Isaya 10:17 - Bible en Guidar

¹⁷ Əkeɗeɗe na Israyel, wakkpaŋ offo; Maŋgəlva salala wakkpaŋ hərzləm offo wazle gəm waterne tintifɗe dit degirgeɗ nan, aka pay taka,

Isaya 10:17 ပူးပေါင်းရင်းမြစ်များ

Gəlyaɗe 18:8

Yaŋ dəlvafuŋ aɓələ, akkeri; gabbet mossorgoɗe gugriɗe akkereŋke, aɓlaŋgək vi gədəvən adə.

Gəlyaɗe 21:9

Vok warme məzuzelɗe nok pakə, vok dəzəŋ warme məzuzelokuni.

Gəlyaɗe 27:1

Səza Davit. Yawe yi əkeɗeɗe nawa gəm əkõh nawa, sən nawa nədawgeslne' sən di? Yawe korgu na zeŋgilewi yi, geslne sən nawa adarmu di?

Gəlyaɗe 50:3

«Maŋgəlva nam dəde, adawɓəta ɓa!» Offo tay ələkat təki səbani, barkataŋ tahəŋ kiyən tərwəslə.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Gəlyaɗe 97:3

Offo tay ədaw abani, tay əzim məzuseɓɗe nan dətərwəsləni.

Isaya 26:11

Yawe, vok tay tiliwwe aka ərga, ya awlanən ɓa. Wil wadenin dawla əŋgla nok kiyuk boŋ viyit ɗiy noko! Offo dətarne məseŋgiɗko!

Isaya 27:4

Nəppanək ədagədəv akani, ya an nərahək degirge dit tintifɗe addəv əgay na! Wanədaw aketi, wanəzle sapə.

Isaya 27:7

Argek ɗiy nan va arge ɗiy en dərgenin sa? Awaniɓa, abeyik va abey ɗiy en dəbeynin sa?

Isaya 30:33

Məkkpuɓtiŋ motoffoɗe dafsən a təki net ammba məlĩ vani məzaɓani, kpumi, sloproki diyɗa offo dit wəleŋɗe tahəŋ diyɗa əmpəs na Yawe tay va lolohõ na busuk məzuzla addəvən. Ndəni əmpəs na Yawe adawɗi offo, va offo məzuziya.

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 31:9

Məzəmpəsən ɓəɓəl wanzan sən gəslne, məs dəmpanən tilit wanzoŋgu, deyeɗe wakkereŋ sən gabaga narban dələv azani. Yawe aɗiymani, ndən məs offo nan mərman a Siyon, offo məzuzla a Yerusalem.

Isaya 33:12

Ɗiy wassoŋ məhhətit va ɗama, degirgeɗ məbilit wazlaŋ akoffo.

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 37:23

Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.

Isaya 37:36

Maslay na Yawe argak dibirgiɗik na Asiri, abeyik ɗiy gabal səkat də kaklaw dodopoɗo kiyit sle'i. Səza addaŋgə, ɗiy asilyoŋ na, təki pak kigəbayit ɗiy mimtiti.

Isaya 47:14

Awle, wassoŋ va kevile: offo wazle, akõhoŋ na səma hərzlum offo ɓa. Slayoffoy a gulo nawda zəga akan may nassa əluhun ɓa!

Isaya 60:19

Pay dədawsan suk ka əkeɗeɗe na kapay əmpa ɓa, dəfəɗa, təla yi nawiɗ suk ɓa, Yawe yi nawsan suk əkeɗeɗe pay pakə Maŋgəlva nok dədawsan gagdak noko.

Isaya 66:24

Wagilyoŋ vi kawla kigəbeyit ɗiy məs dətemeŋ akawa. Tava məs dəzime amtə na ɓa, offo net amtə na ɓa. Wassoŋ ka zəga daryaw viyit ɗiy pakə.

Isaya 9:18

Addəv herɗe na Yawe Məzuɓappak, dələv azləka; ɗiy tahəŋ va zəga nawzəm na offo: ɗəf tay dədappan məlmən ɓa.

Yeremiya 4:4

Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Sefanya 1:18

Təbəz babar də meleŋge net aɓap na əkõhgit ɓa, pay net herɗe na Yawe gəm pay na sələh nani dəlvafuŋ bayman wazlə; vi wazan zəga pakə, sesel zəga naw geslne' səni, wagəɗ aket ɗiy nammba dələv pakə.

Zakarya 12:6

Pay nan dəpas na, wanəkkpeŋget ɗiy na Yuda va kasli noffo məsɗan addəvit wəleŋɗe ŋgərəɓə, vit va offo mətalən addəvit maŋgavɗe. Wazimnin ɗiy dətərwəslaŋ kiyiti, dəka dəzəŋ gəm dəka zlaɓay pakə. Ɗiy wassoŋ a Yerusalem əmpa a gəlet va lahəŋka.

Əŋɗa 16:35

Offo məs Yawe agilgin azlzlirik zel səkat sula də kaklaw sle' məzu təlnən zəga məzəffok neki.

Matiye 3:12

Tekpesle nawseŋger zəga tay avani, wafaɗ kelle nani. Wakkalan hay nan a maha, ya keselme na, wazle də offo an məza amta ɓa.

Əmsak aka Mahenziŋ 4:24

Vi Yawe Maŋgəlva nok, offo məzuzlay yi, Maŋgəlva məskotoroki yi.

Ibriɗe 12:29

Vi Maŋgəlva nam offo məhhət zəga yi.

Hənhən 21:23

Wəray tay na paya awaniɓa na təla ɓa, vi dəkasakgən a walaŋgəla nan ɓa, ndargayã na Maŋgəlva yi lalam na walaŋgəla nani.

Hənhən 22:5

Dəfəɗ tay adak ɓa, wəray tay na lalam adak ɓa, awaniɓa na pay ɓa, vi Daya Maŋgəlva sən kiyən wasan əkeɗeɗe neti. Wazəmaŋ məlĩ hã dudan.