Isaya 1:29 - Bible en Guidar

²⁹ Vi wil wadukuməni mənokum məŋglaŋ əgegdeketin məŋgilveɗ ammbet wəleŋɗe na matuya, wil wadukuməni mənokum məŋglaŋ əgegdeketin məŋgilveɗ addivit wəleŋɗe rəɓə.

Isaya 1:29 ပူးပေါင်းရင်းမြစ်များ

Isaya 30:22

Wakulenin tuyaɗe nokum məkkəɗ təbəz babar aketi, va də heslepe zəga məzaɓən dirnik na meleŋge məhəsən, wakəzget va zəga mərga'ən: wakənah sən na, agili.

Isaya 31:7

Vi pay dəpaska, ɗəf pak wazget tuyeŋge na təbəz babara awaniɓa na meleŋge məs vokum mambray azaɓiŋki.

Isaya 42:17

Wil aket ɗiy məzaɓaŋ zəgakamaŋgəlva, aket məzuyenin zəgeɗ məhəsit na: meŋgilveɗ neti wamndoŋ dərɓe addəv ərba wili.

Isaya 45:16

Wil wadenini məzaɓaŋ zəgakamaŋgəlva warbaŋ wili baymeti wassoŋ sap pak addəv ərba wili.

Isaya 57:5

Mənokum tat əvoŋ ammbet wəleŋɗe na matuya ammbet wəleŋɗe məs də vet pakə. Mənokum tat ətaw wəlet kirtukum a lolohẽɗi, a poporit gərmeŋge.

Isaya 65:3

Tahəŋ ədan suwənən gədəvu pay pakə. Tahəŋ əzaɓaŋ-Maŋgəlva addəv guli net wəleŋɗe gəm tahəŋ əzlaŋ tursan aka təki nawzaɓ Maŋgəlva mərkan dit menekeɗe.

Isaya 66:17

Ɗiy məbburnən kizit vi kawtoŋ əzaɓ-Maŋgəlva a guli net wəleŋɗe ammba ɗəf dədəka məzəm slu na vedem, məzəm zəga daryaw gəm kakkam, wamtaŋ aka ma taka Yawe aɗiymani.

Yeremiya 2:20

Far kəŋzlu zuk noko, kəpəlik helegeɗ dəynokuni; kəmna: Nəgəɗ na wəza ɓa! Aka təki ɗagarra gəm ammbet wəleŋɗe tindiŋ tindiŋ pak kəweɗik zuk əɗɗa polkoyo.

Yeremiya 3:6

Aka pay na məlĩ Yosiyas, Yawe anah su na: Kulak an Israyel məs man sula sulas agəɗ sa? Ambatək aka mossorgo metiŋ məɓayəŋ awandi pakə, ammba wəlaŋga hirikhirik awandi pak əɗɗa polkoyo nan adaka.

Ezekiyel 16:63

Vi kəɗɗumongən an dətoŋgu, wil dədukungəni, mok adawkol ɓa sən ərba wil nok pay nədavvuyon suk an kəgəɗ pakə, Daya Yawe aɗiymani.»

Ezekiyel 36:31

Wakəɗɗumonən ədaw nokum mbərayən də zəga naɗɗa nokum tay moggon ɓaŋka. Kənanən na nek ɓa vi heslepe nokum gəm zəga daryaw nokum.

Ezekiyel 6:13

Wakəsənnən na, intə Yawe pay kiygəbeyit adawsan a weleŋgit meŋgilveɗ neti, kiyit matuyaɗe net tərwəslə, aka mossorgo məɓayən pakə, aka dadwar kiyit mossorgoɗe gugriɗ pakə, ammba wəlaŋga titik titik pak gəm ammbet wəleŋɗe adawyaŋ terebentə pakə, təki məs adawzlaŋ tursan naffeten mekret meŋgilveɗ net pakə.

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 14:8

En dəssoŋ də gəla ara zeŋgilen wamndoŋgu, wenseŋ haykəmari, waffiyoŋ va megezlembirke, sləmet wagil va mbazla na Liban.

Hose'a 4:13

A dadwar kiyit mossorgoɗe gugriɗ adawzaɓaŋ-Maŋgəlva, aket mossorgoɗe adawzlaŋ tursanɗe ammbet wəleŋɗe gugriɗe adawyaŋ na Elon, libne, Ela vi zeŋgile net moggoni. Sən aski, kirtukum muguluŋgit adaɗɗaŋ polkoyo, gil net kirtukum adawkuwaŋ a gizbe.

Hose'a 4:19

Səmyã wake aka perslekeni, wil wabeynin aka əzaɓ-Maŋgəlva net adaŋgə.

Roma 6:21

Mi kərəhaŋ kan də wəza nan di? Gesiŋ wil tay ədukumən sit zəgeɗ kəɗɗaŋ vet kakaŋka, vi əgrak net zəgeɗ vet əmta yi.