Isaya 1:28 - Bible en Guidar

²⁸ Ya əzay viyit ɗiy məɓoŋti gəm məs mambrayɗe, wəgrak net ɗiy en dəzganən Yawe yi.

Isaya 1:28 ပူးပေါင်းရင်းမြစ်များ

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

2Alabaraɗe Də Mabərkiziti 21:10

Hã pay dəpaŋka Edom tay məɓoŋgun aka məlĩ na Yuda. Dasək vani Libna pak aɓoŋguk akani, vi appan Yawe Maŋgəlva net efiŋgiɗni.

2Alabaraɗe Də Mabərkiziti 28:23

Yaŋ azaɓ-Maŋgəlva sit meŋgilveɗ na Damas məs dəskanən wəlan neki, amna: «Adan meŋgilveɗ net milyeŋge na Aram tahəŋ əbbah sit na, sit anet nədawzaɓ-Maŋgəlva vi dəbbahaŋ suwəngəni.» Assoŋguk ka zəga nazbərgen ndən də Israyel baymani.

2Alabaraɗe Də Mabərkiziti 28:6

Addəv wəsɓəta taka kaka' Peka wətən Remalya abayək ɗiy na Yuda gabal səkat də gabal kaklaw sula, baymetis guromɗe nalpa, vimi di na appanən Yawe Maŋgəlva net efiŋgiɗti.

Ɗerewel na Yob 31:3

Əzay vi ɗəf mbərayən, gəm tatwãh vi ɗiy məs aɗɗaŋ təstəs ɓa ɓa sa?

Ɗerewel na Yob 34:26

Tay əbeyit a maheret ɗiy va məsdarawɗe.

Ɗerewel na Yob 34:27

Vi aktuhunək diɓet səni, dəprəmən gabba tive nan ɓa.

Gəlyaɗe 1:6

Vi Yawe asənək ədaw net ɗiy en təstəsə, ya tive net məsdarawɗe na əzay yi.

Gəlyaɗe 104:35

Kəta məs mambrayɗe dəgrakaŋ səka dəlvafuŋ, məsdarawɗe adassoŋ əmpa ɓa! Naw anəsokon Yawe! Məɗi ki Yawe!

Gəlyaɗe 125:5

Ya net ɗiy mədawaŋ slokorslokor na Yawe warɓehet sap dit məɗɗaŋ mbərayən! Zazay aka Israyel!

Gəlyaɗe 37:38

En məɓoŋgit kawzeti pakgit sapə, mazlalwẽt məsdarawɗe wazə.

Gəlyaɗe 5:6

məsfərkeɗ aziweŋ na a mahorok ɓa. Is tat əzel məɗɗaŋ zəga mbərayən pakə;

Gəlyaɗe 73:27

Vi məzuzaraŋ səzok tahəŋ əzaŋgə; wakəzan ɗəf an dəppoko.

Gəlyaɗe 9:5

vi kəkək wən ammbawa, kəplawəka; kəsokuk aka mazaŋga na məlĩ nok ətawwən təstəsə.

Gəlyaɗe 92:9

Ya nok a disiŋ adak na, Yawe kənan hã faɗə.

Wənməkkpaŋga 29:1

Ɗəf an dəɓəlan kiyən sən əsəɓ kaŋzlani girziki, mihã nan tay ɓa.

Isaya 1:4

Əray akokum ɗiy məɗɗaŋ mambraya, ɗiy məknehit də əɗɗa an dəslə ɓa, gebbet məɗɗaŋ ɗarɗarə, kirtit məsukoŋmegiɓe! Azganənənək Yawe, azeleninik Maŋgəlva Salala na Israyel, aktuhunək diɓet səni.

Isaya 24:20

Geŋgeɗ-geŋgeɗ dəlvafuŋ aɓəl va məs mbazla abayə, tay əɓla va gizlirge nawga. Mambray nan tay gədak akani, askotko, asil na əmpa ɓa.

Isaya 30:13

Vini kana, mambray vanəs wasan sukum va əpɗak na zlava məɓayən asna ndən ədakɗaya gurzik na ndən əɓzla aka ma taka wow.

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 50:1

An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Isaya 50:11

Nokum, mənokum məs kəsɗanən offo pakə, kəziweŋ vender-vender dit offoɗe mətelti, məddoŋ a gulo na offo nokum, gəm a təki kətalən offoɗe. Də vawi as van agəɗ akokum; wakəmtaŋ addəv əzəmsahã.

Isaya 58:2

Aza əvoŋ pak tahəŋ ədder azawa, aŋglaŋ dəsənnəngən tive nawa va ɗiy məzəɗɗaŋ miyi pak də tiveni. Va ɗiy məs dəzganən an Maŋgəlva ataw naɗɗa ɓa. Tahəŋ əttokowən an Maŋgəlva aziwgini, aŋglaŋgək Maŋgəlva dəsangən go'o azeti.

Isaya 64:6

Ɗəf tay nawya iya nok ɓa, tay nawsilye kadder azok ɓa. Vi kəɓoŋguk dawləmə, kəppamək əskot addəvit heslepeɗe namə.

Isaya 65:11

Ya mənokum məs kəzganən Yawe, məzgətaŋ ki mossorgo salala nawa məpsənən zəga nawzəm sən zəgakamaŋgəlva dəsan a Gad, məzəknahtən huloŋguk na zəgakamaŋgəlva Meni də zəga nawsa məslahani.

Isaya 66:17

Ɗiy məbburnən kizit vi kawtoŋ əzaɓ-Maŋgəlva a guli net wəleŋɗe ammba ɗəf dədəka məzəm slu na vedem, məzəm zəga daryaw gəm kakkam, wamtaŋ aka ma taka Yawe aɗiymani.

Isaya 66:24

Wagilyoŋ vi kawla kigəbeyit ɗiy məs dətemeŋ akawa. Tava məs dəzime amtə na ɓa, offo net amtə na ɓa. Wassoŋ ka zəga daryaw viyit ɗiy pakə.

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 44:12

Wanəgim en dəmbraŋ sə Yuda, məs dəɗinən heret nawbat aka dələv na Eziptə kassa adaka, wagrakaŋ pak aka dələv na Eziptə. Waskotoŋ ama masalam, sən mayã. Wagrakaŋ təŋ səka muzliya gap ɗəf metiŋgin, wamtaŋ ama masalam gəm sən mayã. Wakkpaŋgaŋ zəga na mahanay, məreygit tipi, ka zəgeɗ net mefɗeke gəm zəgeɗ na əra.

Hose'a 14:9

Miy naw azet zəgeɗ dəgilyoŋ va meŋgilveɗ əmpa di Efrayim? In nəzlani, ətaɗən. In tat məndufu va wəleŋɗe lelewɗe, səzaw uwa nok adazzani.

1Tesaloniki 5:3

Pay adawnahaŋ na: Addəv zay mənani gəm fendeŋ mənani, əza wade aket mədəgirzike va daway ada waksət gulku, sessel akohoŋ na ɓa.

2Piyer 3:7

Ya disiŋ də dəlvafuŋ an kakaŋkiŋki, məɗiti ta' sən offo də wəpel vani. Məzeɓeti vi pay nawtawwəna gəm pay nawza net ɗiy mbəreyti.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

1Samiyel 12:25

An kəɗɗaŋgək mbərayən hara na, kawzokumi yi də məlĩ nokum pak kəkəɗə.»