Isaya 10:20 - Bible en Guidar

²⁰ Pay dəpaska, en dəndəwəɗaŋ a Israyel gəm en dəkohõŋ siddivit ɗiy na Yakob, wappanən gabba ərma vet aza ɗəf an dədawvirti. Aza Daya Maŋgəlva Salala na Israyel adarmanən vet kpakə.

Isaya 10:20 ပူးပေါင်းရင်းမြစ်များ

2Milyeŋge 16:7

Akaz aslən ɗiy aza Tiglat-Pileser məlĩ na Asiri, kawnah sən na: «Gawla nok nani, wutuk nani'e; ade ətəru səva məlĩ na Aram, də an na Israyel, dədawsilyoŋ akawa!»

2Milyeŋge 19:31

Ɗiy dəppaŋ wagilyoŋ sə Yerusalem gəm en dəndəwəɗaŋ aka gərəm na Siyon. Aski Yawe adaɗɗa addəv əŋgla nani.

2Alabaraɗe Də Mabərkiziti 14:11

Yawe arbə sitik mə Etiyopiɗe səba Asa dit mə Yudeɗi, yaŋ mə Etiyopiɗe anzoŋgu.

2Alabaraɗe Də Mabərkiziti 28:16

Aka pay dəpas na, məlĩ Akaz aslənək azet milyeŋge na Asiri əŋgla əbbaha.

2Alabaraɗe Də Mabərkiziti 28:20

Tilgat-Pilneser, məlĩ na Asiri, pay kərok sən Akaz, man hãs əndan məza əbbah sən dərəŋ ɓa.

Ezra 9:14

waməmndam ətəŋ əggar kiyit mahenziŋɗe nok, kawkay gil aka walaŋgəm dit ɗiy daryawɗeŋ əmpa sa? Kəki na herɗe akam, ka kawzam məza mbəksa taka dayday ɓa sa?

Isaya 1:9

Va Yawe Məzuɓappak dəpəl səm ɗiy en dəndəwəɗaŋ ɓa na, kəta məkkpaŋgək va Sodom, kəta waməgil va Gomorra.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 11:16

Vasna tive tay abet ɗiy nan dəppaŋgə, en dəppaŋ a Asiri, va appaŋ lahəŋ a Israyel gala adawgilyoŋ səka dələv na Eziptə.

Isaya 37:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlyã, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 6:13

An taka dayday səret ɗiy kəlaw en dəssoŋ adak apəlka, wazlə aka offo. Va Korvoŋ gəm va terebentə məbilti məs gebbet dəmbərə, Gabban van hara na zeŋve salala yi.

Yeremiya 3:23

Gesiŋ, matuyaɗe naket mossorgoɗe, də gogoyo naket mossorgoɗe gugriɗ ambəɗaməka. Gesiŋ aza Yawe Maŋgəlva nam əkõh na Israyel asani.

Yeremiya 44:14

Səmmbet ɗiy en dəppan mederet na Yuda məs dəzzoŋ əsso aka dələv na Eziptə, ɗəf tay nawkõh kazzo aka dələv na Yuda məs adaɗɗumoŋ nawmilyeŋ kasso adak ɓa, vi amilyoŋ na ɓa abbər ɗiy en dəndəwəɗaŋ ɓa.

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.

Mika 5:3

Wasili, wateɗ timeŋgiɗ nan də gbogboŋ na Yawe, də gagdak na iya na Yawe Maŋgəlva nani. Wassoŋ zay vi kawsənni mẽmẽtiŋ nan hã gap meŋge na dəlvafuŋ.

Sefanya 3:13

Madambirgit mə Israyelɗe aɗɗaŋ na ɗarɗar ɓa; awaŋ na wən əmpa ɓa, akolnən na met nawwa wən ɓa; waɓap əzəmaŋgə, waffeteŋ məza ɗəf əgeslne'git ɓa.