Isaya 11:10 - Bible en Guidar

¹⁰ Dəpaska, slalwãy Yesse yi nawsan va gabaga nawsən ɗiy azani, ɗiy naka dələv temtem wakayanəni. Təki nassa nan wasan də gagdaka.

Isaya 11:10 ပူးပေါင်းရင်းမြစ်များ

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

1Alabaraɗe Də Mabərkiziti 2:12

Bo'az bok Obed, Obed bok Yesse.

Gəlyaɗe 116:7

Naw wanəmbat addəv əffet nawa, vi Yawe agəɗ suwək moggoni.

Gəlyaɗe 145:11

Wapelnən wən na gagdak nawzəm məlĩ noko, wapeleŋ aket wəzeɗe na sləma noko,

Gəlyaɗe 149:5

Məs dətafaŋ dənnekeŋ də wəgagdakani, aket kukurɗe net nafna dayday dəɗɗəlaŋgə,

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Gəlyaɗe 91:4

Də deɗeken adawzaɓ təki nawɗam noko, wakəɗam ammba perslekeni. Gegesiŋ nan baray yi gəm lukut-na-təbzi.

Isaya 11:1

Gbugburzlo Yesse wandəfə, meggeɗe na slalwayən wawə.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 14:3

Pay Daya adapsuk əffet sədərɓaga tatwãh gəm əzəmsahã nok metiŋgini, gəm wəza ɓəɓəl na balam məs kəgəɗə,

Isaya 2:11

Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 28:12

Ndən məs dənah sit na: Aŋ təki naffeti; məppan ɗəf məyan dəffeti. Aŋ təki nasso kiyuk foŋgoy. Dəŋgəm əprəmən ɓa.

Isaya 42:4

Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 60:3

Asna ɗiy-ɗar wadawaŋ ara əkeɗeɗe noko, milyeŋge, ara təki kasakkasak nok adawdawaŋgə.

Isaya 60:5

Asna wakula, wakəwiɗi; wakənneken zuko, mokrok waknah də ənneke. Vi ərəh diyɗa na pehe, tay əzzan suko, arya nanet ɗiy-ɗar da wade suko.

Isaya 62:10

Məgili, migil də memeŋgleɗe, məntar tive sit ɗiyi. Məziyani, məziyan tive, məkkpor gərmeŋge, məmpa gabaga na məlĩ abet ɗiyi.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Haggay 2:9

Gagdak na gəlaŋka gəgaŋkəŋ waday ki an maddaabəŋ Yawe anahə, wanəɗi zazay naw aŋka Yawe Məzuɓappak aɗiymani.»

Zakarya 6:13

Ndəni narka Gəla na Yawe. Ndəni nawgul lukut na məlyã, wasan aka mazaŋga nan kawzəm məlyã. Məsdələv wasan aka mazaŋga nan tamə, wəsler na zazay wasan gərak a weleŋgit sulegiti.

Əŋɗa 10:33

Ndəɗaŋ mbat sə mossorgo metiŋ na Yawe, adawaŋ əvoŋ hoku, akoti na wənmiyna na Yawe ambatək abet aka wən na malaka na əvoŋ hoku vanəŋka, vi kawsən təki məs adawɓapaŋ ətehe.

Matiye 12:21

Ɗiy-ɗar waɗiyənən əɗɗum net akani.

Matiye 8:11

In tat ənah sukum: Ɗiy diyɗa wazzoŋ səmmba pay nampum gəm səmmba pay na moskoyo, wazəmaŋ də Abraham, Isak gəm Yakob addəv məlĩ na disiŋ.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

Yohanna 12:32

Naw an məslawi səka dəlvafuŋ na, wanətiɗ ɗiy pak azawa.

Wəza net Masləŋɗe 11:18

Adan aprəmən wənəska, ndəɗaŋ ɓatə, agagdakanən Maŋgəlva, aɓɗaŋ na: Vaski yi'e Maŋgəlva apsit tive sit ɗiy-ɗar dəɗiyaŋgən marava dərəhaŋgən zeŋgile!

Wəza net Masləŋɗe 28:28

Məsən kan na, əkõh na Maŋgəlva əŋ na, məslənni sit ɗiy-ɗarə, net na waprəməni! [

Ibriɗe 4:1

Adan aynan səmək man mətoŋgən addəv əffet nani, məzi səm zəm kana, vi ɗəf təttaka səmmbokum adawbew dawtoŋ ɓa.

1Piyer 5:10

Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.

Hənhən 22:16

Intə Yesu, nəslənək maslay naw dəpel sukumgən wənəs pakə, azet məkristu pakə. Intə əlfən Davit, intə baŋgay naba pumpum məzuwiɗe.

Hənhən 5:5

Yaŋ ɗəf taka səret ɗiy məsɓe anah su na: Kədawhəm ɓa, awla ɓoolu mahəlfa na Yuda, dəhən Davit nan askək wəla, waɓap əkol ɗerewel vani gəm əhok tampoŋɗe nan buhul.