Isaya 10:6 - Bible en Guidar

⁶ Wanəslən aket ɗiy mbəreyit ɗarə. Wanəɗi sən wən dəlgən aket ɗiy en məs gədəvu adawda aketi, vi dəmõhetgini dəɗɗagən popoho aketi, gəm dəndepetgin va adawndapan dələv aka tive.

Isaya 10:6 ပူးပေါင်းရင်းမြစ်များ

2Samiyel 22:43

Wanətakeɗ va burɗuk na dəlvafuŋ, va ndərɓa naka tive nədaŋkineti, nədapəɗoteti.

2Milyeŋge 18:25

Ya as lah na, Məza Yawe dənah su ɓa nəpeŋ wəlpa də təkiyəŋ gəm kawzan sa? Yawe zək nan dənah su na, dok aka dələv vani, azani!»

Isaya 19:17

Dələv na Yuda wasan ka nawgeslnegən Eziptə. Va pay məpel wən nan aban pakə, wakker vi an Daya Məzuɓappak aziwgin akani.

Isaya 22:5

Vi pay na gərəŋgi, nawzəmsãhã gəm na geslne na Daya Maŋgəlva Məzuɓappaki. Məɓzluni zlava vaŋvəl nabbah tay əŋzla aka mossorgo metiŋ, aka walaŋ na hənhən.

Isaya 24:5

Dəlvafuŋ arnokuk səmmbet ɗiy nakani, vi amzlahaŋgək səka an Daya ayagan siti akkaɗaŋgək ki mahenziŋ, apələnək wənmiyna, an dəsan faɗə.

Isaya 29:13

Daya amna: ɗiyiŋ tahəŋ əzzoŋ azaw də met ɗarə, də met adagagdakawən kaka'ə, mekret farafaray səzawa. Əgeslne adawgeslne suwənəŋ na mahenziŋ məs ɗiy ayegetini yi.

Isaya 32:6

Vi dərwa tay əpel na dərwa, makran aka mbərayni yi, kaɗɗa an dədah ɓa gəm kawran Yawe. Wappan ɗəf an də may addəv maya, watak məs meme adawdaŋ dawsa iŋkile.

Isaya 33:1

Əray wasan suko, is məzan zəga pakə məza nan məzani ɓa məzəm kiyit ɗiyi məza məzəmni kiyən ɗah ɓa! An kəgrakək əraygən zəga na, kawrayguki tamə. An kəgrakək əzəm kiya, kawzəmni kiyuk tamə.

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 41:25

Sə tapaslay pay kəla disiŋ nəsilginik ɗəfa, tay əgapa. Sədəmmba pay nampum, niya də iya nani. Tay əndepet deyeɗe va ndərɓa, awaniɓa, va məzərka adawɗan dəlva.

Isaya 49:17

Kirtuk tahəŋ əzzoŋ də kakara, ɗiy en dəbzlukuni, gəm ɗiy en dəraygukuni, waddoŋ faraɗa səzoko.

Isaya 49:25

Ya an Yawe anah yaŋka: Kawmõhni ɗəf məs gbogboŋ arəmə, ərah na məs gərom wakõhu wanəgay də məzugay də isi, wanəkõhgit kirtuko.

Isaya 5:25

Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Isaya 5:29

Ɗəf əprəmən na va əhəm na ɓoolu, tay əhay va əhəm net kirtin ɓoolu mugolun aka zəga nazəm neti tay əkanəni, məza ɗəf ətafən ɓa.

Isaya 5:5

Kakaŋ na, wanənah sukum an nədagəɗ sən guli net megezlembirkeɗ nawa: wanətor mambara nani, kawtaɗni yi. Kawtilikeni mambara nakani, kawndapani yi.

Isaya 63:3

Takərgu nəndepet a mosgoyo, məza ɗəf taka səweleŋgit ɗiy azaw ɓa. Nəndepetik addəv ədagədəv nawa, gəm nəmbresletike ammba təlu addəv gagay nawa. Mbel net asoyuk azet lukutɗe nawa, nərge'etik zəgeɗ nawgul naw pakə.

Isaya 63:6

Addəv ədagədəv nawa nəndepetik ɗiyi, nərbəsitik wil addəv gagay nawa, nəggbo'ik mbel net afuŋgu.

Isaya 7:17

Daya waki pay na tatwãh akoko, aket ɗiy noko gəm aka gəla na afuko hara, zeŋvin dəgəɗ ɗah ɓa daga məlĩ na Efrayim arsla kiyən səza Yuda. Waɗɗa də va məlĩ na Asiri.

Isaya 8:4

Vi tak wiyən van dəsəngən ənah na əbba awaniɓa əmma na, kawkani arya na Damas gəm ərah səma əgay na Samari sən məlĩ na Asiri.»

Isaya 8:8

Wagul Yuda, wasulup sulupu, wagap hã aza wəla ɗəfa. Persleken məpparən watəsl slosloprok na dələv noko, Emanuwel.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Isaya 9:19

Tay ətawaŋ səka dəzəŋ, may dəppan ədet ɓa; tay əzəmən mbərən naka vet zlaɓay, ya awbaŋ ɓa. Naway pak tay əmpər meggeni:

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 3:10

Də as pak na Yuda hinzere məlmən dəmil azaw də makran taka ɓa, də əwa wən kaka'ə hara, Yawe aɗiymani.

Yeremiya 34:22

wanəɗi sit wən nani, wanəki aka walaŋgəla-metiŋginiŋka, wagayan dəndəni, wamõhuni gəm waɗisənən offo, wanəkkpaŋget walaŋgəleɗe gugriɗ na Yuda va kapta məs ɗəf awsan adak ɓa Yawe aɗiymani.

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Ezekiyel 29:20

Sən iya na wəza nan an agəɗə, wanəpsən dələv na Eziptə, vi ndən də ŋgaɓa nan aɗɗaŋ səwənək wəza. Daya Yawe aɗiymani.

Ezekiyel 38:12

Vi kawnda ərəh na ma əgaya gəm kappohon an nappoho. Kakkpaŋgan vok aket ɗiy dəssoŋ aket kiyməskiyɗe gəm aket ɗiy məkkelit səret dəlveŋge na guw temtemi məs dərahaŋ gazlaŋɗe dit aryeɗi, dəssoŋ aka marba dəlva.

Ezekiyel 38:13

Saba, Dedan, məmanən vet na Tarsis dit gawla ɓooliɗ na maŋgava go'o pak wanahaŋ sukun na: Vi kawnda ərəh na ma əgay kəde sa? Kaɗɗa popoho aka an nappohon kəkkelet ɗiy nok sa? Kawgəm təbəz babara, meleŋge, kawnde gazlaŋɗe də arya gəm kawnda ərəh na ma əgay diyɗa sa?

Mika 7:10

Məzuzelu wawla wil wadanəni, ndən mənah su wən nak na: Aŋgay Yawe Maŋgəlva nok di? Haraw wawla kawndapani kakaŋ ammba təl ɗəf va ndərɓa aka tive.

Habakuk 1:12

Gala də ətəŋga, istə Yawe nawa, Maŋgəlva naw gəm Salala naw ɓa sa? Məmtə na ɓa! Yawe, kəɗi na kawtaw wəni; kəɗi milɓe na, sən kazga'i.

Zakarya 10:5

Wassoŋ va gambereɗi, məndapanən ndərɓa aket tiveɗ də əlpa. Walpaŋgə, vi Yawe tay dənɗaŋ, ɗiy dəpeŋgeŋ aket pilseŋge warbaŋ wili.

Matiye 15:7

Məs muluvuluvuɗe! Təstəsi Isaya agəɗ kəleŋ akokum, də wənəh na: