Isaya 11:4 - Bible en Guidar

⁴ Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 11:4 ပူးပေါင်းရင်းမြစ်များ

2Samiyel 8:15

Davit azəmək məlĩ aka Israyel baymani, Davit tay əɗɗa zəga də tiven gəm təstəs sit ɗiy nan pakə.

Ɗerewel na Yob 15:30

Wakõh səddəv guzli ɓa, kivan waŋkəl sən offo səmyã na bara Maŋgəlva wafu'o.

Ɗerewel na Yob 4:9

Sən əmpəs na Maŋgəlva azaŋgə, də səmyã na ədagədəv nani, agrakaŋgə.

Gəlyaɗe 110:2

Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

Gəlyaɗe 18:8

Yaŋ dəlvafuŋ aɓələ, akkeri; gabbet mossorgoɗe gugriɗe akkereŋke, aɓlaŋgək vi gədəvən adə.

Gəlyaɗe 2:9

Wakummis də zleŋge na təbza, va mesteɓe na dələv kədekrepti.»

Gəlyaɗe 76:10

pay Maŋgəlva asil nawtawwəna, kawkõhgit məsər met naka dəlvafuŋ pakə. Əziwe

Isaya 1:17

Məyagan əɗɗa moggoni, məkayan təstəsə, mətak ma məppət ɗiyi, məgəɗ təstəs sən mitiwe, mətərət gagəbaya.

Isaya 13:11

Wanəzga' sən ənziya egge aka mambray nani, aka mambray net məsdarawɗe. Wanəziwgin əɓaygən kiya net məzuzelenən ɗəfa wanəmtan ənnek net məsdarawɗe.

Isaya 14:30

Asna ɗiy en dəddakaŋ diyɗa wataɗaŋgə, ɗiy en dəssoŋ na sãhã waddoŋ əvoŋ kiyit foŋgo. Is hara na wanəzan slalwayuk də mayã, wanəbey ɗiy nok en dəppaŋ medereti.

Isaya 16:5

asna mazaŋga na məlĩ wasan ɓəl sən əɗɗa moggoni ɗəf təstəs zev Davit wasan akani, məsən ətawwəna, məzgə sləma aka təstəsə gəm məŋgəl an sarara.

Isaya 2:4

Wataw wən net ɗiy-ɗarə, wasan məzətər net ɗiy diyɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Isaya 26:6

Məzurayɗe dit ɗiy məddekit wandapanən ammba tilti.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 3:14

Yawe atoŋguk ətawwən aket ɗiy misɓet net ɗiy nani gəm deyeɗe: mənokumtə kəzletin megezlembirkeɗi; gəleɗe nokum tahəŋ mbe'mbe' də zəga an kəhalaŋ səvet məssehẽŋɗe.

Isaya 30:28

əmpəs nan tay va guzlo məknahən məzəgap ama wəla ɗəfa. Tay əzzan əgul ɗiy naket dəlveŋge də əɓlet na dərwa, gəm kawgul wawar nawza a met ɗiyi.

Isaya 30:31

Asiri wageslne' sən əprəm wəla Yawe gəm sən van də tandaŋ an adargani.

Isaya 30:33

Məkkpuɓtiŋ motoffoɗe dafsən a təki net ammba məlĩ vani məzaɓani, kpumi, sloproki diyɗa offo dit wəleŋɗe tahəŋ diyɗa əmpəs na Yawe tay va lolohõ na busuk məzuzla addəvən. Ndəni əmpəs na Yawe adawɗi offo, va offo məzuziya.

Isaya 32:1

Məlĩ nawzəm məlĩ təstəsə yaŋka; deyeɗe warbanən gagdak net də wədaw an dəslə.

Isaya 32:7

Məmak ɗəf na ərba nan mbərayni, tay əkay keket vi kawzet məssehẽŋɗe də əpel tepelke, də məssahã adawpel təstəs zlaŋgə.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 40:7

Kevile wakələ, əffuyo waɓətə, an əmpəs na Yawe affuk akani. Ɗiy pak vaskəŋ va kevile.

Isaya 49:2

Aɗɗak maw va masalam hoɓhoɓu aɗamawək də əɗup van akawa. Akkpaŋgawək va har mətakaɗ mani, aɗɗamawək addəv gulom nani.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Isaya 9:7

Daya azkanək əpel nan aka Yakob, yaŋ abət aka Israyel.

Yeremiya 33:15

Aka pay nani, dəpas na, wanəgilgin zeŋve na təstəs səza Davit, waɗɗa zəga də tiven təstəs aka dəlva.

Yeremiya 5:28

mikirit lokoɗok lokoɗoku. Akkaɗaŋgək ki meŋge na mambraya. Aɗɗaŋ zəga təstəs ɓa, azgaŋ sləma aka mitiwe ɓa, tay əɓayaŋ addəv əraha. Abbahaŋ sənən məzuray ɓa.

Hose'a 6:5

Vini yi nərge də met məskəleŋɗe, nəbey də əpel na mawa: wətawwən naw wagil pasakə.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Matiye 11:5

Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.

Matiye 5:5

Əzaɓ aket məs mekret zayə, vi Maŋgəlva wapsit dələv va anahə.

Wəza net Masləŋɗe 9:1

Ya Sawlu tay əzban əzəmgit sahã gəm əbey gewleɗ na Daya, yaŋ ambat aza daya net məsdəlveŋge.

2Korintus 10:1

Ya in Pol zək nawa, in tat əsɓokum də makra zazay gəm moggon na Kristu, in məs nədawɓegən kiyu an in tat də mənokum, ya ɓəl an ɓa' nan də mənokum.

Galatiyen 5:23

makra zazay, ərma zuko; zeŋvit zəgeɗ veskiski, mahenziŋ dətek ɓa.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

Titus 3:2

Adawpeleŋ mbərayən aka ɗəf ɓa, adawgayaŋ ɓa, dəssoŋ də maɗɗula, dərbanən əssa zay net abet ɗiy pakə.

Yakob 3:13

Ɗəf tay də maɗɗulan məzusən zəga awalaŋkum sa? Dərbangən də wənziya nan moggoni, də wəɗɗa wəza moggoni, də wəɓe'gən kizəni də maɗɗulani.

Hənhən 1:16

Ngərzleɗ tahəŋ buhul dəka van dəzəŋ kãwwã, masalam məs man sula agilik səmani. Haran əwiɗ va pay aka tataŋpaya.

Hənhən 19:11

Yaŋ nula disiŋ kollo, pələs babar tay adak ziwwe, ɗəf nakan dawyanən na ɗəf təstəs gəm gesiŋ. Tay ətawwən gəm əlpa va an dəslə.

Hənhən 19:15

Masalam məs man hoɓhoɓ tay əgilyen sə man kawzet ɗiy-ɗarə. Wazəm məlĩ aket də zleŋge na təbəza, waɗot uwa net wəleŋɗe na mbazla a təki nawɗotti, ndəni wədagədəv na Maŋgəlva məs dəsan məlĩ aka zəga pakə.

Hənhən 2:16

Aɗimarava kana, vas ɓa na in tat əzzaw abe aŋ siɗikke, wanəlpə dənɗaŋ dəndə masalam na mawa.