Isaya 14:16 - Bible en Guidar

¹⁶ Ɗiy en dulaŋ kəlazok wasəŋgləkokən də maɗɗula, dawnəh na: Aŋki ɗəf dəɓlan dəlvafuŋ dəkkergit milyẽŋge naka,

Isaya 14:16 ပူးပေါင်းရင်းမြစ်များ

Gəlyaɗe 52:7

Maŋgəlva wazok hã faɗə, warmuko, wagdəhuk sə gizlirkə anokda waptuwuk səka dələv net medereti! Əziwe

Gəlyaɗe 64:9

Hərzlumit dəkkpaŋ aketi. Ɗəf dule pak ndən əɓlan kiyən,

Isaya 14:15

Mbaraka na a təki net ɗiy mimtit hã gbu' aza gabba vov kəpirki.

Isaya 14:17

məzəkkpaŋgan dələv va kapta-muyã, məzəkrep walaŋgəleɗe gugriɗe gəm məzəɓoŋ dappet ɗiy en mərmetiŋ sa?

Yeremiya 50:23

Mbari gədəma məzəŋgrof dəlvafuŋ akrap gəm aŋgəsl hoɓoɓ di? Mbari Babilon aray a weleŋgit dəlveŋge ɗar di?

Ezekiyel 32:23

Məɗiyti magamasɗe nan a təki kpukpum net ɗiy mimtiti, ɗiy nan en məbeyit dəmtaŋ ama masalam ki magamas nan tərwəslə. Ndəɗaŋ məs dəkiyaŋ geslne' aka dələv net ɗiy mederet lahəŋka.

Ezekiyel 32:27

Kawndikti dit məzəlpaŋ məs mekret dəmtaŋ dit ganyẽɗiŋ ɓa. Ndəɗaŋ məs dəprikeŋ a təki net ɗiy mimtit dit zəgeɗ nalpa neti; aziyninik masalam net ammba kiyti gəm mambray net aket sleŋsleŋɗe neti, vi məs mekretis aggbo'ənək geslne' net aka dələv net ɗiy medereti.

Nahum 3:6

Wanəndol gadərgiya akoko, wanəkkpoŋgok ngalyã, wanəkkpoŋgok ka nawmas akoko.

Habakuk 1:10

Ndəɗaŋgə məzumasaŋ aket milyeŋge, deyeɗe akkpaŋgaŋgək zəga nasmay neti. Korgu pak zəga nawmas net akani yi: kawmõhən na, ndəɗaŋ əkot dəlva.

Habakuk 1:17

Vasna, wazzuk zəga səddəv zəva nani, kazban əbey ɗiy naka dələv ɗayɗay məza awəl na sasãh ɓa sa?