Isaya 14:13 - Bible en Guidar

¹³ Nok kənahək a mokrok na: wanəpeŋ hã a disiŋ, aket ngərzleɗ na Maŋgəlva, wanəmpa mazaŋga na məlĩ nawa wanəsaw aka mossorgo metiŋ a təki nakkal net meŋgilveɗi, addəv kpukpum na disiŋ.

Isaya 14:13 ပူးပေါင်းရင်းမြစ်များ

Ɗerewel na Yob 20:6

An əɓay nan agapək a disiŋ gəm kiyən əne' aza slaybuwna,

Gəlyaɗe 48:2

Yawe metiŋgi yi, nawɗi kini diyɗa a walaŋgəla-metiŋ na Maŋgəlva namə, aka mossorgo metiŋ nan salala.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Yeremiya 49:16

Ezlezle nazok agesnegitik ɗiyi! Is ula zuk daykiyit ɗiyi ki zuk kədawmbəɗani, is tat a poporit gərmeŋge, kəsok a təki məɓayən. Ya kəta aɗi gəla nok hã a disiŋ va na gazla zlaŋgə, wanəprikguko. Yawe aɗiymani.

Ezekiyel 27:3

kənah səngən Tir na: Is məs kəsok ama pehe a təki nawziw net bəlayɗe, is məman vok dit ɗiyi, dit mətəwəraɗe diyɗa vaŋ Daya Yawe anahə: Tir, nok kənahək na: Intə lelew an gərakə.

Ezekiyel 28:2

«Wətən ɗəfa, anah sən daya na Tir na: Vaŋ Daya Yawe anahə: Adan əkaɓ ade a mokroko, yaŋ kəmna: maŋgəlva nani, a təki nassa net meŋgilveɗ nani, addekit peheɗi. Dəka ɗəf kənani maŋgəlva kənan ɓa, yaŋ kəɗi zuk va meŋgilveɗi!

Ezekiyel 28:9

Wakənah aba ɗəf nawbayuk na: maŋgəlva nani sa? Ɗəf kənani, maŋgəlva kənan ammba vet ɗiy nawbokokən ɓa.

Ezekiyel 29:3

Apeli, kənahgən na: Vaŋ Daya Yawe anahə: In yakəŋ əzzaw akoko Farawən, məlĩ na Eziptə, eŋzle metiŋgin məzuvoŋ a Nil nani; məs dənah na: Nil nawi yi, naw nəɗɗa na suwi.

Ezekiyel 31:10

Vini yi, Daya Yawe anah vaŋka: Vi aɓayək ləkləkə, metteɓeren asan daykiyit wəleŋɗe gəm adawkaɓ vi əɓay nani,

Ezekiyel 40:2

Addəv ula temtem məs Maŋgəlva arbə suwa, akuwək aka dələv na Israyel; aziwgu aka mossorgo metiŋ məɓayən diyɗa, akan də dohoŋ nan na, tay va gəleɗe mərket na walaŋgəla-metiŋ.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 5:20

Səza aɓaygən kiynə, aɓɓəlan kiyən hã ndən əkaɓa, məzgani səka mazaŋga na məlĩ nani, məggbukni gagdak nani.

Obadya 1:3

Mokrok tay əmbəɗok dərwa! A popor gərəm kənanə, aka təki məɓayən, yaŋ kənah dəddəvuk na: Naway nawprikgu afuŋ di?

Sefanya 2:15

Vaski walaŋgəla-metiŋ mənneken zən dəsan də gəla fendeŋgi, an dədawnəh a makran na: «Ina, intə kaka'ə!» Mbar akkpaŋ dələv məzan əmpa, ka bətəŋ net zəgeɗ nawra di? Məzutoŋ pak wafyoku, waɗɗa van weleki.

Matiye 11:23

Ya is Kafarnahum, wakəɓaygən zuk hã a disiŋ sa? Hã a təki nanziya net mimtit kədawpurkoko. Vi va a Sodom məɗɗe sekeneɗ dəɗɗaŋ anokdaŋka, kəta wasan hã dəpaŋka.

Luka 10:15

Ya is Kafarnahum, wakəɓaygən zuk hã a disiŋ sa? Hã a təki nanziya net mimtit kədawpurkoko.

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.