Isaya 11:9 - Bible en Guidar

⁹ Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 11:9 ပူးပေါင်းရင်းမြစ်များ

Ɗerewel na Yob 5:23

Vi wənmiyna tay aka walaŋguk dit gərmeŋge nawra, wakəsok məsleruk dit zəgeɗ nawra.

Gəlyaɗe 72:19

Soko sən iya nan gagdak hã faɗə! Dələv pak dəknah də gagdak nani! Dəsan vaska. Dəsan vaska!

Gəlyaɗe 78:54

Akek aka dələv nan salala, aka mossorgo metiŋ an van dəzəŋ amõhu.

Isaya 11:13

Asna kotorok na Efrayim wabaymani, məsərnən ma Yuda wazaŋgə Efrayim asan na də kotorok na Yuda ɓa, Yuda arəm na mama aza Efrayim ɓa.

Isaya 11:8

Wiyən məzuwaɗ wasmay ama vov na barway, wiyən muzliya waɓap əgul van a vov na barway.

Isaya 2:4

Wataw wən net ɗiy-ɗarə, wasan məzətər net ɗiy diyɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Isaya 30:26

Pay Yawe adaynan huwa net ɗiy nan, an anzeɗik huweɗi, təla wakasak va paya, ya pay wawiɗ təl buhul va əkeɗeɗe na pay təl buhul.

Isaya 32:16

Asna ədaw təstəs wasan a kapta-muyã təstəs wampə addəv guli net wəleŋɗe nawzəma.

Isaya 33:6

Əɗɗa moggon wasan zəga napsuk zazay addəv pay noko. Əssa də maɗɗula gəm əsəna, ərahiy addəv wəkõhõ; ageslne sen Yawe, aski əzaɓ noko!

Isaya 35:9

Aka tive vani, ɓoolu; zəga darawən, assoŋ na akan ɓa. Adaki ɗiy en Daya akõhgit adadawaŋgə.

Isaya 45:6

Mammba dələv baymani kawsənni na zəga tay mə balsu ɓa. Naw intə Yawe, tay mabərən əmpa ɓa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 65:25

Kəramuyã də wət time wataɗaŋ a təki taka. Ɓoolu də wasliya kevile adawzəmaŋgə. Burɗuk wasan zəga nawzəm na dohõ. Mambray də əza wassoŋ aka mossorgo salala naw ɓa Yawe anahə.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Ezekiyel 34:25

Waniynan sit wənmiyna na zazaya, wanətek zəgeɗ derewit səka dəlev vani, wassoŋ də gəla a kapta-muyã fendeŋge, waleŋgeŋ addəvit wəleŋɗe ŋgərəɓə.

Ezekiyel 47:5

Yaŋ aslə metər səkat sle' əmpa: adak na lolohõ məs nəɓap na əggar ɓa yi, vi iŋkile asəkəkaŋka: iŋkile noŋkoruŋ, lolohõ naggari ɓa yi.

Daniyel 11:45

Wampe gizlirkeɗe na məlĩ nan awaleŋgit peheɗ də mossorgo an salala, adaki əmta adawrəhən, wamtə məza ɗəf əbbah sən ɓa.

Daniyel 12:4

Isi Daniyel, arma əpelis haɗamə, atip ma ɗereweləska hã gap pay na əgrak adazzani. Ɗiy diyɗa wakayanən wekweki ya əsən wanzlərə.

Hose'a 2:18

Yawe aɗiyman na, pay nan watəyu na «zəlwa», watəyu ɗah əmpa na Ba'al nawa ɓa.

Habakuk 2:14

Vi dəlvafuŋ waknah də wəsən gagdak na Yawe, va iŋkile adaknəhnən pehe.

Zakarya 14:9

Yawe yi nawsan məlĩ naka dəlvafuŋ gboŋgu. Das na, Yawe yi təttaka kpesli, iya nan pak taka kpesli.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

1Tesaloniki 5:15

Məzi zukum ɗəf adamndan mambray də mambray sən ɗəf ɓa, ya məzban əɗɗa moggon pay pak a walaŋ zukum də azet ɗiy pakə.

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.