Isaya 10:32 - Bible en Guidar

³² Dəpaska'a məzuzel adawziw a Nob. Waslan van, van kətəmkətəmə vi karma mama azat waŋ na Siyon, mossorgo na Yerusalem.

Isaya 10:32 ပူးပေါင်းရင်းမြစ်များ

2Alabaraɗe Də Mabərkiziti 32:1

Sə dərɓeget alabaraɗe gəm wən moggonəska, Senakerib məlĩ na Asiri payə, ade a Yuda, ampa dibirgidik nan nawgay dit walaŋgəleɗe gugriɗ na korgu, aɗi wən nabzliwti.

2Alabaraɗe Də Mabərkiziti 32:2

Adan Hizkiya awla na, Senakerib ade na kawgay də Yerusalem iyi

Nehemi 11:32

a Anatot, Nob, Ananiya,

Isaya 1:8

Walaŋgəla-metiŋ na Siyon dəpəl kaka'ə va guɗuk addəv guli net megezlembirkeɗi, va gizlirke addəv guli net tessekeɗi, va walaŋgəla-metiŋ məsərŋgəslən.

Isaya 10:24

Sən aski Daya Maŋgəlva Məzuɓappak anah na: Ɗiy naw məs dəssoŋ a Siyon, kədawgeslne'eŋ sən Asiri ɓa, tay əvəruk də tandaŋ, tay əslan zleŋge nan akok va net mə Eziptiɗ lahəŋka.

Isaya 10:31

Madmena atərayka, ɗiy na Gebim tay əkayaŋ təki nawɗama.

Isaya 11:15

Yawe wakkpe' iŋkile na heleleŋ na pehe na Eziptə. Addəv gagdak nawda gədəv nani waɓlan van aka məlpa, warslan ka lolohet buhul waɗɗa ka ɗəf dəkkaɗgən dit hensek aka tələn palpalə.

Isaya 13:2

Aka mossorgo metiŋ pəh-pəh, məmpa gabaga na dəlva məslan wəlokum məye, məhevet də vokum vi dəzzoŋgən amaddambet ɗiy tekteki.

Isaya 16:1

Məslən ndargayãk sən daya na dələv hã sə Sela də kapta-muyã, aka mossorgo nat waŋ na Siyon!

Isaya 19:16

Pay dəpaska, Eziptə wasan va gili; wakker kpokpo an Daya Məzuɓappak aslanək van də əɓlan akani.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 29:2

Wanəsər ma Ariyel. Ənɗəs də əhəm dədawsan addəvən, wasan su va Ariyel, va ənah na gazway napsa slu aka təki nawzaɓ-Maŋgəlva.

Isaya 37:22

Aŋki an Yawe apəl akani: Waŋ gbuɓɓo na Siyon tat əzeloko, tat əmas akoko Senakerib, Yerusalem tat əɓlan kiyən galagala dərɓogoko.

Isaya 8:8

Wagul Yuda, wasulup sulupu, wagap hã aza wəla ɗəfa. Persleken məpparən watəsl slosloprok na dələv noko, Emanuwel.

Yeremiya 6:23

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Siyon!

Mika 1:9

Vi huwa nan anzaɗ na ɓa, anzlərgənək zən hã a Yuda arəŋgənək maddambet ɗiy nawa agapək a Yerusalem.

Zakarya 2:9

Yawe aɗiyman na: Naw wanəsaw ka zlava na offo kiyən tərwəslə, wanəkkpaŋ ka gagdak addəvni.»

1Samiyel 21:1

Yaŋ asil ambatə, Yonatan tam amə'ək a walaŋgəla-metiŋ.

1Samiyel 21:2

Davit ambatək a Nob, ana məsdələv Ahimelek da. Ahimelek makran zlah də ələmsən Davit, yaŋ amna: «Vimi kəde takərguk vaŋ məza ɗəf də is ɓaŋ di?»

1Samiyel 22:19

A Nob, walaŋgəla-metiŋ net məsdəlveŋge, abeyik zeli, gili, kirin dit mepriŋgeɗi may wasliɗe, korɗe dit timeŋgiɗ də ma masalam.

1Samiyel 22:9

Do'ek mə Edom dəsan ziwwe azet gewleɗ na Sawlu azlanəka, amna: «Nulak wətən Yesse əzzan ana Ahimelek, wətən Ahitub da, a Nob.