Isaya 1:7 - Bible en Guidar

⁷ Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 1:7 ပူးပေါင်းရင်းမြစ်များ

2Alabaraɗe Də Mabərkiziti 28:5

Ndəni Yawe Maŋgəlva nan apsən ammba va məlĩ na Aram, aska wəlani, arəm ɗiy nan diyɗa ka belemɗe, ake a Damas. Məppani ammba va məlĩ na Israyel əmpa'e, arban sən zəga naddəv torsoku.

Gəlyaɗe 107:34

dələv məs ba'ar ka təki mukuro, vi mbərayən net ɗiy nakani.

Gəlyaɗe 107:39

Arreheŋ gəm adarbaŋ wil na sən tatwãh gəm sən əzəmsãhãy yi.

Gəlyaɗe 109:11

kəta məs dəmən nan dərma arya nan pakə, kəta ɗiy ɗar dəllamnən ərəh nani.

Isaya 1:8

Walaŋgəla-metiŋ na Siyon dəpəl kaka'ə va guɗuk addəv guli net megezlembirkeɗi, va gizlirke addəv guli net tessekeɗi, va walaŋgəla-metiŋ məsərŋgəslən.

Isaya 3:8

Vi Yerusalem askotko, Yuda aɓəslka. Əpel neti gəm wəza neti əɓoŋgi aba gagdak na Yawe.

Isaya 34:9

Lolohẽɗ nan wakkpaŋgaŋ ndərɓa, burɗuk nan wakkpaŋ busuku. Dələv nan wakkpaŋ ndərɓa məzuzla,

Isaya 49:19

Dələv məɓzluwən məpiweni gəm mərayguk kənani. Wakəsok russo kakaŋ viyit ɗiy nani, ɗiy məzuzokun waddoŋ faraɗa.

Isaya 5:17

Kirtit timeŋgiɗ wataɗan addəv wəɓzla nan va təki nawtaɗ neti, gilew məzgileɗi, warahaŋ an nawtaɗ adaka.

Isaya 5:9

Nəprəmək Yawe Məzuɓappak na, gegesiŋ gəleɗe diyɗa wassoŋ miɓzluti, gəleɗe gugriɗe gəm təki lalawɗe nassa wassoŋ məza ɗəf ɓa.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Isaya 60:15

Nazga kənan kəta, nawzele ɗəf atoŋ na dəkok ɓa. Ya wanəɗiyuk addəv ənneke, wakəsok təki nannek hã faɗə.

Isaya 62:8

Də dəzəŋ nani, də va gbəgboŋ nani Yawe aswayək na: Nipsit na haykəmari nok ka zəga nawzəm net məzuzelɗe nok əmpa ɓa; molhõyeɗ asaŋ na mbazla na meketepe nok məs kəyə vinəŋ ɓa.

Isaya 64:10

Gəla Salala nam məs may efiŋgiɗim agagdakokun addəvən offo azəməka. Ya zəgeɗ na sləma pak arayaŋka.

Isaya 9:18

Addəv herɗe na Yawe Məzuɓappak, dələv azləka; ɗiy tahəŋ va zəga nawzəm na offo: ɗəf tay dədappan məlmən ɓa.

Isaya 9:5

Vi məwəsəmi wiyna, məpsəmi wiyin mizilin. Gagdak na məlĩ tay akani. Kawyani də iyaŋka: Məzusəɓ sən ɗəf va ndən tuwãhə, Maŋgəlva gbogboŋgo, afən an faɗə, Daya na zazaya.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 44:6

Ndəni herɗe naw gəm ədagədəv naw afyohoŋgu, azlenin walaŋgəleɗe na Yuda dit tiveɗ na Yerusalem akkpaŋgaŋ kiməskiya, mbəreyit va dəpaŋkəŋka.

Yeremiya 6:8

Ataf əzga'a Yerusalem, vas ɓa na wamuɗakə vi nədakkpoŋgok va ki kapta, dələv məs ɗiy tahəŋ akan ɓa ɓa.

Yeremiya 7:34

Wanəɓətgən gəlya nanneke gəm nawbabyakan zə ɗəf sə waleŋgit gəleɗe gugriɗ na Yuda gəm səket tiveɗ na Yerusalem gəm gəlya net kirin dəgəmən ziti, vi dələv wasan kiməskiya.

Əɓuhma 5:2

Məpsiti arya nawray nam sit ɗiy-ɗarə, ya gəleɗe namə, sit ɗiy-ɗarə.

Ezekiyel 25:4

Vini, in yakəŋ əpsukuk sit ɗiy nammba pay nampum ka neti, waziynin dibirgidikɗe net anokda, warkenin gəleɗe net anokda, ndəɗaŋ dədawzəmnən zəga na mabardaw noko, ndəɗaŋ dədawsanən moŋvo noko.

Ezekiyel 30:12

Wanəŋkəlu məslereɗe na Nil, wanəvəl dələv sit məsdarawɗe, də vet molhõyẽɗ nədawraygən dələv də zəga an dəknəha. In Yawe tə nəpeli.

Hose'a 7:9

Molhõyẽɗ azəmənək gbogboŋ nani, nan awsənən ɓa; əgal adek akani, ya awsənən ɓa.

Hose'a 8:7

Vi səmyã adazlgaŋgə, barkataŋ adakkalanəni. Haykəmari net apok na ɓa, an apokko, agəɗ na gəpa ɓa, ya an agəɗək gəpa, molhõyẽɗ dədawzəməni.

Məsdəlveŋge 26:33

Wanətrayokum aret ɗiy nammba dəlva, wanəptu masalam akokum; dələv nokum wakkpaŋ muyã ɗarə gəm walaŋgəleɗe nokum kiməskiɗe.

Məsdəlveŋge 26:34

Asna dələv wannek də pay naffet nani, aka pay nawrayəs pak wakəssoŋ aka dələv net məzuzelkuməni, dəpaski kan dələv van adawfaɗ ki pay naffet nani;

Mika 5:11

Wanəzet teteleɗ noko məsənaŋ wən net ŋgərzleɗ təttaka assoŋ na anok da ɓa.

Mika 6:13

Ndəni naw tam nədarguk dit gbəgbaɗe, nədawzok vi mambrayɗe noko.

Əmsak aka Mahenziŋ 28:33

Zəgeɗ na mabardaw nok də iya nok pak ɗiy meɓɓet məs kəsin ɓa dədawzimini, ɗiy wazəmgukun sahã də wəsər mok pay pakə.

Əmsak aka Mahenziŋ 28:43

Molhõyõ nanokda, waɓay abe abe day kiko, ya nok wakərrumu.

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»