Isaya 11:12 - Bible en Guidar

¹² Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 11:12 ပူးပေါင်းရင်းမြစ်များ

Gəlyaɗe 107:3

en məs akkelet hã səket dəlveŋge, nammba pay nampum gəm na moskoyo, səkəla disiŋ gəm sə dohoŋ.

Gəlyaɗe 147:2

Yawe məs dərkan Yerusalem, wakkelet en məsimgit sə Israyel!

Gəlyaɗe 60:4

Kəɓlanək dəlvafuŋ, kəpɗakanka; atip əpɗak nani, vi tay əɓzla.

Gəlyaɗe 68:22

Ya Maŋgəlva wakrap kiyit məzuzelɗe nani, kiya məs muhur silipsilip məsan sən əbaygəbaya.

Isaya 11:10

Dəpaska, slalwãy Yesse yi nawsan va gabaga nawsən ɗiy azani, ɗiy naka dələv temtem wakayanəni. Təki nassa nan wasan də gagdaka.

Isaya 18:3

Ɗiy nammba dələv pakə, ɗiy en dəssoŋ aka dəlva, an məmpani gabaga nawsən dələv azan aka mossorgo metiŋ, kulanəngəni an məffoni mohõ kəprəməngəni.

Isaya 24:16

Mənam tat əprəm gəlya, əzzan sə metteɓ ma dəlva: Gagdak aza an Təstəsə! Naw nənahək hara na: naw məzaw nani, naw məzaw nani, əray akawa! Məzəmaŋ kiya tahəŋ əzəmaŋ kiya, əzəm kiya net məzəmaŋ kiya tay əzəm kiya.

Isaya 27:13

Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Isaya 43:6

Wanənah sən tapaslay pay na disiŋ na: dəppetgin ədda, sən dohoŋ na: Kətek ɓa. Məmilgit kirtu mezeŋgleket hã sə faraɗa, kirtu muguluŋgit sə təki dələv abaymani;

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 49:5

Ya kakaŋ na, Yawe apelke ndən məs dəzaɓu səddəvət maw ka gawla nani. Ka kawki Yakob azani, gəm kakkalan Israyel azani. Wanərah gagdak a mahara Yawe, Maŋgəlva yi gbogboŋ nawa.

Isaya 54:7

Addəv pay siɗikke, nəppokuko, ya wanətafuk də ulasahã akok diyɗa.

Isaya 56:8

Daya Yawe, məzəkkelet ɗiy mərɓehet na Israyel aɗiymani: nəkkeletik səkayə, wanəkkelet meɓirit əmpa.

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 60:4

Abbalan horok kiyuk tərwəslə, ya awla kirtuk pak tahəŋ əmilyoŋgu əkkal azoko. Tahəŋ əzzoŋ sə faraɗa, kirtuk muguluŋgit slək-slək a persleketi.

Isaya 62:10

Məgili, migil də memeŋgleɗe, məntar tive sit ɗiyi. Məziyani, məziyan tive, məkkpor gərmeŋge, məmpa gabaga na məlĩ abet ɗiyi.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Yeremiya 23:3

Naw wanəkkelet gilew naw an dəppaŋ səket dəlveŋge məs nətreyet adak pakə. Wanəmilgit a təki nawtaɗ neti, wawanən kiyti, wanzləraŋgə.

Yeremiya 30:17

Də adanzlaŋ vaŋvəl na: Siyon məzgani yi ɗəf tay məzukayan ɓa zlaŋ na, wanəɗɗa huweɗ nok dərmanəngən hereti, wanənzeɗ huweɗ noko Yawe aɗiymani.

Yeremiya 50:4

Əvoŋ nan aka pay dəpaska Yawe aɗiymani: Mə Israyelɗe dit mə Yudeɗ wazzoŋ matakə wadawaŋ də əhəma, wakayanən Yawe Maŋgəlva neti.

Yeremiya 51:12

Məslan zəga narba nawgay aka zlava na Babilon. Mənzlərgit məgaɗe, məziwgit məgaɗe Məzi məsekeɗeŋ təkiya. Vi Yawe aɗɗumuk əmpa aɗɗak an məs apel aket ɗiy na Babilon əmpa.

Ezekiyel 28:25

«Vaŋ Daya Yawe anahə: Pay nədakkelet mə Israyel sə weleŋgit ɗiy məs mətəraygit areti, wanərban salala naw aweleŋgit ama heret ɗiy-ɗarə: wassoŋ də gəla aka dələv neti, məs nəpsən məgəɗ wəza nawa, sən Yakob.

Hose'a 2:2

Mə Yudeɗ dit mə Israyelɗe wakkalaŋ sapə, waɗiyaŋ ɗəf taka aketi, wazəmən dələv vani. Vi pay na Yizrel wasan metiŋgini.

Sefanya 3:10

Sə dəgar kiyit məlpeŋge na Etiyopi, məzəkdukoŋ suwən en məs nətəraygiti, wakiyaŋ suwən əvəla.

Zakarya 10:6

Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Zakarya 8:7

Vaŋ Yawe Məzuɓappak anahə: In yakəŋ əkõhgit ɗiy naw səka dələv nammba pay nampum gəm na moskoyo.

Yohanna 7:35

Mə Yudeɗ anahaŋgək a walaŋ ziti: Aŋga adawmbat məɓap na ərəhən ɓaŋ di? Wambat azet ɗiy en dətərayaŋ a weleŋgit Grekɗe vi karban sit wən sa?

Əmsak aka Mahenziŋ 32:26

Nənah na: wanəzet ŋgo'sa, wanəvvuyon iya net səka dəlva.

Yakob 1:1

Ɗereweləŋka, in Yakob nəvere, intə məgəɗ wəza na Maŋgəlva də na Daya Yesu Kristu. Nəsɗetik mahəlfaɗe kəlaw kiyit sula məs dətrayaŋ ammba dələv pakə.

Hənhən 5:9

Yaŋ adawyaŋ gəlya meleketeni: Istə kəgap nawgəm ɗereweləŋka. Gəm nawhok tampoŋɗe nani, vi mətawni wəloko, kəmetik ɗiy sən Maŋgəlva dit mbel nok səddəv mahəlfa pakə, səddəv ma pakə, də zemvit ɗiy temtem pakə.

Hənhən 7:1

Dərɓaga aska, nəwələk maslayɗe poɗo ziwziw aka təkzləm dələv poɗogəni, tay ərmanən səmyã temtem poɗo naka dəlva, vi səmyã adaɓla aka dələv ɓa, aka pehe ɓa, mãy aka wəlaŋga taka dayday ɓa.