Isaya 10:12 - Bible en Guidar

¹² An Daya agrakək wəza nan pak aka mossorgo na Siyon gəm a Yerusalem, wakkpaŋ aka məlĩ na Asiri, aka va adattəman a makran nawslan kizəni gəm aka ula neŋgres nani.

Isaya 10:12 ပူးပေါင်းရင်းမြစ်များ

2Milyeŋge 19:31

Ɗiy dəppaŋ wagilyoŋ sə Yerusalem gəm en dəndəwəɗaŋ aka gərəm na Siyon. Aski Yawe adaɗɗa addəv əŋgla nani.

Gəlyaɗe 18:27

Də ɗəf salala, salala kənani; də ɗəf an slokorslokoru, is tat ərban na slokorro kənani.

Gəlyaɗe 21:10

Wakəzle pay kədarban zuko. Yawe wasɗik də wədagədəva, offo wazəme.

Gəlyaɗe 76:10

pay Maŋgəlva asil nawtawwəna, kawkõhgit məsər met naka dəlvafuŋ pakə. Əziwe

Gəlyaɗe 76:5

Is tat iwiɗe, gədak kənan, daykiyit mossorgoɗe gugriɗ hã sete!

Wənməkkpaŋga 21:4

Ula nawkaɓa, makra na kiɓəɓəla, ndəni lalam net məsdarawɗe, as pak mambrayi.

Wənməkkpaŋga 30:13

Sayit ɗiy tay məɗinən ki zit diyɗa, ulenin ɗiy pak guffo azeti.

Isaya 2:11

Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 2:12

Vi pay tay Yawe Məzuɓappak adawɓegin məɓaygən kiyzən gəm məzula zəni. Wasil sən məslan kiyən vi kawɓegəni.

Isaya 24:21

Pay dəpaska, Daya watawwən net məzəlpaŋ na disiŋ a disiŋ, wən net milyeŋge naka dələv aka dəlva.

Isaya 27:7

Argek ɗiy nan va arge ɗiy en dərgenin sa? Awaniɓa, abeyik va abey ɗiy en dəbeynin sa?

Isaya 27:9

Vi vaski mambray na Yakob arah əvvuyo, pay məvvuyon sən mambray nani: kawpuhti gərmeŋɗe na matuya pak va gərmeŋɗe na ɗama, kakrapni Astera gəm təki nawzla tursan.

Isaya 29:14

Vini kana, wanəzban əɗɗe sekeneɗ naggət aket sit ɗiyiŋki sekene aka sekene. Vi maɗɗula net məsmaɗɗulet dəzəgəni, əsən net məs əsən aket dəɗamgəni.

Isaya 33:1

Əray wasan suko, is məzan zəga pakə məza nan məzani ɓa məzəm kiyit ɗiyi məza məzəmni kiyən ɗah ɓa! An kəgrakək əraygən zəga na, kawrayguki tamə. An kəgrakək əzəm kiya, kawzəmni kiyuk tamə.

Isaya 37:23

Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.

Isaya 37:29

Adan kədəkgədəv akawa, əkaɓ nok aprəmək a sləmawa, asna wanəgul ogono naw a məŋkunko gəm helze naw a moko wanəmndogok dəka tive an kəde akani.

Isaya 5:15

Vi vaski, ɗəf pak wappu'u ɗəf pak waɓe'i. Məzəɓaygən kiyzən waɓegin harani.

Isaya 50:11

Nokum, mənokum məs kəsɗanən offo pakə, kəziweŋ vender-vender dit offoɗe mətelti, məddoŋ a gulo na offo nokum, gəm a təki kətalən offoɗe. Də vawi as van agəɗ akokum; wakəmtaŋ addəv əzəmsahã.

Isaya 65:7

Nənɗanək heslepe neti gəm heslepe net efiŋgiɗit sapə Yawe anahə, ndəɗaŋ məzuzlaŋ tursan aket mossorgoɗe tahəŋ əmasaŋ akaw aket mossorgoɗe gesiŋ wanəfə̃h an na makraw pakə wanəpsit meŋgesl wəza net dətoŋgu.

Isaya 9:9

menekeɗe ɗar dəbzlaŋgə, waməmsak ərkan dit gərmeŋge məslmeti! Məbiltiŋ korvoŋɗe waməddiɗet dit muguguleɗ na Liban!

Yeremiya 25:29

Vi dəka walaŋgəla-metiŋ naw nədawtəŋ əki tatwãha, ya nokum na wakəkohoŋ sa? Kəkõhoŋ na ɓa vi in tat iya masalam aket ɗiy pakə Yawe Məzuɓappak aɗiymani.

Yeremiya 50:18

Vaŋ Yawe Məzuɓappak Maŋgəlva na Israyel anahə: In yakəŋ əsilyew aka məlĩ na Babilon gəm aka dələv nan va nəsil aka məlĩ na Asiri.

Yeremiya 50:32

Məkkeshara ataŋgbayka yaŋ askotu; ɗəf tay nawsilgin ɓa. Wanəɗi sit offo sit walaŋgəleɗe gugriɗ nani, wazəm təki kiyən tərwəsl pakə.

Ezekiyel 31:10

Vini yi, Daya Yawe anah vaŋka: Vi aɓayək ləkləkə, metteɓeren asan daykiyit wəleŋɗe gəm adawkaɓ vi əɓay nani,

Ezekiyel 31:14

Agəɗ vas na vi wəlaŋga məsə iŋkile adawɓay hara dadwar kiyən dətoŋgən addəv slaybuwən, ka kawɗi kiyzən aket wəleŋɗe meɓɓet ɓa. Vi ndəɗaŋ pak məɗiyit sən əmtay ammba dəlvafuŋ, a walaŋgit ɗiyi, azet məziprikeŋ a vovu.

Daniyel 11:45

Wampe gizlirkeɗe na məlĩ nan awaleŋgit peheɗ də mossorgo an salala, adaki əmta adawrəhən, wamtə məza ɗəf əbbah sən ɓa.

Əŋɗa 24:24

Bəlayɗe yeŋ sə Kitim. Wazəmgənən sahã na Asiri, wazəmgənən sahã na Eber; net van zlaŋ əza adoddoŋgu.»

Matiye 12:33

An wəlaŋga moggoni, uwa nan wasan moggoni. An wəlaŋga moggoni ɓa, uwa nan zlaŋ wasan moggoni ɓa. Aza uwa nan adawsənən wəlaŋga.

Matiye 15:19

Vi sə makra ɗəfi, əɗɗumɗe mbəreyti, əbay gəbaya, əku a gizbe, polkoyo, əhãla, uwawəna gəm əpel mbərayən aket ɗiy adawgilyoŋ.

Əmsak aka Mahenziŋ 32:27

Nəgeslne na, vi ma totroŋ net məzuzelɗe yi, adawmasaŋ akaw əmpa. Məzuseɓɗe net adaɗɗumoŋ a mekret kawnahaŋ na: gbogboŋ na vam dəɗɗa wən vani soko, Yawe dəɗɗa ɓa!

1Piyer 4:17

Vi pay agapək məs ətawwən adawtəŋ də gəla na Maŋgəlva. Ya an atəŋgək də mənam na, mbari əgrak net ɗiy məs dətafən Wən Nenek na Maŋgəlva ɓa di?