Isaya 12:4 - Bible en Guidar

⁴ Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 12:4 ပူးပေါင်းရင်းမြစ်များ

1Alabaraɗe Də Mabərkiziti 16:8

Məɗi ki Yawe, miya iya nani, mərban an agəɗ naggət akan a weleŋgit ɗiyi.

1Alabaraɗe Də Mabərkiziti 29:11

Yawe, mẽmẽtiŋge, əɓapa, əkekeɓe'e, gagdaka, əkasaka, vi zəga na disiŋ də an naka dəlvafuŋ pak noki yi. Yawe istə məlĩ də gagdak aka zəga pakə.

Nehemi 9:5

Yaŋ mə Leviɗe Yosuwa, Kadmiyel, Bani, Hasabneya, Serebiya, Hodiya, Sebaniya, gəm Petaya aɓɗaŋ na: «Misili! Məsokon Yawe Maŋgəlva nokum pay pak hã faɗə!» Dəgagdakanən iya nok metiŋgin məs dəday ki əgagdakani gəm ki əɗikiya pakəŋka!

Gəlyaɗe 105:1

Məɗi ki Yawe, miya iya nani, mərban an agəɗ naggət akan a weleŋgit ɗiyi.

Gəlyaɗe 107:22

Dəzaɓaŋ-Maŋgəlva nawɗikiya, gəm dərbetin wəzeɗe nan də wəɗɗəla nanneke.

Gəlyaɗe 113:5

Naway va Yawe Maŋgəlva nam di? A disiŋ asan

Gəlyaɗe 148:13

Məɗi ki iya na Yawe, vi iya nan kaka' təɓel təɓeli, mẽmẽtiŋ nan azəmək məlĩ aka dəlvafuŋ də disiŋ.

Gəlyaɗe 18:46

Molhõyẽɗ addakaŋka, tahəŋ əgilyoŋ səddəv zlava nawɗam net də wəkkere.

Gəlyaɗe 21:13

vi wakərɓeheti, wakuhẽt herɗe nok aketi.

Gəlyaɗe 22:31

Mazlalwã tay nawgəɗ sən wəza sən Yawe; kawpeli wən nan sən sayit ɗiyi;

Gəlyaɗe 34:3

Də Yawe zu adannekke; ɗiy dəvoŋgənən kiyit waprəmnəni, wannekeŋgi:

Gəlyaɗe 40:5

Ənneki aza ɗəf məs dəppan əɗɗum nan aka Yawe, məza aket məsfərkeɗ ɓa, may awsler dit muwaŋ wən ɓa!

Gəlyaɗe 46:10

Aziwginik əgay səmmba dələv gboŋgu, aŋzluwək bəle nalpa, akployə̃k tulhõ, aɗi sitik offo sit mawteɗ nawgaya.

Gəlyaɗe 57:5

In tat a weleŋgit ɓooliɗe, ɗuffo, məzəmaŋ ɗiyi, sleyit tay va tulhõ gəm va herɗe, hərzlumit tay va masalam məs mani.

Gəlyaɗe 68:5

Miyə sən gəlya sən Maŋgəlva, məlvan iya nani; məkol tive sən məs dəsan kərəkka aka slaybuwna. Iya nan na: Yawe; mənneken zukum abani.

Gəlyaɗe 73:28

Əssa go'o də Maŋgəlva na, arya yi azawa; təki nawɗam naw na aza Yawe Maŋgəlva, vi kawpel aket wəzeɗe nok pakə.

Gəlyaɗe 9:11

En dəsənnən iya nok na, dəppanən əɗɗum net akoko, vi kazget məzukoyokun firik ɓa Yawe!

Gəlyaɗe 96:3

Mərban gagdak nan aweleŋgit ɗiy-ɗarə, sekeneɗ nan aweleŋgit ɗiy pakə!

Gəlyaɗe 97:9

Vi istə Yawe, Məsəɗəɗə naka dəlvafuŋ pakə, məzəm məlĩ hã sə disiŋ aket meŋgilveɗ pakə.

Əgilye 15:2

Gbogboŋ naw də gəlya naw na Yawe yi. Əkõh naw na Maŋgəlva yi. Wanəgagdakan Maŋgəlva net afiŋgiɗwa də wəɗi kini.

Əgilye 33:19

Amna: «Wanətoŋgən moggon naw pak dəboko, waniya iya na Yawe aboko, wanəɗɗa moggon naw aka ɗəf an nəŋgəl əɗɗa moggoni, wanula sasãh ɗəf an nəŋgəl nawla sasãhni.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 2:11

Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 2:17

Əkaɓ na ɗəf wazə məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 24:15

Vini adawgagdakanən Daya ammba pay nampum. Aket mətuwəraɗe na pehe, tahəŋ əya iya na Daya Maŋgəlva na Israyel.

Isaya 25:1

Yawe, istə Maŋgəlva nawa, wanərban gagdak noko wanətibiren iya noko. Vi kəgəɗək zəgeɗ naggət aketi. Ɓəlɓələŋ farə, aɓlaŋ ɓa.

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 33:5

Yawe metiŋgini vi a disiŋ asani aknahək Siyon də wədaw sarara gəm wəɗɗa təstəsə.

Isaya 42:12

Dəgagdakanən Yawe, dərbanən əɗi kiyən aket mətəwəraɗe.

Isaya 48:20

Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Yohanna 17:26

Nərban sitik iya noko, wanərban siti'e, vi əŋgla məs kəŋgəluwəŋ dəsangən addəvti, va nəsaw addəvti.