Isaya 14:2 - Bible en Guidar

² Israyel watef molhõyẽɗi, wamndeget aka dələv neti. Aka dələv na Daya na, Israyel wagim ɗiy veti, zel dit gil ka belemɗe nani. Warme ɗiy en dirmetin a fərsəna, waɗi a fərsəna, wasan daya aket ɗiy en dəsərnən mani.

Isaya 14:2 ပူးပေါင်းရင်းမြစ်များ

Ezra 2:65

Mbəksa belemɗe net mezeŋgleket dit muguluŋgit tahəŋ: 7 337; miyaŋ gəlya tahəŋ 200 zel dit gili.

Gəlyaɗe 68:18

Mawteɗ na Maŋgəlva gabalɗe kaklawɗeŋgə. Yawe tay a weleŋti, a Sinay addəv Gəla na Maŋgəlva!

Isaya 18:7

Pay dəpaski dogomɗe məs gəba zit məzəwiɗ gəm ɗiy məs adawgeslne'eŋ sitin aŋga pakə, təŋ səŋka hã bal adaka, məs gbogboŋɗe məzundepetin meseŋgiɗti, məs dələv net asan a met məlpeŋge, wakiyaŋ əvəl sən Daya Məzuɓappakə, wakinən əvəl net aka mossorgo metiŋ na Siyon akki iya na Daya Məzuɓappak asani.

Isaya 31:8

Asiri waskot ama masalam məs na vet ɗiyi ɓa; masalam na ɗəfi ɓa nawzani. Səba masalam vanəska, mə Asiriɗe wanzoŋgu, dula net gewleɗ net kappeti sən wəza na vavyakə.

Isaya 45:14

Aŋki an Yawe anahə: ərah na wəza net məs Eziptiɗe, wəya na wəza na Etiyopi gəm net ɗiy na Seba, ɗiy məɓeyti, watoŋgoŋ anokumda, wassoŋ ka nokum! Wazbokuməni addəvit ngiyamɗe; Watoŋgoŋ wappu'oŋ abokum wakkamaŋ abokum də wənahaŋ na: Maŋgəlva, anokda yi kaka'ə tay akki maɓɓan ɓa.

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 49:25

Ya an Yawe anah yaŋka: Kawmõhni ɗəf məs gbogboŋ arəmə, ərah na məs gərom wakõhu wanəgay də məzugay də isi, wanəkõhgit kirtuko.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Isaya 60:4

Abbalan horok kiyuk tərwəslə, ya awla kirtuk pak tahəŋ əmilyoŋgu əkkal azoko. Tahəŋ əzzoŋ sə faraɗa, kirtuk muguluŋgit slək-slək a persleketi.

Isaya 61:5

Ɗiy-ɗar wassoŋ əga arya nokum, wateɗnin gilew nokum, kirtit ɗiy-ɗar wassoŋ ɗiy nanseŋ sukumun gulyeŋge nokum dit megezlembirkeɗ nokum.

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Yeremiya 30:16

Ɗiy en dəzlatkuməni kawzletti yi; məzuseɓɗe nok pak waddoŋ baymet aka balamə; məzundolokun wakkpaŋgaŋ ka zəgeɗ nawndoleti, məzuppohõkuni, wanəpet sən popoho.

Yeremiya 49:2

Vini pay yaŋ əzzani Yawe aɗiymani: anəsilgin vaŋvəl nalpa a Rabba net mə Ammonɗe. Wakkpaŋ təki ɗigitte məraygəni, offo wazim meggeŋgiɗin. Asna Israyel wamõh dələv nani səvet en dəmõhnən səvani Yawe anahə.

Ezekiyel 39:10

Akrawaŋ na seseme sura ɓa, abəlaŋ na wəleŋɗe sə muyã ɓa, vi dit zəgeɗ nawgayəskiŋ adasɗaŋ offo. Ya wamohẽtin en dəmohẽtini, wappohetin en dəppohetini, vaski Daya Yawe aɗiymani.

Daniyel 7:18

Sədirɓegeti, ɗiy en salala na Məsəɗəɗə warəhən məlyã, neti, məlĩ wasan avet hã faɗ ka faɗə.»

Məsdəlveŋge 25:44

Dəwəl sit belemɗe mezeŋgleket dit muguluŋgiti məs kədalbəha, kəlbehningin səvet ɗiy-ɗar məs dəssoŋ kiykum tərwəsliŋki;

Obadya 1:17

Ya aka mossorgo metiŋ na Siyon na ɗiy en dəndəwəɗaŋ warahaŋ təki nawɗama. Kirtin Yakob watafən dələv net səvet ɗiy en dəmõhən səveti.

Zakarya 2:13

Vi in yakəŋ əslan vaw aketi, wakkpaŋgaŋ ka ərəh na mawgay net belemɗe neti. Wakəsənnən na, Yawe Məzuɓappak dəslənwa.

Zakarya 2:9

Yawe aɗiyman na: Naw wanəsaw ka zlava na offo kiyən tərwəslə, wanəkkpaŋ ka gagdak addəvni.»

Luka 12:45

Ya an gawla vanəs aɗɗumuk a makran na: Kakaŋ na daya naw aliyək dazzani, yaŋ atəŋ ərge məɗɗaŋ wəza, zel dit guli, tay əzəma, əsa gəm mbazla əbayən,

Roma 15:27

Aɗɗanənək də ənneke, aslək dəɗɗanəngən vas ammbeti, adan ɗiy-ɗar arahaŋgək haran net səza ərəh na Əmpəs neti. Aslək tam dəɗɗaŋgən wəza ammbet də ərəh neti.

2Korintus 10:5

gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

Galatiyen 5:13

Məlmiŋgiɗwa, nokum, kassa na kiykumi məyukum. Ya hara na, əssa na kiykum adakkpaŋ ka zəga nazban əngla na gəɓa zukum ɓa, məssoŋ belemɗe a walaŋ zukum də əŋgla dərəŋgə.

Efesus 4:8

Vini anah na: Adan apeŋ a disiŋ, akek ɗiy mərmet avani! Apsitik əvəl sit ɗiyi.

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.