvəlaŋ zəgeɗ memeyẽɗ məs heret yarra akaw nek asənənək na, aŋ əpel na Yawe yi.

Zakarya 11:7

Wanəteɗ gilew en məmanən vet adawkaŋ a təki nawtaw wəlet əŋka. Nəndək zleŋɗe sula. Niya taka na Neneke, maɓɓan tam niya na, wəslere, in ɗew əteɗ gilewi.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Ibriɗe 11:10

Vi tay əga walaŋgəla-metiŋ məs məɗi gabban gboloŋgboloŋgu, məs Maŋgəlva sən kiyən avere, arka.

Ibriɗe 12:22

Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Yakob 2:5

Milmiŋgiɗu na makrawa, məpak sləmokum ammba wəpel nawa. Maŋgəlva awelik məssehẽŋɗe na maheret ɗiy negge dəssoŋgən məsaryeɗ də wətafa gəm nawzəmaŋ gəla na məlĩ məs aynan napsit en dəŋgluwəni.