Isaya 1:26 - Bible en Guidar

²⁶ Wanəkkpeŋget mətawaŋwən nok va lahəŋka, gəm məzəsəɓ sukun aka ədaw nok va aka ətəŋga. Asna kawyuki Walaŋgəla-metiŋgin na təstəsə gəm Marba Walaŋgəla-metiŋ moggoni.»

Isaya 1:26 ပူးပေါင်းရင်းမြစ်များ

Isaya 1:21

Mbarmbar walaŋgəla-metiŋ an təstəs akkpaŋ məpolkoyo di? Təstəs gəm ədaw sarara tahəŋ addəvən lahəŋka; ya kakaŋ na, məbayaŋ gəbayəŋgə.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 33:5

Yawe metiŋgini vi a disiŋ asani aknahək Siyon də wədaw sarara gəm wəɗɗa təstəsə.

Isaya 54:14

Təstəs waɓɓəloko. Wakəsok ɓa' səza əzəmsahã, kəgəslne na əmpa ɓa. Kəkker na sən geslne ɓa, vi agapuk na ɓa.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 33:7

Wanəzaɓan wən na Yuda gəm wən na Israyel, wanərke va asan lahəŋka.

Ezekiyel 45:8

na dələv vani; dəsangən ka təki nan a Israyel. Vasna deyeɗe naw asərnən na met ɗiy naw əmpa ɓa; wapsitin dələv sit mə Israyelɗe hilfiŋgiɗti.

Mika 4:8

Ya isi mossorgo na Yerusalem, gəla nawga, abeŋ na wakərəh gagdak nok an lahəŋka. Yerusalem wamsak əsan təki məlĩ adawsani.

Sefanya 3:13

Madambirgit mə Israyelɗe aɗɗaŋ na ɗarɗar ɓa; awaŋ na wən əmpa ɓa, akolnən na met nawwa wən ɓa; waɓap əzəmaŋgə, waffeteŋ məza ɗəf əgeslne'git ɓa.

Sefanya 3:9

Vi wanəkkpaŋgan metteɓ met ɗiy kotakə, vi ndəɗaŋ pak diyanəngən iya na Yawe, vi dəɗɗaŋ sənəngən wəza də mekret taka.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Əŋɗa 12:3

Ya Moyis nan, ɗəf məs dəɓe'gən kiyən aba Daya yi day ki ɗəf awandi pak aka dəlvafuŋgu.

Əŋɗa 16:15

Gədəv Moyis adək sawɓa. Aɓsən Yawe na: «kəzlgə sləma aka əvəl net ɓa. Nətaf koro net dayday ɓa, mbərayən tay nəgəɗ sən ɗəf taka səmmbet ɓa.»

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.