Isaya 14:1 - Bible en Guidar

¹ Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 14:1 ပူးပေါင်းရင်းမြစ်များ

Ester 8:17

Addəv kivadələv pak, may a walaŋgəla mawandi pak, təki əpel na məlĩ də mahenziŋ nan agap pak na, mekret mə Yudeɗ avoŋko, zit anneke, adaŋgək waynabaya may aɗɗaŋgək əzləra. Ɗiy diyɗa dəmanən zit ka mə Yudeɗi, vi geslne armek sit mə Yudeɗi.

Gəlyaɗe 102:13

Ya nok na Yawe, məlĩ kənan hã faɗə, kaɗɗumoni wən nok aza sayit ɗiy pakə.

Gəlyaɗe 102:14

Nok wakəsili, wakula sasãh Siyon, vi pay agapək nawla sasãhni: vaski, pay agapka!

Gəlyaɗe 143:12

Də moggon noki kədagrek məzuzelɗe nawa gəm kədawzet məzuseɓɗe naw pakə, vi gawla nok nani.

Gəlyaɗe 98:3

Aɗɗumonək ulasahã nan də moggon nan aka batam Israyel. Mammba dələv pak, awlak əkõh na Maŋgəlva namə.

Isaya 19:18

Pay dəpaska, walaŋgəleɗe gugriɗ a Eziptə sle' wassoŋ məs adawpeleŋ ma Ibriɗ adaka gəm məsway nazban Daya Məzuɓappakə. Iya na an taka səmmbet na Ir-Haheres va ənah na: «Walaŋgəla na Paya.»

Isaya 21:1

Əpel aka kapta-muyã dəsan a maŋgava pehe. Va vẽŋvil sə kəla dohoŋ məzəɓlaŋ aket iŋkile məzuzel tay əzzan sə kapta-muyã, səka dələv mədə pəlu ɗəfa.

Isaya 27:6

Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 41:8

Ya isi Israyel, məgəɗ wəza nawa, Yakob məs nəweli, mahəlfa na baynaw Abraham;

Isaya 41:9

Is məs nəkoyok hã sə təki dələv abaymani, sə təki dələv abayman nəyuko, yas nənah suk na: Istə məgəɗ wəza nawa, nəwelkuko, nəzgok ɓa.

Isaya 44:1

Ya kakaŋ na, aprəma, Yakob məgəɗ wəza nawa, gəm Israyel, is məs nəweli.

Isaya 45:14

Aŋki an Yawe anahə: ərah na wəza net məs Eziptiɗe, wəya na wəza na Etiyopi gəm net ɗiy na Seba, ɗiy məɓeyti, watoŋgoŋ anokumda, wassoŋ ka nokum! Wazbokuməni addəvit ngiyamɗe; Watoŋgoŋ wappu'oŋ abokum wakkamaŋ abokum də wənahaŋ na: Maŋgəlva, anokda yi kaka'ə tay akki maɓɓan ɓa.

Isaya 47:1

Abət asok aka burɗuk waŋ goruk na Babilon, asok pirfif afuŋgu, məza aka mazaŋga na məlĩ ɓa, walaŋgəla-metiŋ net mə Kaldiyeɗi. Vi kazbani əyuk na salala gəm lalawək sawɓa ɓa.

Isaya 49:10

May ade na ɓa, meme adetin na ɓa. Təki kakãh aɗɗe na ɓa gəm kəɓak-kəɓak na pay ɓa. Vi ɗəf məzula sahã aket wadawgiti, wake a met iŋkile miyma.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 49:15

Guluk tazgət ki wətət məzuwaɗ sa? Təwəl na sahã aka wətət naddəvət ɓa sa? Ya an tazgət zlaŋ na, naw nəzgət na kiyuk ɓa:

Isaya 49:25

Ya an Yawe anah yaŋka: Kawmõhni ɗəf məs gbogboŋ arəmə, ərah na məs gərom wakõhu wanəgay də məzugay də isi, wanəkõhgit kirtuko.

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 56:3

Molhõyõ məs dəppan kiyzən sən Yawe adawnah na: Yawe uɗak adawɗakaw dit ɗiy nani ɓa! Ɗəf mərgan adawnah na: awle naw wəlaŋga məklakan nani ɓa.

Isaya 60:10

Molhõyẽɗiŋgə narkanən zlava noko; milyẽŋge net wazaɓ sukun Maŋgəlva. Vi nərgukuk gala gədəvu assan mədani. Ya addəv moggon nawa nəwulək sahã akoko.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Yeremiya 16:15

Kawnəhi dərəŋ na, də iya na Yawe madaran məs dəmilgit mə Israyelɗe səka dələv na kəla disiŋ gəm səket dilveŋge məs aɓɓehet adak pakə, wanəmndeget aka dələv net məs nəpsit efiŋgiɗti.

Yeremiya 29:14

Wanəppan zu kərəhwəngəni Yawe aɗiymani, wanəzaɓan wən nokum gəm wanəkkolokum səket dəlveŋge də sə təki temtem məs nərɓokum adakəŋ pakə Yawe aɗiymani, wanəmndogokum a təki məs nəsimgukum sədaka.

Yeremiya 30:8

Pay dəpas na, Yawe Məzuɓappak aɗiyman na, wanəŋzlu zuk sə wəleti, wanəɓuh helege səzeti. Kəssoŋ na belemɗe net melekeɗ əmpa ɓa.

Yeremiya 31:4

Wanəmsak əsilguko, wakəsili Israyel wakəgəm dəgəla nok əmpa wakəgil aret en məzumasaŋgə.

Yeremiya 50:33

Vaŋ Yawe Məzuɓappak anahə: Məsərni met mə Israyelɗe dit mə Yudeɗ sapə. Ɗiy en dəkenin aka balamə tay ətekini, əɓoŋgoŋ dappet əmbata.

Yeremiya 51:51

Wil tay ədəmə, vi məprəmək əra! Mənam tat ərba wili vi melekeɗ atoŋgoŋguk a təki na matuya naddəv gəla na Yawe.

Ezekiyel 16:60

Naw wanəɗɗumon wənmiyna naw də is far səka gore noko: wanəziwgən wənmiyna də is ka faɗə.

Ezekiyel 47:22

Kəɗɗaŋgən vẽpəlu nawgəm haran nawray nokum, səkum gəm sit molhõyẽɗ dəssoŋ də gəla arokum, məs duwaŋ kirin mezeŋgleket arokum; wassoŋ səkumən va kirtindələv aret mə Israyelɗe; waɗɗaŋ vẽpəlu də mənokum kawrəh haran nawray vet aret mahəlfaɗe na Israyel.

Zakarya 1:17

Atəlma əmpa dawnəh na: An Yawe Məzuɓappak anah yaŋka: «Walaŋgəleɗe gugriɗ naw waknəhaŋ dit aryeɗ əmpa. Yawe waffeten makra Siyon əmpa, gəm wawel Yerusalem əmpa.»

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Luka 1:54

Adek əbbah sən Israyel maslən nani, aɗɗumonək ulasahã nani,

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.