Isaya 13:20 - Bible en Guidar

²⁰ Ka faɗi ɗəf asan na adak də gəla ɓa, səza sayit ɗiy hã aza sayit en mbərti wasan məza ɗəf addəvən ɓa. Arabɗe ampanən na gizlirke net adak ɓa, məzuteɗeŋɗe adikeŋ na adak ɓa.

Isaya 13:20 ပူးပေါင်းရင်းမြစ်များ

2Alabaraɗe Də Mabərkiziti 17:11

Sə net mə filistiɗe da dayday məki səni əvəla may koɓeɗi na nzalaka, Arabɗe pak akiyaŋ sənənək zəgeɗ məmeyẽɗi: ndergeyẽɗ gabal buhul də səkat buhul, porsokɗe gabal buhul də səkat buhul.

Ɗerewel na Yob 3:7

Vaski, dəfəɗ nan dəsan ndarzlay, wənnek adawsan sən ɓa;

Gəlya net Gəlyaɗe 1:7

Aboton su ɗah, is memɗekewkəŋkə, aŋga kədawteɗ gilew nok di, aŋga kədawdikit an pay arəmək di; Vi nədawsaw slorslor a meŋgevet gilew net mekkeyeŋgiɗuk ɓa.

Isaya 14:23

Wanəkkpaŋgan bobok ka təki nassa net tovvoɗe. Wanəfaɗ də sulhõ nawzet ɗiyi, Daya Məzuɓappak aɗiymani.»

Isaya 21:1

Əpel aka kapta-muyã dəsan a maŋgava pehe. Va vẽŋvil sə kəla dohoŋ məzəɓlaŋ aket iŋkile məzuzel tay əzzan sə kapta-muyã, səka dələv mədə pəlu ɗəfa.

Isaya 25:2

Vi kəkkpaŋganək walaŋgəla-metiŋ ka girmeŋge kpewi, walaŋgəla gbogboŋ ka kiməskiya. Kəzetik gəleɗe gbogboŋɗe net molhõyẽɗ assoŋ na va walaŋgəla-metiŋ ɓa. Kamsaki ərkan ɓa hã faɗə.

Isaya 34:17

Ndən dəɗɗa sit vẽpəlwa van duɗakan sit dələv van də helege. Wasan ka net faɗə, va sayit amə' pak wassoŋ də gəla akani.

Yeremiya 49:33

Hasor wakkpaŋ təki nawɗam net wawayɗe, təki məraygən faɗə. Ɗəf tay nassan adak ɓa ɗəf titir tay nassan də gəla akan ɓa.

Yeremiya 50:13

Sən ədagədəv na Yawe ɗiy wassoŋ akan ɓa, waray va kiməskiya. Mətoŋgoŋ dəza Babilon pak wakkereŋgi gəm wafyokoŋgu də ula vamvi an dəgəɗ pakə.

Yeremiya 50:21

Asil dələv na Meratayim awak səni awaksit ɗiy na Pekod, azeti, azan arya net dərɓeget kakãhə, Yawe aɗiymani. Aɗɗa va nəɗi suk wən nan pakə!

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 50:39

Vini muvoɗe nawra gəm derzliŋgeɗ azzo əssoŋ addəv walaŋgəla-metiŋ vani, herkeseŋɗe wassoŋ adaka. Ɗiy assoŋ na ɗah akan əmpa ɓa, va sayit ɗiy amə' pak ɗəf asan na akan ɓa hã faɗə.

Yeremiya 50:45

Vi vaski məprəm an Yawe aziwgin naɗɗa aka Babilon, an aynan nawgəɗ sən dələv net mə Kaldiyeɗi: Sessel, kawketi va adawketin kirtit gilewi Sessel, waraygən gazlaŋ net sən wən neti.

Yeremiya 51:25

In yakəŋ əwak suko is mossorgo məzuzan təkiya Yawe aɗiymani. Is məzan dələv pakəŋkə, nəslanək vaw akoko, wanəslaŋguk səket milɓeɗi. Wanəkkpaŋgok va mossorgo na slayoffo,

Yeremiya 51:29

Dələv tay əkkere, tay ɓalwãy-ɓalwãy sən əssa vi əɗɗum na Yawe aka Babilon tay əknaha. Tay əkkpaŋgan dələv na Babilon təki məraygən məza ɗəf akan ɓa.

Yeremiya 51:37

Babilon wakkpaŋ va kiməskiya, təki nassa net wawayɗe, walaŋgəla məraygən nawɗi fofyoko akani gəm məza ɗiy addəvən ɓa.

Yeremiya 51:43

Walaŋgəleɗe gugriɗ nan arayaŋka, dələv mukuro yi akkpaŋgək təki warwarə, dələv məza dəf akan ɓa, məza məzutoŋ dəkan ɓa.