Isaya 13:18 - Bible en Guidar

¹⁸ Tay əŋgroɓnin gewleɗ dit herɗe; awlaŋ sãhã aka uwa na ɗəf titir ɓa, awlaŋ sasãhit kirin ɓa.

Isaya 13:18 ပူးပေါင်းရင်းမြစ်များ

2Milyeŋge 8:12

Hazayel amna: «Vimi daya naw adawhəm di?» Elisa azlan sən na: «Vi nəsənək mbərayən an kədawgəɗ sit mə Israyelɗe: wakəzle walaŋgəleɗe na korgu neti, wakəbey kirin gewleɗ net də masalam, wakəŋkin kirtit kirtiti, wakəbek gil net en də daway.»

2Alabaraɗe Də Mabərkiziti 36:17

Gəm əmpa aɗɗa ka məlĩ net mə kaldiyeɗ ambat əgay dənɗaŋ, abey ɗiy en gewleɗ net də masalam addəv gəla salala neti, dula səsãh wiyəŋ gawla ɓa, waŋ goruk ɓa, mazza may dəf məsɓan ɓa: mipsini yi pak ammba vani.

Gəlyaɗe 127:3

Kirni, əvəl na Yawe əŋgə, əfaɗ na iya na gədəv ɗəfi yi.

Isaya 13:16

Kawpiweti kirtit a ma hereti, kawsləpatni zəga səŋgil anetda, kawvoŋgiti gil net na gagayə.

Isaya 47:9

Zəgeɗ sules pak na: Əssa gagəbaya gəm wəssa məza kirin ɓa, warukun pay taka aka ma taka. Wazzoŋ akok də gbogboŋgo də kəsok də miha na guzliguzli gəm nawdap ɗəf diyɗa zlaŋgə.

Isaya 5:28

Herɗe nan mətakaɗani meti bəleɗe nan pak tahəŋ minslinti. Eperkeperke tilit pilseŋge net tay ɓəl va gərma, batam mawteɗ na pələs net va kəɓəs na vẽŋvil na buwnəŋgə.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 5:16

Gulom net tay va magamas məkol mani, ndəɗaŋ pak gəromɗe nalpaŋgə.

Yeremiya 50:30

Vini gewleɗ nan adaskotoŋ aket tiveɗi, məzəlpaŋ nan pak adamtaŋ dəpaska, Yawe aɗiymani.

Yeremiya 50:42

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Babilon.

Yeremiya 51:22

Də is nətiɓ zel dit gili, nətiɓ gewleɗ dit mezzeɗi, nətiɓ gewleɗ dit gorɗeŋge.

Yeremiya 6:23

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Siyon!

Ezekiyel 9:10

Naw pak nəwəl na sasãh ɓa, ɗəf tay nədappa ɓa; wanəslan sit zəga naɗɗa net aketi.»

Daniyel 7:5

Masula'ən na tay va zəga darawən adawyaŋ Ursə, asilik hoŋko'o zlaŋgat taka. Embehe hoku tahəŋ a mani, eŋgisl də slayni, yas məpel sən na, «Asili ampər slu diyɗa»

Nahum 2:1

Yuda, awle təl ɗəf məzutəl ma na wən neneke; əzzan dəket mossorgoɗe gugriɗe. Tay ətəlma na zazaya, aɗɗe wəzləreɗ noko, aknahaŋ an mok aynə! Vi məs mambray atoŋ na ɗah anokda əmpa ɓa, məzani kəkəɗə.

Nahum 3:10

Nan pak məsimgini na gəgayə, ambatək ka məfərsəna, mətekeɗti kirtin na gəba aket zlazlaŋgbray tiveɗ pakə, muwɗeketi ɗiy tektek nan də əɗɗa sletmayku aketi, gəm miyneti ɗiy gugriɗ nan dit ngiyamɗe.